Amainhama 19:2 - Baibuli Ekibono kya Katonda 2014

² yaakoba ati: “Basengwa bange, mbeeghembye mwidheku ewange nze ndi mugheereza waimwe. Munaabeku ku bigere era musule ghano. Munaawuuna ku nkyo mweyongerayo.” Aye bairamu bati: “Busa, ife twidha kusula ghano mu ngira.”

Amainhama 19:2 ပူးပေါင်းရင်းမြစ်များ

Amainhama 18:4

Ka mbaleetere ku tuudhi munaabeku ku bigere, era muwoleereku agho mu kimpombye eky'omuti.

Amainhama 19:1

Bamalaika ababiri bwe baatuuka e Sodoma eigulo eryo, Loti yali ng'atyaime ku mulyango gwa Sodoma. Olwababona ati, yaasituka okuja okubasangaaza. Yaakutama n'ekyeni kyatuuka ku itaka,

Amainhama 19:3

Loti yaayongera okubakoba, okutuusa lwe baaja naye ni baingira mu ndhu ye. Yaabategekera embaga, yaafumba omugaati ogutazimbulukusiibwa, baalya.

Amainhama 24:31

Labani yaakoba ati: “Idha tuje eka, iwe Musengwa Katonda y'aghaire enkabi. Ku lwaki oyemerera eno ku luya? Nkutegekeire endhu n'ekifo eky'engamiya.”

Amainhama 43:24

Omugheereza yaatwala aboluganda abo mu ndhu ya Yosefu, yaabagha amaadhi baanaabaku ku bigere, era yaagha endogoyi dhaibwe eby'okulya.

2 Samueli 11:8

Olwamala, Daudi yaakoba Uria ati: “Ja ewuwo owuumuleku.” Uria yaafuluma mu ndhu ya kyabazinga yaaja. Agho ekirabo kyamuvaaku einhuma nga bakireeta okuva ye kyabazinga.

Yobu 31:32

Abatambuze nabasangaazanga, tyabalekanga kusula ku ngira.

Ensambo 25:17

Otakyaliranga muntu mikuzi kamaala, kuba tomanha bw'omusina n'akukyagha.

Olwembo 5:3

Mbaire mmaze okutoolamu ebivaalo byange, kabiri ndhiremu okuvaala? Mbaire mmaze okunaaba ku bigere, kabiri ndhiremu okubifuutuusa?

Luka 7:44

Yaakyuka yaalingirira omukazi, yaakoba Simoni ati: “Obona omukazi ono? Nhingiire mu ndhu yo, tompaire maadhi ga kunaaba bigere. Aye ono aboziiza ebigere byange n'amaziga ge era yaabisiimuula n'enviiri dhe.

Yoanne 13:5

Agho yaafuka amaadhi mu benseni, yaatoolera okunaaza Abeegeresebwa be ebigere nga bw'abisiimuula n'etawulo ye yali yeesibye mu nkende.

Ebikolwa by'Abatume 16:15

Ono n'ab'omu ndhu ye bwe baamala okubatizibwa, yaatusaba ng'akoba ati: “Oba nga muboine nga ndhikiriza Musengwa bwenebwene, mwidhe mube ewange.” Yaatwikirizisa twaja.

Abaheburayi 13:2

Timwerabiranga kusangaazanga bantu be mutaidhi, kuba ghaligho abasangaaza bamalaika nga tibaidhi.