Amainhama 17:13 - Baibuli Ekibono kya Katonda 2014

¹³ Oyo anaazaalirwanga mu ndhu dhaimwe era n'oyo ye munaagulanga obugule, boonaboona bateekwa okukeketebwa. Ako kabe akamanhiso ak'oku mubiri akooleka ng'endagaano yange n'imwe bw'etaliwaagho.

Amainhama 17:13 ပူးပေါင်းရင်းမြစ်များ

Amainhama 14:14

Aburamu bweyawulira nga batwaire owoluganda lwe nga munhage, yaaja n'abasaadha be abalwani, abaazaalirwa mu ndhu ye, ebikumi bisatu na ikumi na munaana, baabingirira bakyabazinga bale abana okutuuka e Dani.

Amainhama 15:3

Bona, tompaire izaire era omwiru eyazaalirwa mu ndhu yange, n'aja okuba omusika wange.”

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

Amainhama 37:27

Ka tumuguze Abaishimaeli abasuubuzi, ife tulobe kumukolaku kabi, kuba oyo muganda waife era musaayi gwaife.” Baganda be baaganha kye yakoba.

Amainhama 37:36

Mu kiseera ekyo, abasuubuzi baali bamaze okutunda Yosefu mu Misiri, nga bamuguziiza Potifari omukungu wa kyabazinga w'e Misiri, era omukulu w'abaisirukale abaakuumanga ekisaagaati kya kyabazinga.

Amainhama 39:1

Abaishimaeli baali nga bamaze okutwala Yosefu mu Misiri, era nga bamuguziiza Potifari omukungu wa kyabazinga w'e Misiri, era omukulu w'abaisirukale abaakuumanga ekisaagaati kya kyabazinga.

Amainhama 9:16

Bwe kanaabonekanga mu bire, ndidhanga kukalingaku ndidhukire endagaano etawaagho ye nkoze na buli kitonde ekiramu kyonakyona ekiri mu nsi.

Nehemia 5:5

Ate nga twena tuli ba musaayi mulala ni Bayudaaya banaife abo. Abaana abaife, boona baana ng'oti n'abaibwe bwe bali. Aye ife tukaka batabane baife ni baghala baife okuba abairu. Era baghala baife abandi twabatunda ira mu bwiru. Ate nga ekyo titughanga kukyebeera, kuba enimiro dhaife, n'amasamba gaife ag'emizabbibu, biri mu buyinza bwa bantu bandi.”

Nehemia 5:8

Agho naabakoba nti: “Tukoze inho nga bwe tusobola, twanunula baganda baife, Bayudaaya banaife, okubatoola mu maghanga agandi ye baatundibwa. Aye mperaano mwena muli kutunda baganda baife abo, ife beene tubagule!” Abakulembeze abo baasiriikirira ng'eky'okwogera kibabuze.

Okuvaayo 12:44

Aye omwiru ye mwagula n'empiiya aghanga okukiryaku, bwe muba nga mwamala okumukeketa.

Okuvaayo 21:16

“Omuntu yeenayeena anaawuuyanga omuntu n'amutunda, oba n'ayagaanibwa ng'ali naye, wa kwitibwanga.

Okuvaayo 21:2

Bw'ogulanga omwiru Omuheburayi omusaadha, aidha kukukoleranga obwiru okumala entangama ya myaka mukaaga. Ogwomusanvu bwe gutuuka omulekanga yaaja nga wa idembe, era ghazira ky'ateekwa kukusasula.

Okuvaayo 21:4

Musengwa Katonda we bw'anaabanga nga n'eyamugha omukazi n'amuzaalira abaana abalenzi oba abaghala, omukazi n'abaana banaasigalanga nga ba musengwa we era omusaadha oyo atajanga nabo.

Abalevi 22:11

Aye abairu, abo kabona be yagula n'empiiya dhe, n'abo abaazaalirwa mu maka ge, banaikirizibwanga okulya ku mere ya kabona.

Matayo 18:25

Aye olw'okuba yali nga tasobola kulisasula, musengwa we n'okulagira bamutane, ni mukazi we, n'abaana, n'ebintu bye byonabyona bye yali nabyo, eibandha lisasulwe.