Amainhama 14:20 - Baibuli Ekibono kya Katonda 2014

²⁰ Katonda oyo Ali Ghaigulu Yeene asaakibwenga, oyo akuleeteire okughangula abazigu bo!” Agho Aburamu yaagha Melekizedeki ekintu kirala ku buli ikumi, ku bintu byonabyona ebyali binhagiibwa.

Amainhama 14:20 ပူးပေါင်းရင်းမြစ်များ

Amainhama 14:21

Kyabazinga ow'e Sodoma yaakoba Aburamu ati: “Abantu bampe, aye ebintu obitwale.”

Amainhama 24:27

Yaakoba ati: “Musengwa Katonda, oyo Katonda wa musengwa wange Aburahamu, asaakibwe; kuba ayoleike nga bw'atalekera kugonza musengwa wange, era nga bw'ali omwesigwa y'ali. Ate zeena Musengwa Katonda andholeike engira, naatuuka mu maka g'aboluganda ba musengwa wange.”

Amainhama 28:22

Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

Amainhama 47:24

Mu biseera eby'amakungula, munaaghanga kyabazinga ekitundu kirala kirala ku buli bitundu bitaanu eby'engaano. Ebitundu ebina ebisigairegho, n'ebinaabanga ebyaimwe eby'okusiga n'okulya, imwe beene ghalala n'ab'omu maka gaimwe.”

Amainhama 47:26

Kale Yosefu yaataagho eiteeka erikaaligho ni ye buli eno mu Misiri, ery'abantu okughanga kyabazinga ekitundu ekirala ekirala ku buli bitundu ebitaanu eby'amakungula. Eitaka lya bakabona lyonka n'eritaafuuka lya kyabazinga.

Amainhama 9:26

Era yaakoba ati: “Musengwa Katonda asaakibwe, Katonda wa Shemu; Kanaani aidha kubanga mwiru wa Shemu.

2 Samueli 18:28

Ahimaazi olwatuuka ati, yaakoba kyabazinga mu mamiro ag'amaani ati: “Byonabyona biri miraala.” Bwe yamala yaakubira kyabazinga amakiryaivu era yaakutama n'ekyeni kyatuuka ku itaka. Yaakoba ati: “Musengwa Katonda wo asaakibwe, akughaire okughangula abantu abaakudheemera iwe Isebantu kyabazinga.”

2 Ebyomubyanda 31:12

Baingiza omwo n'obwegendereza ebyagheebwayo okuba ebya Musengwa Katonda, n'ekintu ekirala ekirala ku buli bintu eikumi omuntu bye yali nabyo. Baataagho Konania Omulevi okukolanga ogw'okubirabirira, nga Shimei muganda we n'amwiririra.

Nehemia 10:37

“Buli mwaka twidha kuleetanga eri bakabona mu isinzizo, engaano ye tunaasookanga okukanda, n'ebintu ebindi, n'omwenge ogw'emizabbibu, n'omuzigo ogw'ebibala eby'emiti emyoliva, n'ebibala eby'oku miti egya buli nsambo. “N'Abalevi twidha kubaleeteranga ekintu kirala kirala ku buli bintu ikumi bye tufuna mu itaka lyaife, kuba Abalevi n'abasoloza ekirala ekirala ku buli bintu ikumi ebifunibwa mu byalo byaife byonabyona ye tulimira.

Nehemia 13:12

Olwo Abayudaaya boonaboona baatoolera okuleeta mu materekero ekitundu ekirala ekirala ku buli bitundu eikumi omuntu by'afuna eky'engaano, n'omwenge ogw'emizabbibu, n'omuzigo ogw'ebibala eby'emiti emyoliva.

Zabbuli 144:1

Musengwa Katonda asaakibwe, oyo ankuuma n'andhegeresa okulwana entalo.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 68:19

Tusaakenga Musengwa Katonda, oyo n'atwetwikira ebizibu byaife buli kaakyeire. Oyo ni Katonda atulokola.

Okuvaayo 18:10

Era yaakoba ati: “Musengwa Katonda oyo asaakibwe, eyabatoola mu ngalo dha kyabazinga ow'e Misiri, ni mu ngalo edh'Abamisiri.

