Amainhama 2:25 - Baibuli Ekibono kya Katonda 2014

²⁵ Omusaadha n'omukazi bombi baali madu, aye nga tibagemwa nsoni.

Amainhama 2:25 ပူးပေါင်းရင်းမြစ်များ

Amainhama 3:7

Olwo amaiso gaibwe bombi gaazibuka, baategeera nga bali madu. Kale baatunga amakaba ag'omuti omutiini, baagakolamu ebivaalo beeghemba.

Zabbuli 25:3

Bwene otaganha abo abasuubirira mu iwe kuswala, aye abo ab'empwitu abakudheemera, ka baswale.

Zabbuli 31:17

Wo Musengwa Katonda, otandeka ni nswala, kuba niiwe ye nsaba. Abakozi b'ebibi baswaze, baje e magombe nga basiriikiriire.

Okuvaayo 32:25

Musa yaabona ng'abantu bafuuse ng'oti n'ensolo edhikutwire, engeri Aaroni bweyabaleka ni beebisa eyo batyo mu nsambo ebaswaza mu maiso ag'abazigu baibwe.

Isaia 44:9

Abo boonaboona abakola ebisinzibwa ebitali Katonda bali agho batyo, bazira kye bagasa naire. N'ebisinzibwa byaibwe ebyo ebibeesiimisa, biziramu muganhulo. N'abo ababisinza batulu beene, era tibaidhi ng'ekyo kye bakola kisobola okubaleetera okuswala obuswale.

Isaia 47:3

Abantu balikubona ng'oli madu, nga bakuswaziiza n'ensoni dhaakugema. Nja kwesasuuza era ezira muntu ye ndisaasira naire.”

Isaia 54:4

Leka kutya, kuba toliiramu kuswazibwa kabiri; leka na kutabulwa, kuba ensoni tidhiriiramu kukugema kabiri. Olyerabira ensoni edh'omu buto bwo edh'obutaba mwesigwa, weerabira n'enaku ey'okulekebwa agho otyo nga namwandu.

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Yeremia 6:15

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Ezekieli 16:61

Baganda bo bombi, mukulu wo ni muto wo, bwe baliira y'oli ensoni dhiri kugema olw'ebyo bye wakola. Ndibakwiriza baaba ng'oti bwa baghala bo, waire ng'ekyo tikiri mu ndagaano yange n'iwe.

Yoeli 2:26

Mwidha kubanga n'eby'okulya kamaala ebinaabaigusanga, ni musaaka eriina lyange nze Musengwa Katonda waimwe, eyabakolera ebyewuunhisa. Abantu bange tibaliirayo kabiri kuswazibwa.

Mariko 8:38

Omuntu nze ye ngemya ensoni, n'ebibono byange ye bigemya ensoni mu nnaku dhino edh'abatatya Katonda n'aboonooni, yeena Omwana w'Omuntu alimugemerwa ensoni lw'aliira mu kitiisa kya Ise ni bamalaika abatukuvu.”

Luka 9:26

Era buli ye ngemya ensoni, n'ebibono byange ye bigemya ensoni, oyo yeena aligemya Omwana w'Omuntu ensoni lw'aliidha mu kitiisa kye, n'ekya Ise, n'ekya bamalaika abatukuvu.

Ab'e Roma 10:11

Ebyaghandiikibwa bwe bikoba biti: “Kiisi amwikiriza taja kugemwa nsoni”,