Amainhama 12:2 - Baibuli Ekibono kya Katonda 2014

² Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 12:2 ပူးပေါင်းရင်းမြစ်များ

Amainhama 13:16

Ndidha kufuula baidhukulu bo okuba abangi ng'oti nkungu mu nsi kibe nti ole bw'alisobola okubala enkungu mu nsi, olwo ni baidhukulu bo boona baliba basobola okubalwa.

Amainhama 15:5

Yaamufulumya kuliya, yaakoba ati: “Lingirira ku igulu, obale emuunienie edhiriku, oba nga osobola okudhibala.” Agho yaamukoba ati: “N'abaidhukulu bo batyo bwe baliba obungi.”

Amainhama 17:20

Era Ishimaeli yeena ndidha kumugha by'osabye: ndidha kumugha enkabi azaale abaana kamaala, era afune n'abaidhukulu kamaala. Aidha kuzaala abalangira ikumi na babiri, era ndidha kumufuulamu eighanga ery'amaani.

Amainhama 18:18

kuba oyo n'aja okusimukamu eighanga eikologho ery'amaani, era mu oyo amaghanga goonagoona ag'omu nsi mwe galigheerwa enkabi.

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

Amainhama 19:29

Kale ni kyaba nti Katonda bweyali ng'azikiriza ebibuga eby'omu kiiko tiyeerabira Aburahamu, kyeyava n'awonia Loti akabi okumutuukaku, yaamuleka yaavaamu.

Amainhama 24:1

Mpegaano, Aburahamu yali ng'akairiighe obukalamu bwene, era Musengwa Katonda ng'amughaire enkabi mu byonabyona.

Amainhama 24:35

Musengwa Katonda yagha musengwa wange Aburahamu enkabi edhitaloodheka, yaamufuula mukombe inho. Yamugha ebyayo kamaala: ente, embuzi n'entaama. Era yaamugha feeza ni zaabu, n'abairu abasaadha n'abakazi, n'engamiya era n'endogoyi.

Amainhama 25:11

Aburahamu bweyamala okufa, Katonda yaagha Isaaka enkabi. Isaaka yaabanga kumpi ni Beerilahairoi.

Amainhama 26:3

Senga mu nsi eno, ndidha kubanga n'iwe era nkughenga enkabi. Ndidha kukugha iwe ni baidhukulu bo, ebiketezo eby'ensi bino byonabyona, era ntuukirize ekirayiro kye nalayirira lata wo Aburahamu.

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

Amainhama 27:29

Abantu aba buli nsambo bakugheerezenga, n'amaghanga kamaala gakukubirenga amakiryaivu! Ofugenga baganda bo, era abaana ba inhoko bakukubirenga amakiryaivu! Kiisi akukolimira akolimirwenga, era kiisi akusabira enkabi, yeena agheebwenga enkabi!”

Amainhama 28:14

Baidhukulu bo baliba bangi ng'oti nkungu ey'oku nsi. Balibuna mu nsonda dhoonadhoona edh'ensi. Era mu iwe, ni mu baidhukulu bo, amaghanga goonagoona mwe galigheerwa enkabi.

Amainhama 35:11

Era yaamukoba ati: “Ninze Katonda Aghanga ebintu byonabyona. Zaala abaana kamaala, mweyongere obungi amaghanga kamaala galisimuka mu iwe, era oliba dhaadha wa bakyabazinga.

Amainhama 46:3

Katonda yaakoba ati: “Ninze Katonda, Katonda oyo owa lata wo. Otatya kuja mu Misiri, kuba baidhukulu bo ndibafuulira eyo eighanga ery'amaani.

2 Samueli 7:9

Naabanga ghalala niiwe buli ye wajanga, naasaaniangagho abazigu bo ng'oli kumpi okutuukayo. Era ndidha kukufuula mukologho obe ng'oti n'abantu abakologho ab'oku nsi.

1 Bakyabazinga 1:47

Ate ekindi, abakungu ba kyabazinga baidhie okweisuusa musengwa waife kyabazinga Daudi, baakoba bati, ‘Tweghemba Katonda wo afuule Solomoni okuba omumanhifu okusinga iwe bw'obaire, era afuule obwakyabazinga bwa Solomoni oyo bube bukologho inho okusinga obubwo bwe bubaire.’ Agho kyabazinga Daudi yeebaliza ku buliri bwe,

Yobu 35:8

Obubi bwo busobola kulumya muntu buntu ng'oti niiwe, n'ebirungi by'okola muntu ye biganhula.

Zabbuli 107:38

Abagha enkabi baazaala abaana kamaala, n'ebyayo byaibwe byaloba kukendeera naire.

Okuvaayo 1:7

Aye Abaisiraeli abo, abaana be baaleka baazaalagana inho era baaba ba maani agataloodheka, kumpi baidhuza Misiri yoonayoona.

Okuvaayo 32:10

Kale, iwe ndeka obusungu bwange bubaakireku ng'oti muliro mbamalegho. Aye iwe tiidha kukuzikiriza ndidha kukufuulamu eighanga ery'amaani.”

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Ezekieli 34:26

“Ndibagha enkabi, era baabanga mu kiketezo ekyezungulwire olusozi lwange. Naabaleeteranga amaadhi amalungi okugwa mu biseera byago mwe bageetaagira.

Mika 7:20

Oidha kutwoleka obwesigwa bwo n'okugonza kwo okutakoma, ife abantu bo baidhukulu ba Aburahamu era aba Yakobo, nga bwe wasuubiza badhaadha baife eira einho.

Zekaria 8:13

Imwe ab'omu Buyudaaya n'ab'omu Isiraeli, mwali mufuuse ekibono abamaghanga agandi kye baakozesanga okukolima. Aye buti ndidha kubanunula, olwo bakozesenga eriina lyaimwe okusabiranga abantu enkabi. Kale mutatya naire, mugume bugume.”

Okubala 14:12

Ndidha kubasindikira obulwaire obubi mbazikirize, iwe nkufuulemu eighanga einene era ery'amaani okusinga beene.”

Okubala 22:12

Aye Katonda yaakoba Balaamu ati: “Otaja nabo, era otakolimira bantu Baisiraeli bale, kuba bali n'enkabi.”

Okubala 23:20

Bona eno, Katonda yandagira okusabira abantu enkabi. Kale Katonda bw'agha enkabi, nze ekyo ti kikyusaamu naire.

Ab'e Roma 4:11

Olumaliira yakeketebwa, okukeketebwa kwe kaaba akamanhiso akakakasa obutuukirivu, bwe yagheebwa olw'okwikiriza kwe, ng'akaali kukeketebwa memale yaaba dhaadha w'abo boonaboona abaikiriza Katonda, ababalibwa okuba abatuukirivu ni bwe baba nga ti bakekete.

Ab'e Galatia 3:14

Kurisito yakola atyo, olw'omukisa Katonda gwe yasuubiza Aburahamu gugheebwe n'abamaghanga agandi mu Kurisito Yesu, era olw'okwikiriza tusobole okufuna Mwoyo Katonda ye yasuubiza.

Ab'e Galatia 3:7

Kale agho mubona ng'abali n'okwikiriza ni baidhukulu ba Aburahamu beene.

Amateeka Agokubiri 26:5

“Olwo aidha kwogeranga ebibono bino mu maiso ga Musengwa Katonda wo, oti, Dhaadha wange yali Muaramea ng'atambulatambula eyo atyo. Yaja e Misiri yaaba eyo n'ab'omu maka ge abataali bangi naire. Aye bwe baatuuka eyo baayala, baafuuka eighanga eikologho ery'amaani.