Amosi 4:4

Musengwa Katonda akoba ati: “Imwe Abaisiraeli, muje mu kifo ekitukuvu eky'e Betheli mukole ebibi, muje n'e Giligali mweyongere okwonoona. Muleete emisengo buli nkyo era mugheeyo ekintu ekirala ekirala ku buli ikumi bye mufuna buli luvainhuma lwa nnaku isatu.

Malaki 3:10

Ale muleeteku mu bwidhuvu ebintu byonabyona ebiva mu kintu ekirala ekirala ku buli bintu eikumi bye mufuna, mwidhuze eiterekero ly'eisinzizo lyange libeemu emere kamaala. Mugezeeku mube ng'abali kundeba, mubone oba nga tiribaiguliragho igulu ni mbadhogomolera bintu birungi kamaala?

Malaki 3:8

Zeena ka mbabuuze nti: ‘Kiba kituufu omuntu okukupankupania ebintu bya Katonda?’ Aye ate imwe mukupankupania ebyange, era mwamala mwabuuza muti: ‘Tubikupankupania tutya?’ Mubikupankupaniza mu ebyo bye mwandighaireyo ng'ekintu ekirala ekirala ku buli bintu ikumi bye mufuna, era ni mu bigheebwayo ebindi, bye muloba okumpa.

Okubala 28:26

“Ku lunaku olw'ebirime ebisooka okukungulwa, lwe mugheeraku ekigheebwayo eky'emere ey'empeke ku Kibinuko kyaimwe eky'Amakungula, mwidha kwesolozanga okunsinza. Mutalukolerangaku mulimo gwonagwona.

Luka 18:12

Nze nsiiba emikuzi ebiri buli nnaku musanvu, era ku buli bintu eikumi bye nfuna nkughaaku ekirala.’

Ab'e Roma 15:16

okuba omugheereza we mu bamaghanga agandi. Nkola omulimo ogw'obwakabona nga nkobera abantu Amawulire Amalungi agava ewa Katonda, abamaghanga agandi babe ng'ekirabo ky'asiima nga kitukuziibwa Mwoyo Mutukuvu.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Amateeka Agokubiri 12:17

Kiisi kye mughaayo ye Musengwa Katonda, mutakiriiranga eyo ye muba: ka kibe ekitundu ekirala ekirala ku buli bitundu ikumi eby'engaano yaimwe, oba eby'omwenge gwaimwe ogw'emizabbibu, oba eby'omuzigo ogw'ebibala eby'emiti emyoliva oba ka dhibe ensolo dhaimwe, ng'ente, entaama, oba embuzi, edhizaalibwa mu luzaalo olusooka oba ekigheebwayo kyaimwe eky'okutuukiriza obweyamo bwaimwe ye Musengwa Katonda, oba ekigheebwayo kyaimwe eky'ekyeyendere, oba ebigheebwayo byaimwe ebindi bye mughaayo.

Amateeka Agokubiri 14:23

Memale olwo mujenga mu kifo Musengwa Katonda waimwe ky'aliba ng'alonzeegho okumusinzizangamu, muliire eyo mu maiso ge ekitundu ekirala ekirala ku buli bitundu ikumi eky'engaano yaimwe, n'eky'omwenge gwaimwe ogw'emizabbibu, n'eky'omuzigo gwaimwe ogw'ebibala eby'emiti emyoliva, ghalala n'ente, n'entaama, n'embuzi dhaimwe edhizaalibwa mu luzaalo olusooka. Mukolenga mutyo, olwo mughange okwega okutyanga Musengwa Katonda waimwe enaku dhoonadhoona.

Amateeka Agokubiri 14:28

Buli ku nkomerero y'omwaka ogwokusatu, mwidha kuleetanga ekintu kirala kirala ku buli bintu ikumi eky'ebirime bye mukungwire omwaka ogwo. Ebintu ebyo bye munaaleetanga, munaabiterekanga mu bibuga byaimwe.

Yoshua 10:42

Yoshua n'abasaadha be, baaghangula mu lulwana lulala bakyabazinga abo boonaboona, era baabatoolaku ebiketezo byaibwe. Kuba Musengwa Katonda wa Isiraeli, yalwanirira Isiraeli.