Amainhama 15:1 - Baibuli Ekibono kya Katonda 2014

¹ Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Amainhama 15:1 ပူးပေါင်းရင်းမြစ်များ

Amainhama 15:2

Aye Aburamu yairamu ati: “Wo Musengwa Katonda, kiki ky'onampa ni kingasa nga nkaasigaire nga nziraku mwana era ng'omusika w'endhu yange ni Eliezeri ow'e Damasiko?

Amainhama 15:4

Agho yaawulira nga Musengwa Katonda akoba ati: “Omwiru oyo Eliezeri ti n'aidha okuba omusika wo, aye omwana wo mwenemwene n'alikusikira.”

Amainhama 21:17

Aye Katonda yaawulira omwana ng'ali kulira, era malaika wa Katonda, ng'ali mu igulu, yaakoba Hagari ati: “Hagari, obaire otya? Otatya, kuba Katonda awuliire omwana ng'ali kulira eyo y'ali.

Amainhama 22:1

Ebyo nga biwoire, Katonda yaaleba Aburahamu yaamweta ati: “Aburahamu!” Aburahamu yaavugira ati: “Ndi ghano.”

Amainhama 22:20

Nga ghabiseegho ekiseera, Aburahamu baamukobera bati ni Milika yeena yali yazaalira muganda we Nahori abaana bano:

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 31:7

Aye iseimwe yanguyaguya, yaakyusakyusa empeera yange emikuzi ikumi, aye Katonda yaaloba kumuganha kunkolaku kabi.

2 Samueli 22:3

Musengwa Katonda ni Katonda wange, n'olubaale lwe numukiramu okwewonia, era n'engabo mwe neewoma; n'omulwanirizi wange amponia byonabyona. Musengwa Katonda n'obulumukiro bwange, era n'ekifo kyange eky'okwewogomamu, oyo n'amponia abakambwe.

2 Bakyabazinga 1:15

Agho malaika wa Musengwa Katonda yaakoba Eliya ati: “Ika olusozi oje naye, otamutya.” Eliya yaasituka yaika olusozi ghalala n'omusaadha oyo akulira abaisirukale amakumi ataanu, yaaja ye kyabazinga.

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

Zabbuli 115:10

Imwe bakabona abagheereza Katonda, mwesigenga Musengwa Katonda! Oyo n'ababeera era n'abakuuma.

Zabbuli 119:114

Niiwe onkuuma era n'onwanirira, nze nsuubirira mu bye wankoba.

Zabbuli 142:5

Wo Musengwa Katonda, nkulirira oidhe ombeere; niiwe onkuuma era niiwe wenka ye neesiga mu nsi muno.

Zabbuli 18:2

Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 3:3

Ate nga iwe Musengwa Katonda, niiwe engabo mwe neewogoma, niiwe ompeesa ekitiisa, naatambula nga ndi mugumu.

Zabbuli 3:4

Ndheta Musengwa Katonda n'amaani goonagoona, yeena yanvugira ng'ali ku lusozi lwe olutukuvu.

Zabbuli 5:12

kuba abagondera ebiragiro byo iwe Musengwa Katonda, obagha enkabi, era okugonza kwo kubawonia ebizibu ng'oti n'engabo.

Zabbuli 58:11

Agho abantu ghe balikobera bati: “Bwenebwene Katonda asasula abatuufu yaabasiima; bwenebwene eriyo Katonda asala emisango ku nsi.”

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Zabbuli 84:9

Wo Katonda, gha kyabazinga enkabi oyo atulwanirira, saasira oyo ye wasiiga omuzigo.

Zabbuli 91:4

Aidha kukughembaku n'amaghagha ge ghabulenga ekikutuukaku, akukuumenga olw'obwesigwa bwe ng'akulwanirira.

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Ensambo 11:18

Omukozi w'ebibi yeerimba ati katyo anaabifunamu empeera emugasa, aye ate omuntu omutuufu n'afuna empeera yeene egasa.

Ensambo 30:5

Kiisi Katonda ky'akoba kiba kituufu, era Katonda oyo aba ngabo eri abo abamweyuna okubawonia.

Isaia 35:4

Mukobe abo abawoiremu amaani muti: “Mube bagumu, mutatya. Mubone, Katonda waimwe ali kwidha okubalokola, yeesasuulize ku bazigu baimwe ng'ababonereza.”

Isaia 40:10

Bwenebwene Musengwa Katonda wuuyo aidha ng'afuga n'amaani n'obuyinza. Wuuyo aidha n'ebirabo eby'okugabira abantu be, n'ebibonerezo eby'okwesasuuliza ku bazigu be.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 43:5

Otatya, kuba nze ndi ghalala n'iwe. Ndisoloza abantu bo nga mbatoola e buvandhuba n'e bugwandhuba, naabaiza ghalala.

Isaia 44:2

Mulobe kutya, kuba muli bagheereza bange, era abantu bange be nalondamu, be ngonza. Nze ninze Musengwa Katonda eyabatonda ni mbata mu nda dha bainhaimwe, era ndidha kubayambanga.

