Amainhama 13:2 - Baibuli Ekibono kya Katonda 2014

² Aburamu yali mukombe inho, ng'ali n'ebyayo, ni feeza, ni zaabu.

Amainhama 13:2 ပူးပေါင်းရင်းမြစ်များ

Amainhama 12:16

Era ku lulwe, kyabazinga yaabisa Aburamu bukalamu yaamugha entaama, n'ente, n'endogoyi enume n'enkazi, n'abairu abasaadha n'abakazi, era n'engamiya.

Amainhama 13:6

aye ng'eitaka tiribamala bombi kuba ghalala, olw'okuba ebintu byaibwe byali kamaala inho.

Amainhama 24:1

Mpegaano, Aburahamu yali ng'akairiighe obukalamu bwene, era Musengwa Katonda ng'amughaire enkabi mu byonabyona.

Amainhama 24:35

Musengwa Katonda yagha musengwa wange Aburahamu enkabi edhitaloodheka, yaamufuula mukombe inho. Yamugha ebyayo kamaala: ente, embuzi n'entaama. Era yaamugha feeza ni zaabu, n'abairu abasaadha n'abakazi, n'engamiya era n'endogoyi.

Amainhama 26:14

Yali n'engo edh'ente, n'entaama, n'embuzi, era n'abagheereza kamaala. Kino kyaleetera Abafilisiti okumugemerwa ensaalwa.

Amainhama 30:43

Mu nsambo eyo Yakobo yaafuuka mukombe inho, yaaba n'ebyayo kamaala, n'abairu abakazi n'abasaadha, n'engamiya era n'endogoyi.

Yobu 1:10

Wamukolera olukomera okumwezunguluza mwene n'amaka ge, n'ebibye byonabyona by'ali nabyo. By'akola byonabyona obigha enkabi, n'obukombe bwe, bweyongeire obungi mu nsi.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Ensambo 10:22

Enkabi dha Musengwa Katonda n'edhireeta obukombe, okukola einho ghazira kye kwongera ku bukombe bwo.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

1 Samueli 2:7

Musengwa Katonda ayavughaza omuntu era yaamukombaghaza; aisa omuntu ghansi era yaamugulumiza.