Amainhama 2:17 - Baibuli Ekibono kya Katonda 2014

¹⁷ Aye otalyanga ku kibala kya ku muti ogw'okumanha obulungi n'obubi, kuba olunaku lwene lw'olikirya, olifa.”

Amainhama 2:17 ပူးပေါင်းရင်းမြစ်များ

Amainhama 2:9

Musengwa Katonda yaameza mu nsi kiisi muti ogusanhusa okubona era omulungi okulyaku ebibala. Ghagati mu nimiro nga ghaligho omuti ogw'obulamu era ogw'okumanha obulungi n'obubi.

Amainhama 20:7

Mpegaano ni, izaayo muka beene; kuba omusaadha oyo mulanzi, era aidha kukusabira obe mulamu. Aye bw'otaizeeyo mukazi, manha ng'oteekwa kufa, iwe n'abantu bo boonaboona.”

Amainhama 3:11

Katonda yaamubuuza ati: “Naani akukobeire ati oli madu? Oliire ku kibala eky'oku muti gwe nakukoba obutalyangaku?”

Amainhama 3:17

Yaakoba omusaadha ati: “Olw'okuba wawulirisa mukazi wo bye yakukoba, waalya ku kibala eky'omuti gwe nabalobera okulyaku, eitaka likolimiirwa. Mu kufaabiikana mw'onaatoolanga eky'okulya, enaku dhoonadhoona edh'obulamu bwo.

Amainhama 3:19

Oidha kufaabiikananga era ogezimulenga, memale ofunenga eky'okulya, okutuusa lw'oliirayo mu itaka mwe wakolebwa. Mu itaka mwe wava, era mu itaka mw'oliira.”

1 Bakyabazinga 2:37

Kimanhe bumanhe nti k'olivaayo n'osomoka akaiga Kiduroni, oliitibwa bwitibwe. Era oliba nga niiwe mwene weereeteire okufa.”

1 Bakyabazinga 2:42

Kyabazinga yaayetesa Shimei, yaamukoba ati: “Tyakulayiza mu Musengwa Katonda, ni nkukaninkiriza nga nkoba nti k'oliva e Yerusalemu n'oja aghantu aghandi woonawoona, kimanhe bumanhe nti oliitibwa bwitibwe? Era tiwandhiramu oti, ‘Ky'okobye kirungi. Ndidha kukigondera?’

Yeremia 26:8

Era olwamala nti okubyogera, bangwaku bangema nga bwe baasiikana bati: “Ogwaine kwitibwa olw'ebyo by'okobye.

Ezekieli 18:13

era yaawola omuntu lwa kumufunaku magoba olwo mwene yeeyongere okuba omukombe. Bwenebwene omuntu oyo agwaniire okuba omulamu? Busa naire, tibalimulekagho nga mulamu. Alifa olw'okukola ebyenhinhalwa ebyo byonabyona, era aliba nga ni mwene eyeereeteire okufa.

Ezekieli 18:32

Nze tinhumirwa kubona muntu yeenayeena ng'afiire. Kale ni mukyuke muve mu bibi byaimwe, memale mube balamu.” Musengwa Katonda atyo bw'akobye.

Ezekieli 18:4

Bona eno, nze ninze nfuga obulamu obwa buli muntu, ka bube obw'omuzaire oba obw'omwana. Kale omuntu akola ebibi n'alifa.

Ezekieli 33:14

Era bwendabula omuntu omubi nti bwenebwene aidha kufa, aye n'akyuka n'alekera okukola ebibi, n'akola ebituufu ebigwaniire ng'ajiira ku mateeka,

Ezekieli 33:8

Bwe nkoba omuntu yeenayeena omukozi w'ebibi nti, ‘Iwe omubi, bwenebwene oidha kufa’, memale n'otayogera kumulabula akyuke aleke ebibi bye, omuntu oyo alifiira mu bibi bye. Aye omusango ogw'okufa kwe ndiguta ku iwe.

Okubala 26:65

kuba Musengwa Katonda yabakoba ati boonaboona baja kufiira mu irungu. Era boonaboona baafa, okutoolaku Kalebu mutabane wa Yefune ni Yoshua mutabane wa Nuni.

Ab'e Roma 1:32

Waire nga baidhi nga eiteeka lya Katonda likoba liti abo abakola ebyo bagwaniire kufa, aye babikola. Ate tibakoma ku kubikola, kyonka aye basiima n'abo ababikola.