Isaia 44:8

Mutatya era mutawaamu maani. Mukiidhi bukalamu ng'okuva eira n'eira n'okutuusa ye buli eno, mbairenga mbakobera ebiribaagho. Era niimwe abadhulizi bange. Ate eriyo ekyetebwa katonda okutoolaku nze? Ninze zenka ali ng'oti n'olubaale mwe mwewogoma, ezirayo wundi ye ndidhi.”

Isaia 51:12

Musengwa Katonda era akoba ati: Nze mwene, ninze mbagumya mu bizibu, kale lwaki mutya abantu obuntu, abalifa ni bawaagho ng'oti isubi?

Yeremia 39:17

Aye nze Musengwa Katonda ndikukuuma, naaloba kukughaayo eri abantu abo b'otya

Okulira 3:24

Nkiidhi bukalamu mu mwoyo gwange nti Musengwa ye neesiga ku nsi. Olw'ekyo eisuubi lyange liri mu oyo.

Ezekieli 1:1

Ku lunaku olwokutaanu mu mwezi ogwokuna, mu mwaka ogwamakumi asatu (30), nze Ezekieli kabona mutabane wa Buzi, mu biseera ebyo nali mba ghalala ni banhage banange agho kumpi n'omwiga ogwetebwa Kebari mu Babilonia. Agho eigulu lyaghembuka era naabonekerwa Katonda.

Ezekieli 11:24

Agho omwoyo gwa Katonda gwambeeda nga ndi mu kubonekerwa okwo, gwandhizaayo y'abaali mu bunhage e Babilonia. Olwo bye nabona mu kubonekerwa byakoma agho.

Ezekieli 3:4

Katonda oyo yankoba ati: “Iwe omuntu, ja y'abantu b'omu Isiraeli obakobere bye nja okukukoba.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Okubala 18:20

Era Musengwa Katonda yaakoba Aaroni ati: “Timwidha kufuna kintu kyonakyona kya nsikirano, waire okugheebwa omugabo gwonagwona mu nsi y'Abaisiraeli. Ninze omugabo gwaimwe ogunaababeesangagho mu Baisiraeli.”

Okubala 24:4

Bino n'ebibono by'oyo awulira Katonda by'ayogera, ebibono by'oyo atenduka aye n'asigala ng'amoga, n'abona okubonekerwa kw'oyo Aghanga Ebintu Byonabyona.

Matayo 28:5

Malaika yaakoba abakazi ati: “Mutatya, kuba ndidhi muli kwagala Yesu eyakomererwa ku musalaba.

Matayo 8:26

Yesu yaabakoba ati: “Lwaki mutiire, imwe ab'okwikiriza okutono!” Yaasituka, yaakaabukira kiwunga n'enhandha, era kyaba mulaala inho.

Luka 1:13

Aye malaika yaamukoba ati: “Zekaria otatya, kuba okusaba kwo kuwuliirwa era mukazi wo Elisabethi aidha kukuzaalira omwana omulenzi, omutuume eriina Yoanne.

Luka 1:30

Aye malaika yaamukoba ati: “Maria otatya, Katonda akughaire omukisa.

Luka 12:32

“Mutatya imwe waire nga muli bwa byayo bitono biti, kuba Lata waimwe kyamusanhusa okubagha Obwakyabazinga.

Ebikolwa by'Abatume 10:22

Bairamu bati: “Korunelio, omukulu ow'ekikunsu eky'abaisirukale n'atutumye. Omusaadha ono mutuufu, atya Katonda, era Abayudaaya boonaboona bamwogeraku bukalamu. Kale, malaika omutukuvu yamukoba akwete, oje ewuwe, awulire by'oyegeresa.”

1 Ab'e Korintho 3:22

Oba Paulo, oba Apollo, oba Petero, oba nsi, oba bulamu, oba okufa, oba ebirigho, oba ebiribaagho, byonabyona byaimwe.

Amateeka Agokubiri 18:2

Tibaabenga na itaka lya nsikirano ng'ab'ebika ebindi. Omugabo gwaibwe gunaabanga mu kuba bakabona ba Musengwa Katonda, nga Musengwa Katonda bweyasuubiza.

Amateeka Agokubiri 31:6

Mube bagumu era bamalirivu. Mutatya bantu abo era batabamalamu maani. Musengwa Katonda waimwe mwene, n'aidhanga okuja n'imwe. Talibavaaku, waire okubalekulira agho.”

Abaheburayi 1:1

Eira Katonda yayogeranga ni badhaadha baife emikuzi kamaala era mu nsambo kamaala ng'abita mu balanzi.

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Ruthi 2:12

Nsaba Musengwa Katonda akughe ebirungi olw'ebyo bye wakola Musengwa Katonda oyo owa Isiraeli ye waidha okwewogomamu.”

1 Samueli 15:10

Agho Musengwa Katonda yaakoba Samueli ati:

1 Samueli 9:9

(Eira mu Isiraeli, omuntu bwe yajanga okwebuuza ye Katonda, ng'akoba ati: “Kola tuje y'omuboni.” Mu biseera ebyo omulanzi baamwetanga muboni.)