Amainhama 12:3 - Baibuli Ekibono kya Katonda 2014

³ “Abo abakusabira enkabi, nnaabaghanga enkabi, aye abo abakukolimira zeena ndidhanga kubakolimira. Era mu iwe amaghanga goonagoona mwe galigheerwa enkabi.”

Amainhama 12:3 ပူးပေါင်းရင်းမြစ်များ

Amainhama 18:18

kuba oyo n'aja okusimukamu eighanga eikologho ery'amaani, era mu oyo amaghanga goonagoona ag'omu nsi mwe galigheerwa enkabi.

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

Amainhama 22:18

Mu baidhukulu bo, amaghanga goonagoona ag'oku nsi mwe galigheerwa enkabi, kuba ogondeire ekiragiro kyange.”

Amainhama 24:35

Musengwa Katonda yagha musengwa wange Aburahamu enkabi edhitaloodheka, yaamufuula mukombe inho. Yamugha ebyayo kamaala: ente, embuzi n'entaama. Era yaamugha feeza ni zaabu, n'abairu abasaadha n'abakazi, n'engamiya era n'endogoyi.

Amainhama 25:11

Aburahamu bweyamala okufa, Katonda yaagha Isaaka enkabi. Isaaka yaabanga kumpi ni Beerilahairoi.

Amainhama 26:29

tuti iwe tootukolengaku kabi, nga ife twena bwe tutaakukolaku kabi. Twakukolera bikalamu byereere, era twakuleka waaja miraala. Mpegaano Musengwa Katonda niiwe y'aghaire enkabi.”

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

Amainhama 27:29

Abantu aba buli nsambo bakugheerezenga, n'amaghanga kamaala gakukubirenga amakiryaivu! Ofugenga baganda bo, era abaana ba inhoko bakukubirenga amakiryaivu! Kiisi akukolimira akolimirwenga, era kiisi akusabira enkabi, yeena agheebwenga enkabi!”

Amainhama 28:14

Baidhukulu bo baliba bangi ng'oti nkungu ey'oku nsi. Balibuna mu nsonda dhoonadhoona edh'ensi. Era mu iwe, ni mu baidhukulu bo, amaghanga goonagoona mwe galigheerwa enkabi.

Amainhama 30:27

Labani yaamukoba ati: “Nganha nkukobere nti naja naalagulwa, bankobera bati Musengwa Katonda yampa enkabi olwa iwe.

Amainhama 30:30

Kuba wali na bitono nga nkaali kwidha, aye mpegaano byeyongeire inho, era Musengwa Katonda yakugha enkabi ku lwange. Aye olwo mpegaano nze ndifuna li zeena eby'amaka agange.”

Amainhama 39:5

Okuva ku olwo, Musengwa Katonda yaagha enkabi amaka g'Omumisiri oyo n'ebibye byonabyona, bye yali nabyo mu ndhu ye ni mu nimiro. Musengwa yakola kino ku lwa Yosefu.

Zabbuli 72:17

Eriina lya kyabazinga liidhukirwenga ebyanda n'ebyanda. Obumanhifu bwe busigalegho ng'oti ndhuba. Abantu abamaghanga goonagoona bamwetenga wa nkabi, era basabenga Katonda okubafuula ab'enkabi oti ni kyabazinga oyo.

Okuvaayo 23:22

“Aye bwe mwisaayo einho omwoyo okugondera by'akoba era ni mukola byonabyona bye mbalagira, ndidha kubanga muzigu wa bazigu baimwe era ndidha kulumbanga abo ababalumba.

Okubala 24:9

Babwama era baalambaala ng'oti mpologoma. Naani akana okubasitusa? Kiisi asabira Abaisiraeli abo enkabi, yeena agheebwenga enkabi. Kiisi abakolimira, yeena akolimirwenga.”

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Matayo 25:45

“Agho alibairamu ati, ‘Bwenebwene ka mbakobere buli lwe mutaalaadha omulala ku bato bano timwalaadha nze.’

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Ab'e Roma 4:11

Olumaliira yakeketebwa, okukeketebwa kwe kaaba akamanhiso akakakasa obutuukirivu, bwe yagheebwa olw'okwikiriza kwe, ng'akaali kukeketebwa memale yaaba dhaadha w'abo boonaboona abaikiriza Katonda, ababalibwa okuba abatuukirivu ni bwe baba nga ti bakekete.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

Ab'e Galatia 3:16

Ebisuubizo byasuubizibwa Aburahamu ni mwidhukulu we. Ebyaghandiikibwa tibikoba “baidhukulu” ekitegeeza abantu abangi, aye “mwidhukulu” ekitegeeza omuntu omulala yenka era nga ni Kurisito.

Ab'e Galatia 3:28

Mperaano ghazira ati ono Muyudaaya ate ole Mugureki, ono mwiru ate ole yeetaaya, oba ati ono musaadha ate ole mukazi kuba mwenamwena mwafuuka muntu mulala mu Kurisito Yesu.

Ab'e Galatia 3:8

Era ebyaghandiikibwa byakirengera nga Katonda aligha abamaghanga agandi obutuukirivu olw'okwikiriza, kye byava ni birangirira eri Aburahamu Amawulire Amalungi nga n'ebiseera bikaali ghala biti: “Mu iwe amaghanga goonagoona mwe galigheerwa omukisa.”

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Ab'e Kolosai 3:11

Olwo ghabe nga tighakaali kuboola oti ono Mugureki, ono Muyudaaya, ono mukekete, ate ono ti mukekete, ono wa ighanga lindi, ono ti mugundhufu, ono mwiru, ate ono ti mwiru. Kurisito n'ali byonabyona era n'ali mu byonabyona.

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.