Amainhama 13:16 - Baibuli Ekibono kya Katonda 2014

¹⁶ Ndidha kufuula baidhukulu bo okuba abangi ng'oti nkungu mu nsi kibe nti ole bw'alisobola okubala enkungu mu nsi, olwo ni baidhukulu bo boona baliba basobola okubalwa.

Amainhama 13:16 ပူးပေါင်းရင်းမြစ်များ

Amainhama 15:5

Yaamufulumya kuliya, yaakoba ati: “Lingirira ku igulu, obale emuunienie edhiriku, oba nga osobola okudhibala.” Agho yaamukoba ati: “N'abaidhukulu bo batyo bwe baliba obungi.”

Amainhama 16:10

Era yaamukoba ati: “Ndidha kukugha abaidhukulu kamaala inho nga tibabalika.”

Amainhama 17:16

Ndidha kumugha enkabi akuzaalire omwana omulenzi. Ndidha kumugha enkabi abe inhina ow'amaghanga era bakyabazinga baidha kusimukanga mu oyo.”

Amainhama 17:2

Ndidha kukola endagaano yange n'iwe, era nkughe abaidhukulu kamaala.”

Amainhama 17:20

Era Ishimaeli yeena ndidha kumugha by'osabye: ndidha kumugha enkabi azaale abaana kamaala, era afune n'abaidhukulu kamaala. Aidha kuzaala abalangira ikumi na babiri, era ndidha kumufuulamu eighanga ery'amaani.

Amainhama 17:6

Ndidha kukugha abaidhukulu kamaala inho, baveemu amaghanga mangi era ni bakyabazinga baliva mu iwe.

Amainhama 18:18

kuba oyo n'aja okusimukamu eighanga eikologho ery'amaani, era mu oyo amaghanga goonagoona ag'omu nsi mwe galigheerwa enkabi.

Amainhama 21:13

Era n'omwana ow'omukazi omwiru yeena ndimugha abaidhukulu kamaala baafuuka ighanga, kuba yeena mwana wo.”

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

Amainhama 28:14

Baidhukulu bo baliba bangi ng'oti nkungu ey'oku nsi. Balibuna mu nsonda dhoonadhoona edh'ensi. Era mu iwe, ni mu baidhukulu bo, amaghanga goonagoona mwe galigheerwa enkabi.

Amainhama 28:3

Katonda Aghanga Ebintu Byonabyona akughe enkabi, ozaale abaana kamaala, osimukemu amaghanga kamaala.

Amainhama 32:12

Ate nga wakoba oti, “Ndikugha buli kintu okukujiiranga obukalamu, era naakwaliza abaidhukulu kamaala ng'oti n'omusenho ogw'oku nhandha, ogutaghanga kubalika olw'obungi.”

Amainhama 32:13

Yakobo yaasula agho obwire obwo, yaatoola ku bye yali nabyo okugha muganda we Esau ekirabo:

Amainhama 35:11

Era yaamukoba ati: “Ninze Katonda Aghanga ebintu byonabyona. Zaala abaana kamaala, mweyongere obungi amaghanga kamaala galisimuka mu iwe, era oliba dhaadha wa bakyabazinga.

Amainhama 46:3

Katonda yaakoba ati: “Ninze Katonda, Katonda oyo owa lata wo. Otatya kuja mu Misiri, kuba baidhukulu bo ndibafuulira eyo eighanga ery'amaani.

1 Bakyabazinga 3:8

Ate nze omugheereza wo ndi mu bantu be walondamu, eighanga eikologho, olukunkumuli olw'abantu abatasoboka kubalika.

1 Bakyabazinga 4:20

Abantu mu Buyudaaya ni mu Isiraeli baali kamaala inho ng'oti musenho oguba ku mbali kw'enhandha, era baalyanga n'okunhwa baanhwanga, nga basangaavu.

2 Bakyabazinga 13:23

Aye Musengwa Katonda yaabagemerwa ekivunika, yaabasaasira. Yaira ku luuyi lwaibwe yaababeera olw'endagaano ye yakola ni Aburahamu ni Isaaka ni Yakobo, era yaaloba kubazikiriza waire okubabinga mu maiso ge ni ye buli eno.

1 Ebyomubyanda 21:5

Yoabu yaatwalira kyabazinga Daudi omughendo ogw'abantu be baabala: mu Isiraeli mwonamwona mwalimu abasaadha abasobola okulwana entalo akakaire kalala n'emitwalo ikumi (1,100,000), ate mu Buyudaaya mwabaamu emitwalo amakumi ana na musanvu (470,000).

1 Ebyomubyanda 27:23

Kyabazinga Daudi tiyabala bantu abakaali okutuusa emyaka amakumi abiri egy'obukulu, kuba Musengwa Katonda yali amaze okusuubiza ng'aja kuleetera Abaisiraeli babe kamaala inho ng'oti n'emuunienie edh'oku igulu.

2 Ebyomubyanda 1:9

Wo Musengwa Katonda wange, tuukiriza kye wasuubiza lata wange. Nga bw'onfiire kyabazinga w'abantu abangi ng'oti n'enkungu eri ku nsi,

Yobu 5:25

Oidha kubanga n'abaidhukulu kamaala; eizaire lyo liidha kweyongeranga okwala ng'oti isubi ku nsi.

Okuvaayo 1:7

Aye Abaisiraeli abo, abaana be baaleka baazaalagana inho era baaba ba maani agataloodheka, kumpi baidhuza Misiri yoonayoona.

Okuvaayo 32:13

Idhukira abagheereza bo, Aburahamu, ni Isaaka, ni Yakobo, be weelayirira iwe mwene. Wabakoba oti oidha kubazaalagania babe n'abaidhukulu kamaala ng'oti ni muunienie edhiri ku igulu. Era waabasuubiza oti ensi ye wabagha eja kuba yaibwe n'abaana baibwe n'abaidhukulu, ebyanda n'ebyanda.”

Yeremia 33:22

Ng'emuunienie edh'oku igulu bwedhitabalika, era ng'omusenho ku mbali kw'enhandha bwe gutapimika, zeena ntyo bwe ndireetera baidhukulu ba Daudi omugheereza wange, ni bakabona ab'omu kika kya Levi, okuba abangi einho.”

Okubala 23:10

Naani asobola okubala baidhukulu ba Yakobo abangi ng'oti bwa nkungu? Oba naani asobola okumanha omughendo oguli mu kitundu obutundu ekirala ku buli bitundu ebina eby'Abaisiraeli abo? Leka nfe ng'abatuufu bwe bafa, leka enkomerero yange ebe ng'ey'abatya Katonda abo bw'eba!”

Amateeka Agokubiri 1:10

Musengwa Katonda waimwe abafiire bangi, era mpegaano muli bangi ng'oti n'emuunienie edh'oku igulu.

Abaheburayi 11:12

Kale waire Aburahamu yali omukaire awoireyo, yavaamu abaidhukulu kamaala inho ng'oti n'emuunienie edh'oku igulu era ng'oti musenho ogw'oku mbali okw'enhandha ogutabalika.

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.

Abalamuzi 6:3

kuba Abaisiraeli buli lwe baamalanga okusiga, olwo nga Abamidia, n'Abamaleki, n'abatyamye ab'omu buvandhuba, beeyimba okwidha okubalumba.

Abalamuzi 6:5

Baidhanga n'ente dhaibwe, n'egamiya dhaibwe, n'eweema dhaibwe, nga bangi ng'oti nzige. Beene ghalala n'engamiya dhaibwe nga tibabalika olw'obungi. Agho baaja nga bazikiriza ensi eyo buli ghe baabitanga.