Amainhama 19:9 - Baibuli Ekibono kya Katonda 2014

⁹ Aye baakoba bati: “Vaayo!” Era bati: “Ono omusaadha eyaidha kuno okusenga obusenge, mpegaano n'ayenda okutusaliragho eky'okukola! Kale twidha kukubisa bubi inho okusinga ni bale.” Agho baasindiikiriza Loti ekyeinhumainhuma, era baaseeta okumenha olwigi.

Amainhama 19:9 ပူးပေါင်းရင်းမြစ်များ

Amainhama 11:6

era yaakoba ati: “Abantu bano boonaboona bali muntu mulala, era boogera olulimi lulala! Kino kitoolereiza butoolereze ku ebyo bye baidha okukola ye bwidha baidha kukolanga kyonakyona kye benda!

Amainhama 13:12

Aburamu yaasigala mu Kanaani, aye Loti yaasenga mu bibuga eby'omu kiiko, era yaazimba weema ye kumpi ni Sodoma.

Okuvaayo 2:14

Ole yaamwiramu ati: “Koodhi naani eyakufuula omufuzi era omulamuzi waife? Oli kwenda kundhita ng'oti ni bwewaise Omumisiri idho?” Agho Musa yaatya inho ng'akoba mule ati: “Bwenebwene kye nakoze idho kyamanhiibwa.”

Ensambo 14:16

Omugezi asooka kwekengeera era yeesamba ebizibu, aye omusiru aghalambuka bughalambuke nga tafaayo.

Ensambo 17:12

Omuntu amala gaagaanana na nsolo nkambwe enhagiibwaku abaana baayo, atayagaanaine na musiru ng'ali kukola obusiru bwe.

Ensambo 27:3

Waire amabaale n'omusenho bizitogha, aye ebizibu omusiru by'aleeta bizitogha okuwula ebyo byombi.

Omulangirizi 10:13

Omusiru bw'atoolera okwogera, by'akoba biba bya kisiru, era ku nkomerero biba bya kiralu kyene.

Omulangirizi 9:3

Ekibi ekiri mu byonabyona ebikolebwa ku nsi, kiri nti enkomerero yaabyo byonabyona eri ndala. Mu myoyo gy'abantu abalamu mwidhwire bibi na iralu, era ekisembayo kuba kufa bufe.

Isaia 65:5

Bakoba banaibwe bati, ‘Mwemerere ere ghala, mutatuseetaku. Ife baatulondamu, tituli ng'oti niimwe.’ Aye nze tisobola kuguminkiriza bantu bali ng'oti n'abo. Bangemya obusungu obwokya ng'oti muliro ogutazikira.

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Yeremia 6:15

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Ezekieli 16:49

Bona eno, ekibi Sodoma kye yakola ghalala n'ebibuga bye, kyali kwekuluntaza olw'okuba n'emere enhingi, era nga buli kintu kibajiira bukalamu mu miraala, aye ni baloba okuyamba abaavu n'abali mu bwetaavu.

Matayo 7:6

“Embwa mutadhighanga bitukuvu, kuba dhisobola okubakyukira dhaabakankada. Ate amabaale ag'omughendo mutagasuuliranga mbiidhi, kuba dhiganiinirira buniinirire.

1 Samueli 17:44

Era yaamukoba ati: “Kale idha ghano ghe ndi, omulambo gwo ndidha kugugabula enhonhi edh'omu ibbanga n'ensolo edh'omu nsiko.”

1 Samueli 2:16

Ole bweyamwirangamu ati: “Ka bamale okwokya amasavu memale otwale emamba y'onaayenda yoonayoona,” agho ng'omugheereza amwiramu ati: “Busa oteekwa okugimpa buti, bw'oloba ndidha kugitwala bya ntaka.”

1 Samueli 25:17

Kale ni ekyo kirowoozeeku era osalegho ky'onaakola, kuba kiidha kuleetera musengwa waife akabi okumwidhira aghalala n'ab'endhu ye. Ate musengwa waife oyo muntu wa ikabyo inho, ghazira aghanga kwogeraku naye.”