Amainhama 19:14 - Baibuli Ekibono kya Katonda 2014

¹⁴ Agho Loti yaafuluma, yaakoba abasaadha abaali ab'okubayiza baghala be ati: “Musitukiremu, muve mu kifo kino, kuba Musengwa Katonda ali kumpi okuzikiriza ekibuga.” Aye bale baadhuuba bati ali kudhondha budhondhe.

Amainhama 19:14 ပူးပေါင်းရင်းမြစ်များ

Amainhama 19:15

Bwe bwakya enkyo, bamalaika baayanguyiriza Loti nga bamukoba bati: “Situkiramu, otwale mukazi wo ni baghala bo bombi, mufulume muve mu kibuga mulobe kuzikirizibwa mu kibonerezo kyakyo.”

Amainhama 19:17

Bwe baamala okubafulumya, owundi ku bamalaika yaakoba Loti ati: “Lumuka olobe kufa! Tolinga inhuma, era otayemereraku mu kiiko naire. Lumukira mu nsozi olobe kuzikirizibwa.”

Amainhama 19:22

Ja mangu, olumukire eyo! Ezira kye ndidha kukola ng'okaali kutuukayo.” Kyova ekibuga ekyo kyatuumibwa Zoari, kuba Loti yakyeta ati: kitono.

2 Ebyomubyanda 30:10

Agho abakwenda baaja mu buli kibuga ekiri mu kiketezo kya Efuraimu n'ekya Manasse, era baaja baatuukira irala ni mu kiketezo kya Zebuluni. Aye abantu baayo baabasekerera busekerere era baabanhooma inho.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Okuvaayo 12:31

Era obwire bwene obwo kyabazinga yaayetesa Musa ni Aaroni yaabakoba ati: “Musituke muje, muve mu bantu bange. Mwenamwena Abaisiraeli muje musinze Musengwa Katonda nga bwe mwakoba.

Okuvaayo 9:21

Aye yaabaayo abataafaayo abaaleka abairu baibwe n'ebyayo byaibwe ku luya.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Isaia 28:22

Kale ni mulobe kunhoomerera kulabula kuno, tiikulwa ng'endhegere edhibasibye bongera bwa kudhinhwegula; kuba mpuliire nga Musengwa Katonda Afuga Amagye mumalirivu okusaaniagho ensi eno.

Yeremia 20:7

Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Yeremia 43:1

Bwe namala okukobera abantu ebyo byonabyona Musengwa Katonda waibwe bye yantuma okubakobera,

Yeremia 43:2

Azaria mutabane wa Hoshaia, ni Yohanani mutabane wa Karea, n'abasaadha abandi abeetwala okuba aba ghaigulu, bankoba bati: “Oli kulimba. Musengwa Katonda waife tiyakutuma iwe kwidha kutukoba tulobe kuja mu Misiri kuba eyo.

Yeremia 51:6

“Imwe Abaisiraeli n'Abayudaaya, mulumuke muve mu nsi Babilonia muwonie obulamu bwaimwe! Mulobe kufiira bwereere olw'ebibi bya Babilonia, kuba kino n'ekiseera nze Musengwa Katonda neesasulize ku nsi eyo nga ngibonereza nga bw'egwaniire.

Ezekieli 20:49

Aye nze naakoba nti: “Aa, Musengwa Katonda, abantu bali kundhogeraku bati nze buli kiseera ndhogera mu nfumo.”

Okubala 16:21

“Mwesende muve mu bantu bano, mbazikirize amangu gano.”

Okubala 16:26

Yaakoba abantu boonaboona ati: “Mbeeghemba muve okumpi ni weema edh'abantu bano ababi era mutagema ku kintu kyaibwe kyonakyona. Bwe mutaakole mutyo, musobola okuzikirizibwa ghalala nabo olw'ebibi byaibwe.”

Okubala 16:45

“Mwesende muve mu bantu bano, mbazikirize buti buti!” Musa ni Aaroni baakutama n'ebyeni byatuuka ku itaka.

Matayo 1:18

Okuzaalibwa kwa Yesu Kurisito kuti bwe kwali. Maria, inhina, ng'amaze okwandhula Yosefu, aye ng'akaali kumubayira, kyaboneka ng'ali nda ku bwa Mwoyo Mutukuvu.

Matayo 9:24

yaakoba ati: “Muveeyo, omughala tafiire, aye atendwike!” Baamusekerera.

Luka 24:11

Aye ebibono ebyo byabawulikanira ng'oti bya kudhondha era baaloba kubiikiriza.

Luka 9:42

Bwe yali aseeta, omuzimu gwamusuula ghansi era gwamusikasika inho. Aye Yesu yaakaabukira omuzimu omubi, yaawonia omulenzi era yaamugemya lata we.

Ebikolwa by'Abatume 17:32

Bwe baawulira Paulo ng'ayogera ku kuzuukira abandi baamusekerera aye abandi baakoba bati: “Olitukoberaku kino kabiri olundi.”

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.