Amainhama 19:24 - Baibuli Ekibono kya Katonda 2014

²⁴ Agho Musengwa Katonda yaagwisa obuganga bwa salufa, ng'oti maadhi, ku Sodoma ni Gomorra, nga buva mu igulu.

Amainhama 19:24 ပူးပေါင်းရင်းမြစ်များ

Amainhama 13:10

Loti yeezunguluza amaiso, yaabona ng'ekiiko eky'e Yorudani kyonakyona okutuukira irala e Zoari, kirimu amaadhi mangi nga kiri ng'oti n'Enimiro ya Musengwa Katonda, oba ng'oti n'ensi ey'e Misiri. Bino byaligho nga Musengwa Katonda akaali kuzikiriza Sodoma ni Gomorra.

Amainhama 13:12

Aburamu yaasigala mu Kanaani, aye Loti yaasenga mu bibuga eby'omu kiiko, era yaazimba weema ye kumpi ni Sodoma.

Amainhama 18:17

Musengwa Katonda yaakoba mule ati: “Tiidha kugisa Aburahamu ekyo kye ndi kuja okukola

Amainhama 19:23

Loti ghe yatuukira e Zoari endhuba yali ng'eviireyo.

Yobu 1:16

Oyo yali akaayogera, owundi yaidha yaakoba ati: “Omuliro gwa Katonda gugwire nga guva mu igulu, gwazikiriza entaama n'abaayi ababaire nga bali kudhaaya; era nze zenka ninze mponiegho okwidha okukukobera.”

Yobu 18:15

Omuntu aba ng'ayenze n'eyeesulira mu ndhu eyo etakaali yiye, nga bamaze okumansiramu obuganga bwa salufa.

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Okuvaayo 9:23

Kale Musa yaaghanika omwigo gwe ng'agusonse ku igulu. Musengwa Katonda yaasindika ku nsi okumyansa, n'olukuba, n'omugozi, byagwira ensi Misiri.

Isaia 1:9

Ngoli Musengwa Katonda Afuga Amagye tiyatulekeraghooku bantu batono abaawonagho, twandibaire ng'oti n'ab'e Sodoma, era twafaanana ng'oti n'ab'e Gomorra mu ebyo ebyabatuukaku.

Isaia 13:19

Waire obwakyabazinga bwa Babilonia n'obusingamu okuba obw'ekitiisa era obweyagaza inho abantu baayo, nze Musengwa Katonda ndibuzikiriza ng'oti ni bwe nazikiriza Sodoma ni Gomorra.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Yeremia 20:16

Omuntu oyo agwananga yaaba ng'oti n'ebibuga Musengwa Katonda bye yazikiriza nga tabisaasira naire. Agwananga yaawulira ku nkyo okuwowoola okw'abali mu bulumi, era mu kasana ghagati yaawulira enduulu edh'olutalo;

Yeremia 23:14

Aye ate mboine ng'abalanzi b'omu Yerusalemu, bakola ebibi n'okusinga agho: bakola obwenzi era baaguya, baleetera abantu okukola ebibi. Olwo ghaabula akyuka okuva mu bibi bye. Nze mbona nga boonaboona babi ng'oti n'abantu b'e Sodoma n'ab'e Gomorra.”

Yeremia 49:18

Nga Sodoma ni Gomorra bwe baabizikiriza aghalala n'ebibuga ebyali agho okumpi nabyo, n'ensi Edomu etyo bwe baligizikiriza, yaaloba kwiramu kubangamu bantu. Nze Musengwa Katonda, ninze nkobye.

Yeremia 50:40

Nga bwe nazikiriza Sodoma, ni Gomorra, aghalala n'ebibuga ebyali agho okumpi nabyo, n'ekibuga Babiloni ntyo bwe ndikizikiriza, kyaloba kwiramu kubangamu bantu. Nze Musengwa Katonda, ninze nkobye.

Okulira 4:6

Ekibonerezo abantu bange kye baafuna kinene okusinga ekibonerezo ekyagheebwa Sodoma, Katonda kye yazikiriza mu kaseera akazira ghe kaaga.

Hosea 11:8

Abaisiraeli nsobola ntya okubaghaayo? Nsobola ntya okubalekulira agho? Nsobola ntya okubazikiriza ng'oti bwe nakola Adama? Nsobola ntya okubabisa ng'oti bwe nabisa Zeboiimu? Omwoyo gwange tigunganha kukikola; kuba mbagonza inho ebitaloodheka.

Amosi 4:11

“Era ninze eyazikiriza abandi ku imwe nga bwe nazikiriza ab'e Sodoma n'ab'e Gomorra. Imwe abaawonagho mwaba ng'oti n'oluti olutooleibwa mu muliro. Aye era mwaloba okwira ye ndi.

Zefania 2:9

Kale ni, nze Musengwa Katonda omulamu afuga amagye, Katonda wa Isiraeli, ndayiire nti ebiketezo eby'Abamoabu n'Abammoni bija kuzikirira, nga Sodoma ni Gomorra bwe byazikirira. Bija kufuuka ekifo ekiidhwire ebisubisubi ebifumita n'ebiina ebisimwamu omuunhu. Bifuuke ekifo ekiziramu kirungi kye kivaamu ebyanda n'ebyanda. Abantu bange abaliwonagho balinhaga ekiketezo ekyo kyaba kyaibwe.”

Luka 10:12

Ka mbakobere: Ku lunaku lule, Sodoma kirisaasirwa okusinga ekibuga ekyo.

Amateeka Agokubiri 28:24

Mu kifo ky'amaadhi okugwa, Musengwa Katonda aidha kubasindikiranga kiwunga alimu enkungu n'omusenho mu nsi yaimwe, okutuusa lwe munaazikiriranga.

Amateeka Agokubiri 29:22

“Mu byanda ebiriidha, baidhukulu baimwe n'abasenze abanaavanga mu nsi edh'eghala, baidha kubonanga ebibamba ebiri mu nsi yaimwe, n'endwaire Musengwa Katonda dh'agireeseemu.

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.

2 Petero 2:6

Katonda yafuula Sodoma ni Gomorra eky'okuboneraku eri abo abatalimutya bwe yasalira ebibuga ebyo omusango ni gubisinga, n'abisaaniagho n'omuliro.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

Okwolekebwa 14:10

yeena alinhwa omwenge ogw'emizabbibu ogw'obusungu bwa Katonda, nga gufukiibwa mu kikopo eky'obusungu bwe era nga tigudhuuluusiibwamu naire. Era alidaazibwadaazibwa n'omuliro n'obunhota bwa salufa, mu maiso ga bamalaika abatukuvu n'ag'Entaama Ento.