Ab'e Roma 6:16

Timwidhi nga bwe mweghaayo ng'abairu abawulize, muba bairu b'ekyo kye mugondera? Bwe mutaba bairu ba kibi ekireeta okufa, muba bairu ba buwulize obubaleetera okuba abatuukirivu ye Katonda.

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

Ab'e Roma 8:2

Eiteeka lya Mwoyo eritugha ife obulamu abali mu Kurisito Yesu, lyamponia eiteeka ery'ekibi era n'okufa.

1 Ab'e Korintho 15:22

Era ng'abantu boonaboona bwe bafa mu Adamu, mu nsambo n'endala boonaboona balizuukira mu Kurisito.

1 Ab'e Korintho 15:56

Okulumya okw'okufa kuva mu kibi, n'amaani g'ekibi gava mu Mateeka.

Ab'e Galatia 3:10

Abo abeesigama ku kukola ng'Amateeka bwe galagira bakolimirwe, kuba ebyaghandiikibwa bikoba biti: “Omuntu yeenayeena ataatuusenga buliidho ebyo byonabyona ebyaghandiikibwa mu kitabo kino eky'Amateeka, akolimirwe!”

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

Amateeka Agokubiri 27:26

“ ‘Omuntu yeenayeena ataatuukirizenga mateeka gano, akolimirwenga!’ “Olwo abantu boonaboona baliiramu bati, ‘Amiina.’ ”

Amateeka Agokubiri 30:15

“Bona, olwaleero ndi kubagha okulondagho okuba obulungi oba okuba obubi, okuba abalamu oba okufa.

Amateeka Agokubiri 30:19

Ndayira olwaleero eigulu n'ensi bibe abadhulizi bange ababalumiriza, nti mbaghaire okulondagho okuba abalamu oba okufa, okugheebwa enkabi oba okukolimirwa. Kale ni mulondegho obulamu, mughange okubanga abalamu n'eizaire lyaimwe.

Ab'e Kolosai 2:13

Era imwe abaali abafu olw'okuba mu bibi byaimwe, era n'olw'obutaba bakekete mu mibiri gyaimwe, Katonda yabafuula abalamu ni Kurisito, nga amaze okutusonigha twenatwena ebibi byaife.

1 Timotheo 5:6

Aye namwandu oyo ajiira ku by'amasanhu aba mufu, waire aba ng'akaatambula.

Yakobo 1:15

Okwegomba kuvaamu ekibi ate ekibi kyavaamu okufa.

1 Yoanne 5:16

Omuntu yeenayeena bw'abona nga muganda we ali kukola ekibi ekitamutwala mu kuzikirira, asabenga Katonda aghe omuntu oyo obulamu. Nkoba abo abakola ebibi ebitatwala mu kuzikirira. Aye eriyo ebibi ebitwala mu kuzikirira. Ebyo ti ni bye nkoba okusabiranga.

Okwolekebwa 2:11

Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula, okufa okwokubiri tikulimukolaku kabi.

Okwolekebwa 20:14

Agho Okufa n'Amagombe byasuulibwa mu nhandha ey'omuliro. Enhandha eyo ey'omuliro, n'okufa okwokubiri.

Okwolekebwa 20:6

Ba nkabi era batukuvu abazuukirira mu kuzuukira kuno okusooka. Abo, okufa okwokubiri kubaziraku bukumu, aye baliba bakabona ba Katonda era ba Kurisito era balifuga naye emyaka lukumi.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Abalamuzi 3:2

Ekyo yakikola ng'ayenda okwegeresa Abaisiraeli aba buli luse eby'entalo, okusingira irala abo abaali nga tibabangaku mu lutalo.

1 Samueli 14:39

Ndayira Musengwa Katonda omulamu alokola Isiraeli nti, ekibi ekyo ni bwe kiba nga kikoleibwa mutabane wange Yonathani, bwenebwene aidha kwitibwa.” Aye mu bantu boonaboona ghazira yamwiramu.

1 Samueli 14:44

Saulo yaamukoba ati: “Katonda agwananga yambonereza n'obukambwe, bw'otaitibwe iwe Yonathani.”

1 Samueli 20:31

Oli n'okukimanha nti mutabane wa Yesse oyo bw'asigala ng'akaali mulamu ku nsi, iwe tolifuuka kyabazinga. Kale mpegaano mwetese aidhe, omundeetere, kuba ateekwa buteekwe okufa.”

1 Samueli 22:16

Aye kyabazinga yaakoba ati: “Bwenebwene, iwe Ahimeleki n'ab'endhu ya lata wo boonaboona, muteekwa kufa.”