Amainhama 17:11 - Baibuli Ekibono kya Katonda 2014

¹¹ Anaakeketebwanga oluwutu olw'omubiri gwe ako n'akanaabanga akamanhiso ak'endagaano yange n'imwe.

Amainhama 17:11 ပူးပေါင်းရင်းမြစ်များ

Amainhama 9:12

Katonda yaakoba ati: “Kano n'akamanhiso akooleka endagaano ey'ebyanda n'ebyanda, ye ndi kukola n'imwe, era ni buli kitonde ekiramu ekiri n'imwe:

2 Samueli 3:14

Daudi era yaagheereza abakwenda ye Ishiboshethi mutabane wa Saulo ng'amukoba ati: “Mpa mukazi wange Mikali ye nagheeraku omwandu ogw'obuwutu ekikumi bwe nakeketa ku basaadha Abafilisiti.”

Okuvaayo 12:48

Omuntu ow'endha bw'abasengangamu memale n'ayenda okulya ku Kibinuko eky'Okwidhukiriraku Okubitizibwa olw'okusinza Musengwa Katonda, musooka kukeketanga bantu be abasaadha n'abalenzi memale mwamuganha era oyo mumutwalanga ng'Omuisiraeli mwene. Aye omuntu yeenayeena atali mukekete atalyanga ku Kibinuko ekyo.

Okuvaayo 4:25

Agho Zippori yaatoola akambe akoogi yaakeketa mutabane we, yaatoola akawutu k'akekeite ku mwana oyo, yaakabisa ku bigere bya Musa ng'akoba ati: “Bwenebwene ye ndi oli baze wa musaayi.”

Ebikolwa by'Abatume 7:8

Agho Katonda yaamukolera endagaano ey'okukeketa. Aburahamu yaazaala Isaaka era yaamukeketa ku lunaku olwomunaana. Isaaka yaazaala Yakobo, Yakobo eyazaala badhaadha baife eikumi n'ababiri.

Ab'e Roma 4:11

Olumaliira yakeketebwa, okukeketebwa kwe kaaba akamanhiso akakakasa obutuukirivu, bwe yagheebwa olw'okwikiriza kwe, ng'akaali kukeketebwa memale yaaba dhaadha w'abo boonaboona abaikiriza Katonda, ababalibwa okuba abatuukirivu ni bwe baba nga ti bakekete.

Amateeka Agokubiri 10:16

Kale ni mubenga bawulize y'ali, mulekere agho okubanga n'empwitu,

Yoshua 5:3

Kale Yoshua yaakola nga Musengwa Katonda bwe yamulagira, yaabakeketera e Gibeathi Haaralothi.