Amainhama 2:8 - Baibuli Ekibono kya Katonda 2014

⁸ Musengwa Katonda yaataagho enimiro mu Edeni ku luuyi olw'e buvandhuba yaata omwo omuntu ye yali amaze okuwumba.

Amainhama 2:8 ပူးပေါင်းရင်းမြစ်များ

Amainhama 13:10

Loti yeezunguluza amaiso, yaabona ng'ekiiko eky'e Yorudani kyonakyona okutuukira irala e Zoari, kirimu amaadhi mangi nga kiri ng'oti n'Enimiro ya Musengwa Katonda, oba ng'oti n'ensi ey'e Misiri. Bino byaligho nga Musengwa Katonda akaali kuzikiriza Sodoma ni Gomorra.

Amainhama 3:23

Kale Musengwa Katonda yaamutoola mu nimiro ey'e Edeni, alimenga eitaka mwe yakolebwa,

Amainhama 3:24

yaamubingira kuliya. Ku luuyi olw'enimiro olw'e buvandhuba yataayo ebitonde ebiri n'amaghagha ebyetebwa kerubi, era n'empiima eyaka, era ng'ekyukira ku ndhuyi dhoonadhoona okukuumanga engira eja ku muti ogw'obulamu.

Amainhama 4:16

Kaini yaava mu maiso ga Musengwa Katonda, yaaja yaabanga mu nsi eyetebwa “Ntambula ntyo,” eri ku luuyi olw'e buvandhuba bwa Edeni.

2 Bakyabazinga 19:12

Badhaadha bange baazikiriza ebibuga, Gozani, ni Harani, ni Rezefu, era baazikiriza Abaedeni abaali mu Telassari. Aye ghaalighooku omusambwa waire omulala ogwasobola okubawonia?

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Ezekieli 27:23

Ab'e Harani, n'ab'e Kanne, n'ab'e Edeni, n'ab'e Sheba, n'ab'e Assihuri, n'ab'e Kilimadi, boonaboona baasuubulagana n'iwe.

Ezekieli 28:13

Wabanga mu Edeni, enimiro ya Katonda. Ng'ovaala eby'okwewoomya ebyakolebwa mu mabaale ag'omughendo: sarudio, topazi, yasipera, kurisolito, berulo, onikisi, saffiro, karabunkule ni emeraludo. Era ng'oba n'ebyamadholobera ebya zaabu. Ebyo byonabyona byakolebwa ku lunaku lwe watonderwaku.

Ezekieli 31:16

Bwe ndigusuula e magombe ghalala n'abo abaika eyo mu lwina, omuvuuma ogw'okugwa kwagwo gulitengeesa amaghanga. Emiti gyonagyona egy'omu Edeni, n'egyo egy'e Lebanoni gyonagyona egisinga bulungi egyanhwa amaadhi, era egyaserengeta mu itaka, girisangaala olw'okugwa kwagwo.

Ezekieli 31:18

“Mu miti gyonagyona egy'omu Edeni, nnaakugeza ku guli gha, mu kitiibwa ni mu bukologho? Aye era weena oliika ghansi ghalala n'emiti egy'omu Edeni, waaba eyo mu nsi ey'abafu ghalala n'abatatya Katonda abo abataali bakekete abaitirwa mu lutalo. “Omuti ogwo ni kyabazinga wa Misiri n'abantu be boonaboona. Nze Musengwa Katonda ninze nkobye.”

Yoeli 2:3

Aghantu ghe dhiriire ebimera ghaba ng'oti muliro n'ogwokiikyagho. Emberi ye dhikaali kutuuka, ensi eba ng'oti n'enimiro ey'e Edeni, aye einhuma ye dhimaze okubita efuuka bifulukwa byereere omutaba bantu. Ghazira kintu waire ekirala kiti kye dhitazikiriza.