Amainhama 19:3 - Baibuli Ekibono kya Katonda 2014

³ Loti yaayongera okubakoba, okutuusa lwe baaja naye ni baingira mu ndhu ye. Yaabategekera embaga, yaafumba omugaati ogutazimbulukusiibwa, baalya.

Amainhama 19:3 ပူးပေါင်းရင်းမြစ်များ

Amainhama 19:2

yaakoba ati: “Basengwa bange, mbeeghembye mwidheku ewange nze ndi mugheereza waimwe. Munaabeku ku bigere era musule ghano. Munaawuuna ku nkyo mweyongerayo.” Aye bairamu bati: “Busa, ife twidha kusula ghano mu ngira.”

Amainhama 21:8

Omwana yaakula, era ku lunaku lwe yava ku mabeere, Aburahamu yaafumba embaga nnene.

Amainhama 24:31

Labani yaakoba ati: “Idha tuje eka, iwe Musengwa Katonda y'aghaire enkabi. Ku lwaki oyemerera eno ku luya? Nkutegekeire endhu n'ekifo eky'engamiya.”

Amainhama 26:30

Agho Isaaka yaabafumbira embaga, baalya era baanhwa.

2 Bakyabazinga 4:8

Lwali lulala, Elisha yaaja e Shunemu. Eyo e Shunemu yaliyo omukazi omukombe, yaamwegayirira alye ku mere mu maka ge. Era okuva ku olwo, Elisha buli lwe yabitanga oluuyi olwo, ng'aja yaalya emere mu maka ago.

Okuvaayo 12:15

“Mwidha kumalanga enaku musanvu nga mulya migaati egitazimbulukusiibwa gyonka. Ku lunaku olusooka mu edho omusanvu, muli n'okutoola mu ndhu dhaimwe kiisi kizimbulukusa kyonakyona. Omuntu yeenayeena anaalyanga omugaati oguzimbulukusiibwa mu nnaku edho omusanvu, anaabanga nga takaabalirwa mu Baisiraeli.

Okuvaayo 12:39

Baafumba emigaati egitazimbulukusiibwa mu ngaano ere enkande ye baava nayo mu Misiri, kuba Abamisiri baabagwidhubania nga bava mu Misiri, baabula ekiseera eky'okwesibirira entanda, waire okufunira ekizimbulukusa mu ngaano ye baavaayo nayo.

Luka 11:8

Ka mbakobere: Waire nga tasituka kumugha olw'okuba mukagwa we, asituka yaamugha kyonakyona ky'ayenda olw'okumudeeba.

Luka 14:23

Musengwa we kyeyava n'amulagira ati, ‘Ja mu nguudo enene ni mu ngira okake abantu okwidha, endhu yange eidhule.

Luka 5:29

Levi oyo yaamukolera embaga ey'amaani mu ndhu ye. Era abaghooza kamaala n'abantu abandi abaaligho yaalya nabo.

Yoanne 12:2

Eyo baamufumbirayo ekyeigulo era Maritha yaagheereza. Lazaro yaba mulala ku abo abaalya ni Yesu.

1 Ab'e Korintho 5:8

Kale ka tufumbe embaga, ti na mugaati ogulimu ekizimbulukusa ekikaire eky'eitima n'obubi, aye n'omugaati oguziramu kizimbulukusa, omugaati gwenegwene ogw'amazima.

2 Ab'e Korintho 5:14

Ife tufugibwa kugonza kwa Kurisito, era twidhi nga yafiirira boonaboona, ekikoba nti boonaboona bagabana ku kufa kwe.

Abaheburayi 13:2

Timwerabiranga kusangaazanga bantu be mutaidhi, kuba ghaligho abasangaaza bamalaika nga tibaidhi.

Abalamuzi 6:19

Kale Gideoni yaingira mu ndhu ye, yaita embuzi entototo, yaagifumba. Era yaakanda kilo ng'oti ikumi edh'obuwunga, yaakolamu emigaati egitazimbulukusiibwa. Emamba yaagita mu kiibo, omuunhu gwamu yaagufuka mu kibya, yaabireeta ye malaika wa Musengwa Katonda ali ghansi gh'omuti omukologho, yaabimugha.

1 Samueli 28:24

Omukazi yaligho agho n'ente entototo ye baapiita ensavu mu ndhu. Agho yaayangughaku okugiita, yaatoola engaano yaagikanda, yagifumbamu emigaati egitazimbulukusiibwa.