Amainhama 18:5 - Baibuli Ekibono kya Katonda 2014

⁵ Ndidha kuleeta ni ku kamere, mulyeku mufune amaani memale mweyongereyo, kuba mukyaliire omugheereza waimwe.” Bale bairamu bati: “Kola nga bw'okobye.”

Amainhama 18:5 ပူးပေါင်းရင်းမြစ်များ

Amainhama 18:6

Aburahamu yaayangugha, yaingira mu weema eri Sara, yaamukoba ati: “Tegeka ebigero bisatu eby'engaano enungi, ogikande era ogifumbemu emigaati.”

Amainhama 19:8

Bona, ndi ni baghala bange babiri abakaali kumanha musaadha. Leka mbabaleetere kuliya, memale mubakole byonabyona bye mwenda. Aye abasaadha abo mutabakola kintu kyonakyona, kuba baidhie mu ndhu yange nga bageni bange.”

Amainhama 33:10

Yakobo yaakoba ati: “Busa, nkweghembye bw'oba ng'ongemeirwa ekivunika ganha otwale ekirabo ekiva mu ngalo dhange. Kuba okubona amaiso go, kuli ng'oti n'okubona amaiso ga Katonda, olw'ensambo y'onsangaaliiremu n'ekivunika ekyaga agho.

1 Bakyabazinga 17:11

Omukazi bweyali ng'ali kuja okugaleeta, Eliya yaamweta yaamukoba ati: “Nkweghembye ndeeteraayooku ni ku kamere.”

Zabbuli 104:15

Afune n'omwenge ogw'emizabbibu ogumusangaaza, n'omuzigo ogw'ebibala eby'emiti emyoliva ogumusanhusa, era afune n'emere emugha amaani mu mubiri.

Isaia 3:1

Bona eno, Musengwa Katonda Afuga Amagye aja kutoola mu Yerusalemu ni mu Buyudaaya, kiisi kintu ekisobozesa abantu okuba abalamu: Aja kutoolagho emere yoonayoona, atoolegho n'amaadhi goonagoona.

Matayo 6:11

Tughe leero emere yaife eyabuliidho.

Abalamuzi 13:15

Manoa yaakoba malaika wa Katonda ati: “Tukweghembye sigala ng'okaaliku n'ife, tukufumbireyo embuzi entototo.”

Abalamuzi 13:16

Aye malaika wa Musengwa Katonda yaamukoba ati: “Ni bwe nnaasigala nga nkaaliku n'imwe, era tiirye ku mere yaimwe. Aye bwe mwenda okutegeka ekigheebwayo ekyokebwa, mugwaniire kukigha Musengwa Katonda.” Manoa yali amukobye ebyo lwa kuba tiyategeera ng'oyo malaika wa Musengwa Katonda.

Abalamuzi 19:5

Ku nkyo ly'olunaku olwokuna, baasituka, beetegeka okugolola. Aye lata w'omughala yaakoba mukoirume we ati: “Mumale okulya ku kamere memale muje.”

Abalamuzi 6:18

Nkweghembye otava ghano, ka mmale okukuleetera ekigheebwayo kyange.” Musengwa Katonda yairamu ati: “Ndidha kuba ghano okutuusa gh'onairira.”

Abalamuzi 6:19

Kale Gideoni yaingira mu ndhu ye, yaita embuzi entototo, yaagifumba. Era yaakanda kilo ng'oti ikumi edh'obuwunga, yaakolamu emigaati egitazimbulukusiibwa. Emamba yaagita mu kiibo, omuunhu gwamu yaagufuka mu kibya, yaabireeta ye malaika wa Musengwa Katonda ali ghansi gh'omuti omukologho, yaabimugha.