Amainhama 17:5 - Baibuli Ekibono kya Katonda 2014

⁵ Tokairayo kwetebwa Aburamu, aye oidha kwetebwanga Aburahamu, kuba nkufiire dhaadha ow'amaghanga kamaala.

Amainhama 17:5 ပူးပေါင်းရင်းမြစ်များ

Amainhama 17:15

Era Katonda yaakoba Aburahamu ati: “Ate mukazi wo Sarai, tokaamweta Sarai, aye oidha kumwetanga Sara.

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 32:29

Yakobo yaakoba ati: “Nkweghembye, nkobera eriina lyo.” Aye ole yairamu ati: “Lwaki oyenda okumanha eriina lyange?” Agho yaagha Yakobo enkabi agho mu kifo ekyo.

Amainhama 35:10

Yaamukoba ati: “Eriina lyo niiwe Yakobo aye, okuva ni mpegaano tokaayetebwa Yakobo. Oidha kwetebwanga Isiraeli.”

2 Samueli 12:25

era yaatuma Nathani omulanzi yaagha omwana oyo eriina Yedidia, kuba Musengwa Katonda oyo yamugonzanga inho.

1 Ebyomubyanda 1:27

Aburamu, oyo nga ni Aburahamu.

Nehemia 9:7

Niiwe Musengwa Katonda, Katonda oyo eyalonda Aburamu, n'omutoola mu Uri ensi ey'Abakaladea, n'omutuuma Aburahamu.

Isaia 65:15

Abo be nalondamu balikozesanga eriina lyaimwe nga bakolima. Era imwe, nze Musengwa Katonda, ninze mwene ndibaita, aye abo abakola bye nhenda ndibatuuma eriina eiyaaka.

Yeremia 20:3

Enkyo ku lunaku olwairirira, Pashuhuri bwe yalagira ni bansibulula mu nkoligo, nze naamukoba nti: “Musengwa Katonda takaakweta liina lyo Pashuhuri, aye aidha kukwetanga ‘Entiisa Egemye Bulighantu.’

Yeremia 23:6

Mu kiseera ky'alifugiramu, abantu b'omu Buyudaaya baliba bukalamu, n'ab'omu Isiraeli baaba mu miraala. Balimweta eriina ‘Musengwa Katonda n'obulokozi bwaife.’ ”

Okubala 13:16

Ago n'amaina ag'abantu Musa be yatuma okukeeta ensi Kanaani. Era Musa yakyusa eriina lya Hoshea mutabane wa Nuni, yaamweta Yoshua.

Yoanne 1:42

Yaatwala Simoni eri Yesu. Yesu bwe yamubona yaamukoba ati: “Niiwe Simoni mutabane wa Yoanne? Oidha kwetebwanga Kefasi,” amakulu gaakyo nti Petero n'olubaale.

Ab'e Roma 4:17

ng'ebyaghandiikibwa bwe bikoba biti: “Nkutairegho obe dhaadha ow'amaghanga kamaala.” Ekisuubizo kino kyali kituufu mu maiso ga Katonda, Katonda oyo azuukiza abafu era alagira ebiziragho ni bibaagho.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.