Amainhama 19:19 - Baibuli Ekibono kya Katonda 2014

¹⁹ Iwe onsaasiire era wandholeka ekisa ekitaloodheka ng'owonia obulamu bwange. Aye ensozi dhiri ghala inho tisobola kudhituukaku ng'akabi kakaali kuntuukaku, ni nfa.

Amainhama 19:19 ပူးပေါင်းရင်းမြစ်များ

Amainhama 12:13

Kale iwe oidha kubakoba oti oli mwanhinaze, memale olwo mbisibwe bukalamu era mpone okwitibwa ku lulwo.”

Amainhama 19:18

Loti yairamu ati: “Busa, nkweghembye Musengwa.

Amainhama 19:20

Bona, ekibuga kire ere kiri kumpi era kitono. Leka numukire omwo; aye ti kitono, ndidha kuwonera omwo.”

Amainhama 19:30

Loti ni baghala be bombi baava mu Zoari baaniina mu nsozi, baasulanga eyo mu mpuku, kuba Loti yatya okuba mu Zoari.

Amainhama 39:4

Potifari yaasiima Yosefu, yaamufuula mugheereza we, era yaamugha okulabiriranga endhu ye, n'okukuumanga ebibye byonabyona.

Amainhama 6:8

Aye ate Musengwa Katonda yaasiima Noa.

1 Bakyabazinga 9:9

Olwo abantu baliirangamu bati, ‘Lwa kuba baava ku Musengwa Katonda waibwe, eyatoola badhaadha baibwe mu nsi Misiri, ate baira ku kugheereza n'okusinza bakatonda abandi. Musengwa Katonda kyaviire n'abatuusa ku kabi akaaga agho.’ ”

Mariko 9:19

Yesu yaakoba ati: “Yii, oluse luno oluzira kwikiriza! Ndituusa gha okuba n'imwe? Ndituusa gha okubaguminkiriza? Mumundeetere ghano.”

Luka 1:58

Baliraanwa be n'abekika kye bwe baawulira nga Musengwa amulaze ekisa ekyaga agho, baidha okumusanhukiraku.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

1 Samueli 27:1

Agho Daudi yaakoba mule ati: “Luliba lulala Saulo yandhita. Ekisingaku obulungi, n'okulumukira mu nsi y'Abafilisiti. Olwo Saulo aidha kulekera agho okuunoonia mu Isiraeli, mbe n'emiraala.”