Amainhama 15:13 - Baibuli Ekibono kya Katonda 2014

¹³ Musengwa Katonda yaamukoba ati: “Baidhukulu bo balija mu nsi etali yaibwe, baaba eyo nga bairu, era baanhigirizibwa inho okumala emyaka bikumi bina.

Amainhama 15:13 ပူးပေါင်းရင်းမြစ်များ

Amainhama 15:16

Mu nsi eyo balibaayo ghaabitagho ense ina memale baira ghano, kuba tija kubingagho Bamori okutuusa nga beeyongeire okuba ababi einho okugwanira okubonerezebwa.”

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Amainhama 47:4

Twidhie okusengaku mu nsi eno, kuba mu nsi y'e Kanaani endhala eriyo nnene, era ezira isubi lya kuliisa byayo byaife. Kale ni mpegaano, tukweghembye, tuganhe tube mu kiketezo eky'e Gosheni.”

Zabbuli 105:42

kuba yaidhukira endagaano ye entukuvu, ye yakola ni Aburahamu omugheereza we.

Okuvaayo 1:11

Kale baabataaku Abamisiri abaabasaliranga amakatala, baabakozesanga emirimo emikalangufu. Batyo Abaisiraeli baazimbira Kyabazinga wa Misiri ebyagi ebikologho eby'okuterekangamu emere mu bibuga Pithomu ni Raamusesi.

Okuvaayo 1:13

Kale baabakozesanga emirimo mu bukaluubirivu

Okuvaayo 1:14

n'obulamu bwabakaayira. Baabakozesanga mu kuzimba, ni mu mirimo egindi gyonagyona egy'omu nimiro. Era nga tibabasaasiraku naire.

Okuvaayo 2:24

Katonda yaawulira okulira kwaibwe, era yaidhukira endagaano ye ni Aburahamu, ni Isaaka era ni Yakobo.

Okuvaayo 22:21

“Omuntu ow'eighanga erindi otamubisanga bubi oba okumutuntuza, kuba mwena mwali ba ighanga lindi nga muli e Misiri.

Okuvaayo 23:9

“Otabisanga bubi muntu wa ighanga lindi ali mu imwe mwidhi bwe kiruma okuba ow'eighanga erindi, kuba mwena bwe mwali e Misiri.

Okuvaayo 3:10

Ka nkutume ye kyabazinga ow'e Misiri otoole abantu bange abo mu Misiri.”

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Abalevi 19:34

Mubabisenga ng'oti Baisiraeli banaimwe abazaale baamu, era mubagonzenga ng'oti ni bwe mwegonza beene, kuba mwena mwali basenze mu nsi Misiri. Ninze Musengwa Katonda waimwe.

Okubala 20:15

Oidhi nga badhaadha baife bwe baaja mu Misiri, ye twaba emyaka kamaala, Abamisiri ni babisa obubi badhaadha baife abo era n'ife.

Ebikolwa by'Abatume 7:17

“Ebiseera eby'okutuukiriza Katonda bye yasuubiza Aburahamu byaja nga biseeta, era abantu baaja nga baala mu Misiri.

Ab'e Galatia 3:17

Kino ni kye nkoba, Amateeka agaateebwagho nga ghabiseegho emyaka bikumi bina n'asatu (430), tigaadibya ndagaano yamala kukakasibwa Katonda, era tigaadibya kisuubizo kye.

Amateeka Agokubiri 10:19

Agho ni, mugonzenga abasenze abo, kuba mwena mwali basenze mu Misiri.

Amateeka Agokubiri 5:15

Mwidhukirenga nga mwali bairu mu Misiri, nze Musengwa Katonda waimwe naabatoolayo, nga nkozesa amaani n'obuyinza bwange. Kyenva ni, mbalagira okukuumanga olunaku lwa Sabbato.