Amainhama 12:9 - Baibuli Ekibono kya Katonda 2014

⁹ Agho Aburamu yeeyongera okutambula ng'ayolekeire ekiketezo eky'e Kanaani ekikalukalu ekiri ku luuyi olw'omukono omusaadha olw'e buvandhuba.

Amainhama 12:9 ပူးပေါင်းရင်းမြစ်များ

Amainhama 13:1

Kale Aburamu yaava mu Misiri yaira mu kiketezo ky'e Kanaani ekikalukalu ekiri ku luuyi olw'omukono omusaadha olw'e buvandhuba, ni mukazi we, n'ebintu byonabyona bye yali nabyo, era ni Loti ng'ali naye.

Amainhama 13:3

Agho yeeyongera okutambula okuva mu kiketezo ky'e Kanaani ekyo ekikalukalu ekiri ku luuyi olw'omukono omusaadha olw'e buvandhuba, yatuuka e Betheli mu kifo ye yali asoose okuzimba weema ye, ghagati gha Betheli ni Ayi.

Amainhama 20:1

Aburahamu yaava e Mamure, yaaja ng'ayolekeire ekiketezo kya Buyudaaya ekikalukalu ku luuyi olw'omukono omusaadha olw'e buvandhuba, yaasenga ghagati gha Kadeshi ni Shuri yaamala entangama ng'ali mu Gerari.

Amainhama 20:13

Kale Katonda bweyantambuzatambuza eyo atyo okuva mu ndhu ya lata, naakoba Sara nti, ‘Oti bw'oidha okwolekanga nga bw'oli omwesigwa ye ndi: mu buli kifo mwe tunaatuukanga obakobanga oti nze ndi mwanhoko.’ ”

Amainhama 24:62

Isaaka yali aviire e Beeri Lahairoi, ng'aba mu kiketezo ky'e Kanaani ekikalukalu ku luuyi olw'omukono omusaadha olw'e buvandhuba.

Zabbuli 105:13

Baatambulatambula eyo batyo baava mu nsi eyindi kabiri baaja mu yindi, era baava mu bwakyabazinga obundi, baaja mu bundi.

Isaia 30:6

Buno n'obukwenda bwa Katonda obugema ku nsolo edh'omu kiketezo ekikalukalu eky'oku luuyi olw'omukono omusaadha olw'e buvandhuba: “Abakwenda ba Buyudaaya babita mu nsi eidhwire ebizibu ebitiisa, erimu empologoma n'emisota egy'obusagwa egya buli nsambo, nga n'omuli n'egyo egiguluka ng'oti nhonhi. Batwika eby'obukombe byaibwe ku ndogoyi ni ku mabbango g'engamiya, baabitwalira abantu abatasobola kubagasa naire.

Okubala 13:17

Agho musa yaabatuma okukeeta mu nsi Kanaani, ng'abakoba ati: “Muje mubitire mu kiketezo ekikalukalu eky'oku luuyi olw'omukono omusaadha olw'e buvandhuba, mungire mu kiketezo eky'ensozi.

Amateeka Agokubiri 1:7

Mpegaano mukole muje, mweyongere mu lugendo lwaimwe. Muje mu biketezo eby'oku nsozi eby'Abamori, ni mu biketezo byonabyona ebibiriiraine: mu kiiko kya Yorudani, ni mu biiko ebindi, ni mu nsozi, ni mu biketezo ebikalukalu eby'oku luuyi olw'omukono omusaadha olw'e buvandhuba, n'eby'oku Nhandha Eyaghagati. Muje mu nsi y'Abakanaani, ni mu nsozi edh'e Lebanoni, okutuukira irala ku mwiga omukologho Eufurate.