Amainhama 13:13 - Baibuli Ekibono kya Katonda 2014

¹³ Abantu ba Sodoma baali babi, era nga boonooni inho ye Musengwa Katonda.

Amainhama 13:13 ပူးပေါင်းရင်းမြစ်များ

Amainhama 10:9

Yali muyiizi wa maani ku lw'obuyinza bwa Musengwa Katonda, era okwo n'okwava endhogera eti: “Ng'oti ni Nimurodi omuyiizi ow'amaani ku lw'obuyinza bwa Musengwa Katonda.”

Amainhama 15:16

Mu nsi eyo balibaayo ghaabitagho ense ina memale baira ghano, kuba tija kubingagho Bamori okutuusa nga beeyongeire okuba ababi einho okugwanira okubonerezebwa.”

Amainhama 18:20

Agho Musengwa Katonda yaakoba ati: “Mpulira ebintu ebibi kamaala nga byogerwa ku Sodoma ni Gomorra, era okwonoona kwaibwe kubitiriire!

Amainhama 19:13

kuba tuli kumpi okukizikiriza. Musengwa Katonda awuliire ebintu ebibi kamaala nga byogerwa ku kibuga kino, era atutumye okukizikiriza.”

Amainhama 38:7

Aye Eri, omwana omuberi owa Yuda, yali wa mpisa mbi mu maiso ga Musengwa Katonda; kale Musengwa Katonda yaamwita.

Amainhama 39:9

Ndi n'obuyinza mu maka muno obwagayaga n'obubwe, era ghazira ky'atangemya okutoolaku iwe; kuba oli mukazi we. Kale nsobola ntya okukola ekibi ekyaga agho ni nsobya eri Katonda?”

Amainhama 6:11

Aye, abantu abandi boonaboona baali babi mu maiso ga Katonda, era ng'ebikolwa eby'obukambwe bibunie ensi yoonayoona.

2 Bakyabazinga 21:6

Yaayokya mutabane we ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

Isaia 1:9

Ngoli Musengwa Katonda Afuga Amagye tiyatulekeraghooku bantu batono abaawonagho, twandibaire ng'oti n'ab'e Sodoma, era twafaanana ng'oti n'ab'e Gomorra mu ebyo ebyabatuukaku.

Yeremia 23:14

Aye ate mboine ng'abalanzi b'omu Yerusalemu, bakola ebibi n'okusinga agho: bakola obwenzi era baaguya, baleetera abantu okukola ebibi. Olwo ghaabula akyuka okuva mu bibi bye. Nze mbona nga boonaboona babi ng'oti n'abantu b'e Sodoma n'ab'e Gomorra.”

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Okubala 32:23

Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.

Matayo 9:10

Bwe yali ng'atyaime ku kiiwulo mu ndhu, abaghooza kamaala n'aboonooni baidha baatyama ni Yesu n'Abeegeresebwa be okulya.

Matayo 9:13

Kale muje mwege amakulu ga kino, ‘Ekisa kye nhenda aye ti misengo.’ Tinaidha kweta batuufu, aye aboonooni.”

Yoanne 9:24

Kabiri baayeta omusaadha eyabanga omutulu baamukoba bati: “Mu ga Katonda yogera ekituufu twidhi ng'omusaadha oyo mukozi wa bibi!”

Yoanne 9:31

Twidhi tuti Katonda tawulira bakozi ba bibi, aye awulira oyo amutaamu ekinhagansi era akola by'ayenda.

Ab'e Roma 1:27

Mu nsambo n'endala abasaadha baalekayo okwebisa n'abakazi ng'obutonde bwe buli, beegombanga basaadha banaibwe era baadankaananga nabo, era beereetaku ekibonerezo ng'okwonoona kwaibwe bwe kwali.

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

1 Samueli 15:18

Yaakutuma okukola omulimo ng'akoba ati, ‘Ja ozikirize abakozi ab'ebibi abo, Abamaleki, ng'obalwanisa okutuusa lw'olibaita n'obamalagho.’

1 Samueli 2:17

Kale, ekibi eky'abaisuka abo kyaba kinene inho mu maiso ga Musengwa Katonda kuba ebigheebwayo eri Musengwa Katonda tibaabitangamu kinhagansi.