Amainhama 14:10 - Baibuli Ekibono kya Katonda 2014

¹⁰ Mu Kiiko eky'e Siddimu mwali mwidhwire ebiina by'eitosi. Kale kyabazinga ow'e Sodoma n'ow'e Gomorra bwe baalumuka olutalo, baagwa mu biina ebyo, aye bakyabazinga bale abandi abasatu baawona, baalumukira mu nsozi.

Amainhama 14:10 ပူးပေါင်းရင်းမြစ်များ

Amainhama 11:3

Baakoba bati: “Ka tuwumbe amatoofaali, tugookye bukalamu, gabbalanguke.” Kale baaba n'amatoofaali mu kifo ky'amabaale, era n'eitosi mu kifo kya seminti.

Amainhama 14:11

Abazigu baibwe baanhaga ebintu byonabyona eby'omu Sodoma ni mu Gomorra, n'emere yaibwe yoonayoona.

Amainhama 14:17

Aburamu bweyaira ng'amaze okughangula Kedorilaomeri ni bakyabazinga be yali yeeyimbye nabo, kyabazinga wa Sodoma yaaja mu Kiiko eky'e Shave era ekyetebwa Ekiiko ekya Kyabazinga okumweisuusaayo.

Amainhama 14:21

Kyabazinga ow'e Sodoma yaakoba Aburamu ati: “Abantu bampe, aye ebintu obitwale.”

Amainhama 14:3

Bakyabazinga bano abataanu abasembyeyo, baayimba ghalala amagye gaibwe mu Kiiko eky'e Siddimu eyo nga n'Enhandha Eyomuunhu.

Amainhama 14:9

Baalwanisa Kedorilaomeri kyabazinga ow'Elamu, ni Tidali kyabazinga ow'e Goiimu, ni Amurafeli kyabazinga ow'e Shinari, era ni Arioki kyabazinga wa Ellasari batyo bakyabazinga abana baalwanisa abataanu.

Amainhama 19:17

Bwe baamala okubafulumya, owundi ku bamalaika yaakoba Loti ati: “Lumuka olobe kufa! Tolinga inhuma, era otayemereraku mu kiiko naire. Lumukira mu nsozi olobe kuzikirizibwa.”

Amainhama 19:30

Loti ni baghala be bombi baava mu Zoari baaniina mu nsozi, baasulanga eyo mu mpuku, kuba Loti yatya okuba mu Zoari.

Zabbuli 83:10

abaitirwa mu kibuga Endori, ni baba agho ku itaka ng'oti mmungo ya busa.

Isaia 24:18

Ole alirumuka n'awona entiisa, aligwa mu lwina. Ate ole aligezaaku n'ava mu lwina, aligwa bwa ku mutego gwamugemya. Ebituli eby'oku igulu biigule, kale amaadhi galiyuyika okuva ku igulu, n'emisingi gy'ensi gyatengeeta.

Yeremia 48:44

Buli aligezaaku okulumuka okwewonia entiisa, aligwa mu biina. Ate oyo aliniina n'ava mu biina, aligwa ku mutego, olw'okuba nze Musengwa Katonda namala okutaagho ekiseera eky'okuzikirizaamu Moabu.

Yoshua 8:24

Abaisiraeli bwe baamala okwita abasaadha ab'omu Ayi boonaboona, abaali bali kubabingirira eyo mu irungu, baaja baita abo boonaboona abaali basigaire mu kibuga.