Amainhama 18:6 - Baibuli Ekibono kya Katonda 2014

⁶ Aburahamu yaayangugha, yaingira mu weema eri Sara, yaamukoba ati: “Tegeka ebigero bisatu eby'engaano enungi, ogikande era ogifumbemu emigaati.”

Amainhama 18:6 ပူးပေါင်းရင်းမြစ်များ

Amainhama 18:5

Ndidha kuleeta ni ku kamere, mulyeku mufune amaani memale mweyongereyo, kuba mukyaliire omugheereza waimwe.” Bale bairamu bati: “Kola nga bw'okobye.”

Amainhama 18:7

Kabiri Aburahamu yaalumuka, yaaja mu lugo yaatoolayo ente ento ey'emamba egonda era ensavu, yaagigha omugheereza we, era omugheereza oyo yaayanguyaaku okugifumba.

Amainhama 19:3

Loti yaayongera okubakoba, okutuusa lwe baaja naye ni baingira mu ndhu ye. Yaabategekera embaga, yaafumba omugaati ogutazimbulukusiibwa, baalya.

2 Samueli 13:6

Kale Amunoni yaalambaala, yeefuula okuba omulwaire. Kyabazinga bwe yaja okumubona, Amunoni yaamukoba ati: “Nkusaba, mwanhinaze Tamari aidhe anfumbire yo emigaati ghano ghe ndi, agindeetere ghano mwene mu ngalo dhe, ndye.”

Zabbuli 119:60

Nze nsitukiramu busitukire, naayangugha okukola ng'ebiragiro byo bwe binkoba.

Isaia 32:8

Aye omuntu omwesigwa alowooza ku kukola bwesigwa, era ebituufu byonka by'agumiraku.

Matayo 13:33

Yaabakobera olufumo olundi ati: “Obwakyabazinga obw'omu igulu bufaanana ng'oti n'ekizimbulukusa, omukazi kye yatoola n'atabika mu biibo ebisatu eby'engaano, okutuusa byonabyona bwe byazimbuluka.”

Ebikolwa by'Abatume 16:15

Ono n'ab'omu ndhu ye bwe baamala okubatizibwa, yaatusaba ng'akoba ati: “Oba nga muboine nga ndhikiriza Musengwa bwenebwene, mwidhe mube ewange.” Yaatwikirizisa twaja.

Ab'e Roma 12:13

Mutoolenga ku byaimwe mughenga abantu ba Katonda. Musangaalirenga abageni.

Ab'e Galatia 5:13

Aye imwe aboluganda, mwayetebwa kwetaaya. Aye mutaganha kwetaaya kwaimwe okwo kubaviiramu kufugibwa kwegomba kwa mibiri gyaimwe. Aye mu kugonzania mugheerezaganie

Abaheburayi 13:2

Timwerabiranga kusangaazanga bantu be mutaidhi, kuba ghaligho abasangaaza bamalaika nga tibaidhi.

1 Petero 4:9

Musangaazenga banaimwe mu maka gaimwe, n'omwoyo mulala.

Abalamuzi 6:19

Kale Gideoni yaingira mu ndhu ye, yaita embuzi entototo, yaagifumba. Era yaakanda kilo ng'oti ikumi edh'obuwunga, yaakolamu emigaati egitazimbulukusiibwa. Emamba yaagita mu kiibo, omuunhu gwamu yaagufuka mu kibya, yaabireeta ye malaika wa Musengwa Katonda ali ghansi gh'omuti omukologho, yaabimugha.

1 Samueli 28:24

Omukazi yaligho agho n'ente entototo ye baapiita ensavu mu ndhu. Agho yaayangughaku okugiita, yaatoola engaano yaagikanda, yagifumbamu emigaati egitazimbulukusiibwa.