Amainhama 15:15 - Baibuli Ekibono kya Katonda 2014

¹⁵ Aye iwe olija eri badhaadha bo ng'oli miraala oliziikibwa ng'oghangaaliire irala bukalamu.

Amainhama 15:15 ပူးပေါင်းရင်းမြစ်များ

Amainhama 23:19

Ebyo olwawa, Aburahamu yaaziika mukazi we Sara mu mpuku ey'omu nimiro ey'e Makipela, ku luuyi olw'e buvandhuba olw'e Mamure, ng'ekyo ni Heburoni, mu nsi ey'e Kanaani.

Amainhama 23:4

“Nze ndi wa ndha mu imwe era omusenze. Munganhe nfune ekifo mu nsi yaimwe, eky'okuziikamu mukazi wange afiire.”

Amainhama 35:29

yaafa ng'akairiighe inho, yaatwalibwa eri badhaadha be. Batabane be, Esau ni Yakobo, baamuziika.

Amainhama 47:30

Nhenda nziikibwe aghali badhaadha bange ontoolanga mu Misiri, wantwala wanziika mu kifo mwe baaziikibwa.” Yosefu yairamu ati: “Ndikola ntyo nga bw'okobye.”

Amainhama 49:29

Agho Yakobo yaasikirira abaana be, yaabakoba ati: “Mpegaano nja kutwalibwa eri badhaadha bange. Munziikanga ghalala ni badhaadha bange, mu mpuku eri mu nimiro ya Efuroni Omuhitti,

Amainhama 49:31

Omwo mwe baaziika Aburahamu ni Sara mukazi we, omwo mwe baaziika ni Isaaka ni mukazi we Rebekka, era omwo mwe naziika Leeya.

Amainhama 50:13

Baabbeeda omulambo gwe, baagutwala mu nsi Kanaani, baaguziika mu mpuku ey'omu nimiro ey'e Makipela e buvandhuba bwa Mamure. Empuku eyo Aburahamu yagigulira ghalala n'enimiro eyo ku Efuroni Omuhitti, ebenga ekifo eky'okuziikangamu.

1 Ebyomubyanda 23:1

Daudi bwe yakairigha einho, yaafuula mutabane we Solomoni kyabazinga wa Isiraeli.

1 Ebyomubyanda 29:28

Yaafa ng'aghangaire inho, nga mukaire mwenemwene, nga mukombe, era nga wa kitiibwa. Mutabane we Solomoni yaamusikira ku bwakyabazinga.

2 Ebyomubyanda 34:28

Era bona eno, ndikutwala weeyimba ku badhaadha bo abaafa, waaziikibwa mu miraala, waaloba kubona ku kabi ke ndituusa ku kifo kino ni ku bantu abakibaamu.’ ” Agho abasaadha bairayo baakobera kyabazinga obukwenda obwo.

Yobu 41:32

Mu maadhi gh'ebise, erekamu okwesiikuula okweru, kyaba ng'oti entobo y'enhandha emeze envu.

Yobu 42:17

N'oluvainhuma Yobu yaafa nga musaadha mukaire, ow'emyaka emingi gyenegyene.

Yobu 5:26

Olifa waateebwa mu magombe ng'omaze okughangaala waawola, ng'oti n'engaano ye bakungwire mu biseera byayo ebituufu, n'ereetebwa ekubwe.

Zabbuli 37:37

Weekalirisenga omuntu aziraku musango era omutuufu; omuntu ayenda emiraala tabula izaire.

Zabbuli 49:19

aja kufa yeeyimbe ku badhaadha be abaafa, obutaja kwirayo kubona ku ndhuba kabiri.

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Omulangirizi 6:3

Omuntu asobola okuzaala abaana ekikumi, era yaaghangaala emyaka kamaala. Aye ni bw'aghangaala einho, bw'aba nga tafunie isanhu mu bulamu bwe era nga taziikiibwa bukalamu, nze nkoba nti omwana azaalibwa nga mufu asinga omuntu oyo;

Danieli 12:13

“Kale ni iwe Danieli, gema engira yo oje, osigale ng'oli mwesigwa okutuusa ku nkomerero. Era waire olifa, olimala waazuukira wagheebwa empeera yo mu kiseera eky'oluvainhuma.”

Okubala 20:24

“Aaroni aidha kutwalibwa yeeyimbe ku bantu be abaafa. Taidha kwingira mu nsi ye nagha Abaisiraeli, kuba mwadheemera ekiragiro kyange nga muli gha maadhi ag'e Meriba.

Okubala 27:13

Bw'onaamala okugirengera, oidha kutwalibwa weeyimbe ku bantu bo abaafa, nga muganda wo Aaroni bweyatwalibwa

Matayo 22:32

‘Ninze Katonda wa Aburahamu, Katonda wa Isaaka, Katonda wa Yakobo?’ Ti Katonda wa bafu aye Katonda wa balamu.”

Ebikolwa by'Abatume 13:36

Kuba Daudi yamala okukola emirimo gye yamutegekera mu bulamu bwe, yaafa, yaaziikibwa aghali badhaadha be, yaavunda.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

Abalamuzi 2:10

Agho n'abantu ab'oluse olwo boonaboona baafa. Ghairagho oluse olundi olw'abantu, abataamanha Musengwa Katonda waire okumanha ebyo bye yakolera Isiraeli.