Amainhama 14:18 - Baibuli Ekibono kya Katonda 2014

¹⁸ Era ni Melekizedeki, eyali kyabazinga ow'e Salemu era kabona wa Katonda Ali Ghaigulu Yeene, yaaleetera Aburamu eby'okulya n'omwenge ogw'emizabbibu.

Amainhama 14:18 ပူးပေါင်းရင်းမြစ်များ

2 Samueli 2:5

Daudi yaagheereza abakwenda y'abantu abo, okubakoba bati: “Musengwa Katonda abaghe enkabi, kuba mwayoleka obwesigwa bwaimwe eri musengwa waimwe Saulo, mwamuziika.

Zabbuli 104:15

Afune n'omwenge ogw'emizabbibu ogumusangaaza, n'omuzigo ogw'ebibala eby'emiti emyoliva ogumusanhusa, era afune n'emere emugha amaani mu mubiri.

Zabbuli 110:4

Musengwa Katonda yalayira era talyeidhusa: “Iwe oli Kabona ebyanda n'ebyanda ng'oti ni Melekizedeki bwe yali.”

Zabbuli 50:14

Omusengo gwaimwe ka gubenga okunsiima nze Katonda, era mutuukirizenga bye mweyama eri nze Ali Ghaigulu Yeene.

Zabbuli 57:2

Nze ndi kulirira Katonda Ali Ghaigulu Yeene, oyo atuukiriza mu nze ekigendererwa kye.

Zabbuli 7:17

Neeyanza Musengwa Katonda olw'obutuufu bwe, era nhemba enhembo edhisaaka Musengwa Katonda, oyo Katonda Ali Ghaigulu Yeene.

Zabbuli 76:2

Katonda aba Yerusalemu ku lusozi Sioni.

Zabbuli 76:3

Eyo ye yamenheramenhera obulaso obuziinhuuka, n'engabo n'empiima n'eby'okulwanisa ebindi abazigu be bye baakozesanga mu kulwana olutalo.

Danieli 4:31

Aye yali akaayogera, amamiro gaawulikika nga gava mu igulu gaakoba gati: “Kyabazinga Nebukadinezzari ndi kukukobera nti obwakyabazinga bukutooleibwaku.

Mika 6:6

Kiki kye nnaaleetera Musengwa Katonda, oyo Katonda ow'eigulu, nga ndidha okumusinza? Mmuleetere ente ento edh'omwaka omulala edhisinga bulungi ndhigheeyo ng'ebigheebwayo ebyokebwa?

Okubala 18:28

Kale mutyo mwena bwe mwidhanga okutoola ekintu ekirala ekirala ku buli bintu eikumi Abaisiraeli boonaboona bye banaabaghanga, mukigheeyo ng'ekigheebwayo eri nze Musengwa Katonda. Ekigheebwayo kyaimwe ekyo mwidha kukighanga Aaroni kabona.

Okubala 24:16

Bino n'ebibono by'oyo awulira Katonda by'ayogera, n'amanha amagezi g'oyo Ali Ghaigulu Yeene, era atenduka aye n'asigala ng'amoga, n'abona okubonekerwa kw'oyo Aghanga Ebintu Byonabyona.

Ebikolwa by'Abatume 16:17

Yaanonereza Paulo n'ife bw'ayasiikana ati: “Abantu bano bagheereza ba Katonda Ali Ghaigulu Yeene, abali kubakobera nga bwe mughanga okulokolebwa.”

Ebikolwa by'Abatume 7:48

“Aye Katonda oyo Ali Ghaigulu Yeene, tasula mu ndhu dhizimbibwa bantu, ng'omulanzi bw'akoba ati,

Ab'e Galatia 6:10

Agho ni buli lwe tunaafunanga akaghagaanhia, tugwaine tukolerenga abantu boonaboona ebirungi n'okusingira irala abo be tuli nabo mu kika ekirala mu kwikiriza.

Abaheburayi 5:10

era Katonda yaamufuula Omukulu wa Bakabona ng'oti ni Melekizedeki bwe yali.

Abaheburayi 5:6

Ate era akoba aghandi ati: “Iwe oli kabona ebyanda n'ebyanda, nga Melekizedeki bwe yali.”

Abaheburayi 6:20

Ku lwaife, Yesu n'eyatusooka okwingirayo era yaafuuka Omukulu wa Bakabona ow'ebyanda n'ebyanda ng'oti ni Melekizedeki bwe yali.

Abaheburayi 7:1

Melekizedeki ono yali kyabazinga wa Salemu era kabona wa Katonda Ali Ghaigulu Yeene. Bwe yayagaanana ni Aburahamu nga Aburahamu ava mu lutalo mwe yaitira bakyabazinga, Melekizedeki ono yaamugha enkabi.

Ruthi 3:10

Boazi yaamwiramu ati: “Muna, Musengwa Katonda akughe enkabi, kuba obwesigwa bw'oli kwoleka buti businga obwo bwe wayoleka mu ebyo bye wakolera inhazaala wo. Kuba wandibaire buti ng'oli kwenoonezaayo mulenzi muto, k'abe mukombe oba mwavu, aye ekyo ti ky'okoze.