Amainhama 14:13 - Baibuli Ekibono kya Katonda 2014

¹³ Aye omuntu eyawonagho yaidha yaakobera byonabyona Aburamu, Omuheburayi eyali ng'aba kumpi n'emiti gya Mamure Omuamori. Mamure ono ni baganda be, Esikoli ni Aneri, baali ba mukago n'Aburamu.

Amainhama 14:13 ပူးပေါင်းရင်းမြစ်များ

Amainhama 10:16

era n'Abayebusi, Abamori, Abagirigashi,

Amainhama 13:18

Kale Aburamu yaazimbulagho weema ye, yaaja yaasenga kumpi n'emiti gya Mamure mu Heburoni era eyo yaazimbirayo Musengwa Katonda alutaari.

Amainhama 14:24

Tija kutwala kintu naire, okutoolaku ebyo abaisuka bange bye baaliire, era n'omugabo ogw'abasaadha abaaja ninze. Aye leka bakagwa bange, Aneri, ni Eshikoli, era ni Mamure, batwale omugabo gwaibwe.”

Amainhama 18:1

Musengwa yabonekera Aburahamu kumpi n'emiti gya Mamure, nga Aburahamu atyaime ku mulyango gwa weema ye, mu biseera eby'omu kasana ghagati.

Amainhama 21:24

Aburahamu yaakoba ati: “Ndayiire.”

Amainhama 21:27

Aburahamu yaatoola entaama n'ente, yaadhigha Abimeleki; bombi baakola endagaano.

Amainhama 21:32

Bwe baamala okukola endagaano e Beerisheba, Abimeleki yaagolola ni Fikoli omuduumizi ow'amagye ge, bairayo mu nsi ey'Abafilisiti.

Amainhama 39:14

yaayeta abagheereza ab'omu ndhu ye, yaabakoba ati: “Mubone, baze yaleeta muno Omuheburayi okutudhooga. Aingiire ye mbaire, ng'ayenda okunkaka okuba naye, aye nze naakuba inho enduulu.

Amainhama 40:15

Kuba bwenebwene bampuuya buwuuye okuva mu nsi y'Abaheburayi, era ni ghano tikolangaghooku kintu kyonakyona ekyandinsibiisa mu ikomera.”

Amainhama 41:12

Ghaaligho omwisuka Omuheburayi eyali aghalala n'ife, nga mugheereza wa mukulu ow'abaisirukale abakuumi b'ekisaagaati kya kyabazinga. Twamukobera ebirooto byaife, era yaatuvuunulira amakulu gaabyo, ng'ekirooto ekya buli muntu bwe kyali.

Amainhama 43:32

Yosefu baamwiwulira wawe yenka, ni baganda be baabaiwulira waibwe, era n'Abamisiri abaalya ku kiiwulo ekyo, boona baabaiwulira waibwe, kuba kyali kya muzizo eri Abamisiri okuliira aghalala n'Abaheburayi.

Yobu 1:15

abanhazi Abasabea baadhigwaku, baadhinhaga. Baita abagheereza bo boonaboona; era nze zenka ninze mponiegho okwidha okukukobera.”

Okuvaayo 2:11

Lwali lulala nga Musa amaze okukulira irala, yaafuluma mu kisaagaati yaaja okubona ku bantu be Abaheburayi. Bwe yatuuka yaalingirira yaabona engeri ye baabakakanga okukola emirimo emikalangufu. Era yaabona Omumisiri ng'ali kukuba owundi ku bantu be abo, ate nga Musa yeena yali Muheburayi.

Okuvaayo 2:6

Omumbeedha bweyakisandukula ati, yaabonamu omwana omulenzi. Omwana yali ali kulira. Omumbeedha oyo yaamugemerwa ekivunika era yaakoba ati: “Ono ateekwa okuba nga mwana wa Baheburayi.”

Okuvaayo 3:18

Baidha kwikiriza ky'onaabakoba. Ng'olwo iwe n'abakulu ab'ebikunsu abo muja ye kyabazinga w'e Misiri nga mumukoba muti, ‘Musengwa Katonda, Katonda w'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo.’

Yeremia 34:9

Buli muntu yali n'okulekula abairu be Abaheburayi abasaadha n'abakazi babe ba idembe, ghabule omuntu aba ni Muisiraeli mwine ng'omwiru.

Yona 1:9

Yaabairamu ati: “Nze ndi Muheburayi. Nsinza Musengwa Katonda, Katonda ow'eigulu, eyakola enhandha n'obukalu.”

Okubala 13:23

Agho baatuuka mu kiiko eky'e Eshikoli, baatemayo olusaga olwaliku ekifaaganda eky'emizabbibu kirala kiti, abantu babiri baakitwalira ku muti, ng'owundi agemyeku eruuyi n'owundi eruuyi. Baatwala ni ku bibala eby'emikomamawanga n'eby'emitiini.

Okubala 21:21

Agho Abaisiraeli baatuma abakwenda ye kyabazinga Sihoni ow'Abamori, okumukoba bati:

2 Ab'e Korintho 11:22

Abo Baheburayi? Zeena bwendi. Abo Baisiraeli? Zeena bwendi. Abo baidhukulu ba Aburahamu? Zeena bwendi.

Ab'e Filippi 2:5

Mube n'omwoyo ng'oti ni Kurisito Yesu gwe yali nagwo:

1 Samueli 29:3

Abaduumizi b'Abafilisiti baabuuza bati: “Bano Abaheburayi bakola ki ghano?” Akishi yaakobera abaduumizi abo ati: “Ono ni Daudi omugheereza wa Saulo kyabazinga wa Isiraeli. Abaire ninze okumala entangama nnene, era kasookanga alumuka ku musengwa we n'aidha ye ndi, timubonangamu kisobyo kyonakyona ni ye buli eno.”

1 Samueli 4:12

Agho omuntu ow'omu kika kya Benjamini, yaalumuka ng'ava mu lutalo, yaaja yaatuuka e Shilo ku lunaku lwene olwo, ng'akanwiremu ebivaalo bye, era ng'asiize eitaka mu mutwe gwe, olw'enaku.