Amainhama 19:38 - Baibuli Ekibono kya Katonda 2014

³⁸ Omuto yeena yaazaala omwana mulenzi, yaamutuuma eriina Benammi. Oyo ni dhaadha ow'Abammoni okutuusa ni mpegaano.

Amainhama 19:38 ပူးပေါင်းရင်းမြစ်များ

Amainhama 20:1

Aburahamu yaava e Mamure, yaaja ng'ayolekeire ekiketezo kya Buyudaaya ekikalukalu ku luuyi olw'omukono omusaadha olw'e buvandhuba, yaasenga ghagati gha Kadeshi ni Shuri yaamala entangama ng'ali mu Gerari.

Zabbuli 83:9

Aye iwe bakole kye wakola Abamidia, era kye wakola Sisera ni Yabini ku mwiga Kishoni,

Isaia 11:14

Balyeyimba ghalala baalumba Abafilisiti e bugwandhuba, era baaja baanhagulula abantu b'e buvandhuba. Balighangula Abaedomu n'Abamoabu, n'Abammoni boona balibagondera.

Zefania 2:8

Musengwa Katonda Aghanga ebintu byonabyona akoba ati: “Mpuliire abantu Abamoabu n'Abammoni nga bavuma era nga bayeeyereza abantu bange. Era naawulira nga beesuuta nga bwe baidha okubanhagaku ekiketezo kyaibwe.

Zefania 2:9

Kale ni, nze Musengwa Katonda omulamu afuga amagye, Katonda wa Isiraeli, ndayiire nti ebiketezo eby'Abamoabu n'Abammoni bija kuzikirira, nga Sodoma ni Gomorra bwe byazikirira. Bija kufuuka ekifo ekiidhwire ebisubisubi ebifumita n'ebiina ebisimwamu omuunhu. Bifuuke ekifo ekiziramu kirungi kye kivaamu ebyanda n'ebyanda. Abantu bange abaliwonagho balinhaga ekiketezo ekyo kyaba kyaibwe.”

Amateeka Agokubiri 2:19

Bwe munaaba nga muli kumpi okutuuka mu nsi ey'Abammoni, mutabadaazadaaza era mutabatanulaku lutalo. Kuba imwe tija kubaghaaku kitundu waire ekitono kiti ku nsi yaibwe, okuba ekyaimwe. Ensi eyo namala ira okugigha Abammoni abo baidhukulu ba Loti, ebe yaibwe.’ ”

Amateeka Agokubiri 2:9

Agho Musengwa Katonda yankoba ati, ‘Mutadaazadaaza bantu ab'e Moabu, baidhukulu ba Loti, era mutabatanulaku lutalo. Imwe tiidha kubaghaaku kitundu waire ekitono kiti ku nsi yaibwe, okuba ekyaimwe. Ekibuga Ari nakigha ira Abamoabu abo kibe kyaibwe.’ ”

Amateeka Agokubiri 23:3

“Omuammoni n'Omumoabu, ni baidhukulu baibwe, okutuukira irala ku luse olweikumi, tibaabalirwenga mu bantu ba Musengwa Katonda ebyanda n'ebyanda.

Abalamuzi 10:6

Agho Abaisiraeli kabiri baakola ebibi ye Musengwa Katonda, nga basinza emisambwa, Baali ni Ashitarothi. Era baasinza bakatonda b'Abasiria, n'ab'Abasidoni, n'ab'Abamoabu, n'ab'Abammoni, n'ab'Abafilisiti. Abaisiraeli abo, baava ku Musengwa Katonda, baalekera agho okumusinza.

1 Samueli 14:47

Saulo bwe yamala okufuuka kyabazinga wa Isiraeli, yalwanisa abazigu be ku ndhuyi dhoonadhoona: Yalwanisa Abamoabu, n'Abammoni, n'Abaedomu, ni bakyabazinga b'e Zoba, era n'Abafilisiti. Buli be yalwanisanga ng'abaghangula.