Amainhama 19:29 - Baibuli Ekibono kya Katonda 2014

²⁹ Kale ni kyaba nti Katonda bweyali ng'azikiriza ebibuga eby'omu kiiko tiyeerabira Aburahamu, kyeyava n'awonia Loti akabi okumutuukaku, yaamuleka yaavaamu.

Amainhama 19:29 ပူးပေါင်းရင်းမြစ်များ

Amainhama 11:27

Bano ni baidhukulu ba Tera: Tera yazaala Aburamu, Nahori ni Harani ate Harani yaazaala Loti.

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 30:22

Agho Katonda yaidhukira Rakeli, yaawulira okusaba kwe, yaamugha okuzaala.

Amainhama 8:1

Katonda yaidhukira Noa, era n'ensolo edh'omu nsiko, n'edho enfuge dhe yali nadho mu lyato. Katonda yaasindika empewo yaafuuwa ku nsi, amaadhi gaakendeera.

Nehemia 13:14

Naasaba nti: “Wo Katonda wange, oteerabiranga ebyo ebirungi bye nkoleire eisinzizo lyo, n'emirimo gye bakoleramu okukusinza.

Nehemia 13:22

Kale naalagira Abalevi okwetukuza, bamale baje bakuume emiryango olw'okukuuma Sabbato nga ntukuvu. Agho naasaba nti: “Wo Katonda wange, oteerabiranga n'ekyo kyona kye nkoze. Nkweghemba onsaasirenga, ongonze obutalekera.”

Yobu 35:8

Obubi bwo busobola kulumya muntu buntu ng'oti niiwe, n'ebirungi by'okola muntu ye biganhula.

Zabbuli 105:42

kuba yaidhukira endagaano ye entukuvu, ye yakola ni Aburahamu omugheereza we.

Zabbuli 105:8

Akuuma endagaano ebyanda n'ebyanda, yaagumira ku bye yasuubiza ni bweghabitagho ense olukumi.

Zabbuli 106:4

Wo Musengwa Katonda, ondidhukiranga lw'oligemerwa abantu bo ekivunika; ombeeranga wamponia ghalala nabo.

Zabbuli 136:23

Oyo n'eyatubeera ng'omuzigu atughangwire; okugonza kwe tikukoma, kubaagho byanda na byanda.

Zabbuli 145:20

Musengwa Katonda akuuma obulamu bw'abo abamugonza, aye abakozi b'ebibi boonaboona aidha kubazikiriza.

Zabbuli 25:7

Otaidhukira bibi byange na bisobyo byange eby'omu, buto aye olw'okugonza kwo okungi, n'olw'obulungi obw'eriina lyo, nze ondidhukiranga.

Ezekieli 14:16

abantu abo abasatu ni bwe bandigibairemu, nze Musengwa Katonda ndayira nti nga bwendi omulamu, tibandiwoniizaagho waire abaana baibwe. Beene bonka bati n'abandiwonezeibwa, aye ensi eyo yaasigala bifulukwa byereere.

Hosea 11:8

Abaisiraeli nsobola ntya okubaghaayo? Nsobola ntya okubalekulira agho? Nsobola ntya okubazikiriza ng'oti bwe nakola Adama? Nsobola ntya okubabisa ng'oti bwe nabisa Zeboiimu? Omwoyo gwange tigunganha kukikola; kuba mbagonza inho ebitaloodheka.

Amateeka Agokubiri 7:8

Aye olw'okuba Musengwa Katonda yabagonza, era yaayenda okukuuma ekisuubizo, kye yasuubiza badhaadha baimwe, kyeyava n'akozesa amaani ge agataloodheka okubanunula. Yaabatoola mu ngalo dha kyabazinga ow'e Misiri, ye mwakolanga obwiru.

Amateeka Agokubiri 9:27

Idhukira abagheereza bo, Aburahamu, Isaaka, ni Yakobo. Otalingirira mpwitu ya bantu bano, waire ebibi byaibwe, oba waire okwonoona kwaibwe.

Amateeka Agokubiri 9:5

Musengwa Katonda ali kubaleka okutwala ensi yaibwe, ti lwa kuba nga mugwaniire, oba nti mugondera ebiragiro bye. Aye beene ali kubabingamu, nga imwe mukaali kutuukayo, lwa bibi byaibwe, era lwa kuba ayenda okutuukiriza ekisuubizo, kye yasuubiza badhaadha baimwe, Aburahamu, Isaaka, ni Yakobo.

2 Petero 2:7

Yawoniagho Loti omusaadha omutuufu, eyali yeesiniirwa empisa edh'obudankaanu edh'abantu ababi.