Amainhama 18:25 - Baibuli Ekibono kya Katonda 2014

²⁵ Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

Amainhama 18:25 ပူးပေါင်းရင်းမြစ်များ

Amainhama 18:24

Aye bwe kiba nga mu kibuga omwo mulimu abantu abatuufu amakumi ataanu, era onaakizikiriza? Tookireke olw'okuwonia abantu abo abatuufu amakumi ataanu abalimu?

1 Ebyomubyanda 16:33

Memale olwo emiti gyonagyona egy'omu kibira gyembe n'eisanhu mu maiso ga Musengwa Katonda, kuba ali kwidha okusalira ensi omusango.

2 Ebyomubyanda 19:7

Kale ni mutyenga Musengwa Katonda era mutenga omwoyo ku bye mukola, kuba Musengwa Katonda waife oyo aziramu kufuulaniafuulania nsonga, oba okusaliriza, waire okulya enguzi.”

Nehemia 9:33

Aye ate, mu byonabyona ebyatutuukaku, iwe wali mutuufu okutubonereza, kuba iwe wasigala ng'oli mwesigwa, aye ife twayonoona bwonoone.

Yobu 34:10

Kale muntegere kutu imwe abantu abategeevu. Tikisoboka waire akatono Katonda okukola ebibi; oyo Aghanga Ebintu Byonabyona okukola ebikyamu.

Yobu 34:12

Bwenebwene Katonda takola kibi; oyo Aghanga Ebintu Byonabyona tasala musango mu butali butuufu.

Yobu 8:20

Aye Katonda talekulira agho bantu baziraku musango, ate tayamba bakozi ba bibi.

Yobu 8:3

Bwenebwene Katonda asobola okusaliriza ensonga? Oyo Aghanga Ebintu Byonabyona, asobola okugha ensala etali ntuufu?

Zabbuli 50:6

Eby'omu igulu birangirira nga Katonda bw'ali omutuufu, kuba mwene n'asala omusango.

Zabbuli 58:11

Agho abantu ghe balikobera bati: “Bwenebwene Katonda asasula abatuufu yaabasiima; bwenebwene eriyo Katonda asala emisango ku nsi.”

Zabbuli 7:12

Omuntu yeenayeena bw'ateenenia, Katonda aja kughagala empiima ye. Amaze okudhuumuula akalaso ke,

Zabbuli 75:3

Era akoba oti: “Waire ensi etengeeta, n'ebigirimu byonabyona ni bitengera, nze ndidha kugumya emisingi gyayo.

Zabbuli 94:2

Situkiramu, niiwe asalira ensi emisango, abo abeebona nga ba ghaigulu obasasule ekyo ekibagwaniire.

Zabbuli 98:9

kuba ali kwidha okusalira ensi omusango mu butuufu. Aidha kufuga abantu boonaboona, ng'akolera ku mazima.

Omulangirizi 3:17

Naakoba mule nti: “Katonda aja kusalira abatuufu n'ababi omusango, kuba buli kintu na buli kikolwa yakiteeragho ekiseera kyakyo.”

Omulangirizi 7:15

Mu bulamu bwange buno obuziramu muganhulo, mboine ebintu kamaala: Mbona abantu abakola ebituufu nga bafa mangu, waire nga bantu balungi ate naabona abakozi b'ebibi nga baaghangaala, waire nga boonooni.

Yeremia 11:20

Agho nze naasaba nti: “Wo Musengwa Katonda Afuga Amagye, niiwe omulamuzi asala mu mazima, waaleba emyoyo n'ebirowoozo by'abantu. Kale ka nteege mbone nga bw'onaaneesasuulizaagho ku bantu abo; kuba ensonga dhange ndhandhwire mu maiso go.”

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Ezekieli 18:25

“Aye imwe mukoba muti, ‘Musengwa Katonda mu nkola ye tasala nsonga mu butuufu.’ Aye muwulire imwe ab'eighanga Isiraeli: Obwo bwenebwene nze mu nkola yange tisala nsonga mu butuufu? Nti katyo niimwe mutasala nsonga mu butuufu mu nkola dhaimwe!

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”

Okubala 16:22

Aye Musa ni Aaroni baakutama n'ebyeni byatuuka ku itaka, baakoba bati: “Wo Katonda waife, niiwe ensimuko ey'obulamu obwa buli kintu. Omuntu omulala bw'akola ekibi osungughalira abantu boonaboona?”

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Amateeka Agokubiri 1:16

“Era mu kiseera ekyo nga tukaali ku Lusozi Sinai, naasikirira abalamuzi baimwe nti, ‘Muwulirisenga ensonga era musalenga mu butuufu emisango ka gibe ghagati gha ab'eighanga lyaimwe beene na beene, oba ghagati gha ab'eighanga lyaimwe n'abasenze.

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

Abaheburayi 12:23

Mwidhie mu lwekobaano olw'abaana ababeri abaaghandiikibwa mu igulu, ni ye Katonda omulamuzi w'abantu boonaboona, era ni y'emyoyo gy'abatuufu abaafuulibwa abatuukiriire.

Abalamuzi 11:27

Kale ni ti ninze nsobiiza y'oli, aye niiwe oli kusobya ng'onwanisa. Musengwa Katonda, n'omulamuzi. Leka alamule olwaleero ghagati gh'Abaisiraeli n'Abammoni.”