Amainhama 14:8 - Baibuli Ekibono kya Katonda 2014

⁸ Bakyabazinga bano: ow'e Sodoma, n'ow'e Gomorra, n'ow'e Adama, n'ow'e Zeboiimu, era n'ow'e Bela ekyo nga ni Zoari, baaja n'amagye gaibwe okulwana olutalo mu Kiiko eky'e Siddimu.

Amainhama 14:8 ပူးပေါင်းရင်းမြစ်များ

Amainhama 10:19

Ekiketezo eky'Abakanaani nga kiva mu Sidoni, kyaja nga kyolekeire e Gerari kyatuuka e Gaza era kyaja nga kyolekeire e Sodoma, Gomorra, Adama ni Zeboiimu, kyatuukira irala e Lasha.

Amainhama 13:10

Loti yeezunguluza amaiso, yaabona ng'ekiiko eky'e Yorudani kyonakyona okutuukira irala e Zoari, kirimu amaadhi mangi nga kiri ng'oti n'Enimiro ya Musengwa Katonda, oba ng'oti n'ensi ey'e Misiri. Bino byaligho nga Musengwa Katonda akaali kuzikiriza Sodoma ni Gomorra.

Amainhama 14:10

Mu Kiiko eky'e Siddimu mwali mwidhwire ebiina by'eitosi. Kale kyabazinga ow'e Sodoma n'ow'e Gomorra bwe baalumuka olutalo, baagwa mu biina ebyo, aye bakyabazinga bale abandi abasatu baawona, baalumukira mu nsozi.

Amainhama 14:9

Baalwanisa Kedorilaomeri kyabazinga ow'Elamu, ni Tidali kyabazinga ow'e Goiimu, ni Amurafeli kyabazinga ow'e Shinari, era ni Arioki kyabazinga wa Ellasari batyo bakyabazinga abana baalwanisa abataanu.

Amainhama 19:20

Bona, ekibuga kire ere kiri kumpi era kitono. Leka numukire omwo; aye ti kitono, ndidha kuwonera omwo.”

Amainhama 19:22

Ja mangu, olumukire eyo! Ezira kye ndidha kukola ng'okaali kutuukayo.” Kyova ekibuga ekyo kyatuumibwa Zoari, kuba Loti yakyeta ati: kitono.

Hosea 11:8

Abaisiraeli nsobola ntya okubaghaayo? Nsobola ntya okubalekulira agho? Nsobola ntya okubazikiriza ng'oti bwe nakola Adama? Nsobola ntya okubabisa ng'oti bwe nabisa Zeboiimu? Omwoyo gwange tigunganha kukikola; kuba mbagonza inho ebitaloodheka.