Amainhama 13:10 - Baibuli Ekibono kya Katonda 2014

¹⁰ Loti yeezunguluza amaiso, yaabona ng'ekiiko eky'e Yorudani kyonakyona okutuukira irala e Zoari, kirimu amaadhi mangi nga kiri ng'oti n'Enimiro ya Musengwa Katonda, oba ng'oti n'ensi ey'e Misiri. Bino byaligho nga Musengwa Katonda akaali kuzikiriza Sodoma ni Gomorra.

Amainhama 13:10 ပူးပေါင်းရင်းမြစ်များ

Amainhama 11:27

Bano ni baidhukulu ba Tera: Tera yazaala Aburamu, Nahori ni Harani ate Harani yaazaala Loti.

Amainhama 13:11

Kale Loti yaalondagho okutwala ekiiko eky'e Yorudani kyonakyona, era yaaja e buvandhuba baayawukana batyo.

Amainhama 13:9

Ensi yoonayoona oli kugibona eri bwa agho. Kale leka twawukane. Iwe bw'olondagho okuja ku luuyi olw'omukono omugooda, nze ndidha kuja ku lw'omusaadha ate bw'olondagho okuja ku luuyi olw'omukono omusaadha, nze ndidha kuja ku lw'omugooda.”

Amainhama 14:2

baatanula olutalo ku bakyabazinga abandi bano: Bera ow'e Sodoma, Birisha ow'e Gomorra, Shinabi ow'e Adama, Shemeberi ow'e Zeboiimu, ni kyabazinga ow'e Bela ekyo nga ni Zoari.

Amainhama 14:8

Bakyabazinga bano: ow'e Sodoma, n'ow'e Gomorra, n'ow'e Adama, n'ow'e Zeboiimu, era n'ow'e Bela ekyo nga ni Zoari, baaja n'amagye gaibwe okulwana olutalo mu Kiiko eky'e Siddimu.

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Amainhama 47:6

ensi y'e Misiri eri agho. Bate aghasinga kuba ghalungi, babe mu kiketezo eky'e Gosheni. Era oba nga oidhi nga mu abo mulimu abali n'obusobozi, baghe okulabirira ebyayo byange.”

Amainhama 6:2

Abaana ab'omu igulu bwe baalinga bati ku baana abaghala abo ab'abantu, baabona nga balungi. Kale baababayiza nga bwebaayendanga.

1 Bakyabazinga 7:46

Kyabazinga yakola ebintu ebyo mu kyuma ekisaanuusiibwa, ere mu kiketezo eky'oku museetwe gwa Yorudani, aghali eitaka ery'eitosi, ghagati gh'ebibuga Sukkothi ni Zarethani.

Yobu 40:23

Omwiga bwegusiikuuka, tetya. Amaadhi ga Yorudani ni bwe gaidhula okutuuka ku munwa gwayo, eguma omwoyo.

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Isaia 15:5

Omwoyo guli kuunumira ensi Moabu. Abantu baayo balumukiire e Zoari ni mu Egulathi Shelishiya. Abandi baniinieniinie baaja e Luhithi nga bali kulira amaziga. N'abandi baagema engira ey'e Horonaimu, nga bali kuwowoola ebitaloodheka.

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Yeremia 48:34

“Abantu ab'e Heshiboni n'ab'e Eleale balikuba empungu dhaaja dhaatuukira irala n'e Yahazi. Abantu b'e Zoari, n'ab'e Horonaimu, n'ab'e Egulathi Shelishiya, baliwulira empungu edho. N'akaiga ak'e Nimurimu kalikala.

Ezekieli 16:46

“Mukulu wo bamweta Samaria, ng'ali ku luuyi lwo olw'omukono omugooda olw'e buvandhuba ghalala n'ebibuga bye. Ate muto wo bamweta Sodoma, ng'ali ku luuyi lwo olw'omukono omusaadha olw'e buvandhuba ghalala n'ebibuga bye.

Ezekieli 16:49

Bona eno, ekibi Sodoma kye yakola ghalala n'ebibuga bye, kyali kwekuluntaza olw'okuba n'emere enhingi, era nga buli kintu kibajiira bukalamu mu miraala, aye ni baloba okuyamba abaavu n'abali mu bwetaavu.

Ezekieli 28:13

Wabanga mu Edeni, enimiro ya Katonda. Ng'ovaala eby'okwewoomya ebyakolebwa mu mabaale ag'omughendo: sarudio, topazi, yasipera, kurisolito, berulo, onikisi, saffiro, karabunkule ni emeraludo. Era ng'oba n'ebyamadholobera ebya zaabu. Ebyo byonabyona byakolebwa ku lunaku lwe watonderwaku.

Ezekieli 31:8

Nga togugeza ku mivule gya mu nimiro ya Katonda, waire ensaga dhaagwo okudhigeza ku dh'emiti egindi emireeyiriri. Nga n'emiti emipulane gyona gizira nsaga dhaaga na dhaagwo. Mu nimiro ya Katonda timwalimu muti guboneka bulungi ng'ogwo.

Ezekieli 31:9

Nagukola gwaboneka bulungi olw'ensaga dhaagwo enhingi enzibirivu. Nga n'emiti egindi gyonagyona egy'omu Edeni, enimiro ya Katonda, gigwegomba.

Ezekieli 47:18

“Ku luuyi olw'e buvandhuba, ensalosalo eriva e Hazari Enoni, ekiri ghagati gh'e Haurani n'e Damasiko, yaaja ng'enonereza omwiga Yorudani ghagati gha Gileadi n'ensi Isiraeli. Agho yeeyongerayo ku Nhandha Eyomuunhu e buvandhuba, yaatuuka e Tamari.

Yoeli 2:3

Aghantu ghe dhiriire ebimera ghaba ng'oti muliro n'ogwokiikyagho. Emberi ye dhikaali kutuuka, ensi eba ng'oti n'enimiro ey'e Edeni, aye einhuma ye dhimaze okubita efuuka bifulukwa byereere omutaba bantu. Ghazira kintu waire ekirala kiti kye dhitazikiriza.

Amateeka Agokubiri 34:3

Era yaamwoleka n'ekiketezo ekikalukalu eky'oku luuyi olw'omukono omusaadha olw'e buvandhuba wa Yuda, n'eky'oku museetwe oguli mu kiiko eky'e Yeriko, ekibuga eky'emiti eminaazi, okutuuka e Zoari.