Amainhama 16:5 - Baibuli Ekibono kya Katonda 2014

⁵ Sarai yaakoba Aburamu ati: “Ebibi ebiri kunkolwaku bikwirirengaku! Nze nakugha omwiru wange obe naye, aye olwakizuula ng'atoire enda, yaatoolera okwekuluntaza n'okuunhooma. Musengwa Katonda atusalire omusango nze n'iwe!”

Amainhama 16:5 ပူးပေါင်းရင်းမြစ်များ

Amainhama 16:4

Agho Aburamu yaaba ni Hagari, yaatoola enda. Era Hagari bweyakizuula ng'atoire enda, yaatoolera okwekuluntaza n'okunhooma Sarai.

Amainhama 31:53

Katonda wa Aburahamu era Katonda wa Nahori, atusalirenga omusango nze n'iwe.” Yakobo yaalayira mu liina lya Katonda wa Isaaka ise, ati aidha kukuumanga endagaano eyo.

2 Ebyomubyanda 24:22

Mu ngeri eyo kyabazinga Yoashi yaaloba kwidhukira ekisa Yehoiada kye yamukolera, yaita Zekaria mutabane wa Yehoiada oyo. Zekaria bweyali ali kumpi okufa, yaakoba ati: “Musengwa Katonda agwananga yaabona kino ky'okoze, yaakwesasuulizaaku.”

Zabbuli 35:23

Situkiramu onwanirire, yemereragho ompolezeegho niiwe Katonda wange era Musengwa Katonda wange!

Zabbuli 43:1

Wo Katonda wange, sala mu butuufu oyoleke nga bwe nziraku musango, era mpolezaagho nga ndi kuwoza n'abantu abatatya Katonda; ntoola mu ngalo dh'abantu abaguya era abatali beesimbu.

Zabbuli 7:8

Niiwe osala emisango egy'abantu boonaboona. Sala ogwange oyoleke nga bwendi omutuufu era nga bwenzira musango gwonagwona.

Okuvaayo 5:21

baabakoba bati: “Musengwa Katonda aboine kye mukoze, era aidha kubasalira omusango gubasinge! Kuba mutuleeteire okukyayibwa kyabazinga n'abakungu be, era mwabaleetera okuba n'ensonga ye banaavangaku okutwita.”

Yeremia 51:35

Abantu ab'omu Sioni ka bakobe bati: “Obukambwe Abababilonia bwe baatukolaku, ka bubairirengaku beene abo!” Abantu ab'e Yerusalemu ka bakobe bati: “Omusaayi ogw'abantu baife ogwayuyika, ka gwirirenga ku Bababilonia beene abo!”

Abalamuzi 11:27

Kale ni ti ninze nsobiiza y'oli, aye niiwe oli kusobya ng'onwanisa. Musengwa Katonda, n'omulamuzi. Leka alamule olwaleero ghagati gh'Abaisiraeli n'Abammoni.”

1 Samueli 24:16

Daudi bwe yamala okukoba Saulo ebibono ebyo, Saulo yaakoba ati: “Mwana wange Daudi, bwenebwene niiwe oli kwogera?” Agho Saulo oyo yaatimbuka yaalira amaziga.