Amainhama 18:20 - Baibuli Ekibono kya Katonda 2014

²⁰ Agho Musengwa Katonda yaakoba ati: “Mpulira ebintu ebibi kamaala nga byogerwa ku Sodoma ni Gomorra, era okwonoona kwaibwe kubitiriire!

Amainhama 18:20 ပူးပေါင်းရင်းမြစ်များ

Amainhama 13:13

Abantu ba Sodoma baali babi, era nga boonooni inho ye Musengwa Katonda.

Amainhama 19:13

kuba tuli kumpi okukizikiriza. Musengwa Katonda awuliire ebintu ebibi kamaala nga byogerwa ku kibuga kino, era atutumye okukizikiriza.”

Amainhama 19:4

Aye nga bakaali kutenduka, abasaadha ab'omu kibuga ekyo Sodoma baazingiza endhu eyo; abasaadha boonaboona abato n'abakulu nga baweekereireyo.

Amainhama 4:10

Musengwa Katonda yaakoba ati: “Kiki kino ky'okoze? Omusaayi gwa muganda wo guli kundirira okuva ghansi olw'okwenda okwesasuuza.

Amainhama 6:12

Katonda yaalingirira ensi, yaabona ng'eidhwire obubi, kuba obulamu obw'abantu boonaboona bwali bwidhwire kukola bibi byereere.

Isaia 3:9

Okuboolagana kwaibwe kwene kubalumiriza omusango; ebibi byaibwe babikolera gheeru ng'oti n'abe Sodoma, tibabigisaaku naire. Bakagwireku! Kuba beereeseeku beene akabi.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Yeremia 14:7

Abantu bange bandirira bati, ‘Wo Musengwa Katonda, waire ebibi byaife bitulumiriza olw'okukuvaaku emikuzi kamaala ni twonoona, iwe mala gaganha otuyambe nga bwe watusuubiza.

Yeremia 23:14

Aye ate mboine ng'abalanzi b'omu Yerusalemu, bakola ebibi n'okusinga agho: bakola obwenzi era baaguya, baleetera abantu okukola ebibi. Olwo ghaabula akyuka okuva mu bibi bye. Nze mbona nga boonaboona babi ng'oti n'abantu b'e Sodoma n'ab'e Gomorra.”

Ezekieli 16:46

“Mukulu wo bamweta Samaria, ng'ali ku luuyi lwo olw'omukono omugooda olw'e buvandhuba ghalala n'ebibuga bye. Ate muto wo bamweta Sodoma, ng'ali ku luuyi lwo olw'omukono omusaadha olw'e buvandhuba ghalala n'ebibuga bye.

Yoeli 3:13

Ekibi kyaibwe kye baakola kinene inho! Kale mubasale n'emiwolo ng'oti n'engaano etuuse okukungula. Mubatyankirire ng'oti n'emizabbibu egiidhwire mu kikunhiro eky'omwenge ogw'emizabbibu ni gibanda n'okubanda.”

Yona 1:2

“Situkiramu oje okobe abantu ab'omu kibuga Nineve, ekibuga ekikologho ekyo, oti, ‘Mboine okwonoona kwaibwe.’ ”

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.