Amainhama 12:10 - Baibuli Ekibono kya Katonda 2014

¹⁰ Agho endhala yaagwa mu Kanaani, Aburamu yaaja mu Misiri yaasenga eyo okumala entangama, kuba endhala yali egwire ya maani.

Amainhama 12:10 ပူးပေါင်းရင်းမြစ်များ

Amainhama 41:56

Endhala yeeyongera okuluma einho, era yaabuna woonawoona mu nsi ey'e Misiri. Yosefu yaigulagho amaterekero goonagoona, yaaguza Abamisiri engaano.

Amainhama 41:57

Abantu baavanga mu nsi edhindi dhoonadhoona, baaja mu Misiri eri Yosefu okugula engaano, kuba endhala yali ya maani inho woonawoona.

Amainhama 42:5

Agho batabane ba Isiraeli baidha ghalala n'abantu abandi okugula engaano, kuba endhala yali egwire mu nsi ey'e Kanaani.

Amainhama 43:1

Endhala yeeyongera inho okuluma abantu mu nsi ey'e Kanaani.

Amainhama 47:13

Endhala yeeyongera okuluma einho, emere yaabula mu nsi yoonayoona. Abantu ab'omu Misiri n'ab'omu Kanaani baagoogomba olw'endhala.

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

2 Bakyabazinga 4:38

Agho Elisha yaira e Giligali ng'endhala egwire. Ab'omu kikunsu eky'abalanzi bwe baali batyaime mu maiso ge, yaakoba omugheereza we ati: “Taaku entamu enene ofumbire abalanzi abo eby'okulya.”

2 Bakyabazinga 6:25

Okuzingiza okwo kwaleeta endhala ey'amaani mu kibuga, omutwe gw'endogoyi gwatuuka okugula ebitundu ekinaana ebya feeza, n'akatundu akalala ku buli butundu obuna obwa saabira w'enjiibwa kaagula ebitundu bitaanu ebya feeza.

Zabbuli 105:13

Baatambulatambula eyo batyo baava mu nsi eyindi kabiri baaja mu yindi, era baava mu bwakyabazinga obundi, baaja mu bundi.

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Zabbuli 34:19

Ebizibu ebigwa ku batuufu biri kamaala, aye Musengwa Katonda abawonia yaatoolagho ebizibu byaibwe byonabyona.

Yeremia 14:1

Bino Musengwa Katonda bye yakobera Yeremia nga bigema ku ndoboozi, ati:

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Ebikolwa by'Abatume 7:11

Ghaagwagho endhala n'okudaagadaaga einho mu Misiri mwonamwona ni mu Kanaani, badhaadha baife baabulwa emere ye balya.

Ruthi 1:1

Eira einho, ensi Isiraeli ng'efugibwa balamuzi, endhala yagwa mu nsi eyo Isiraeli. Ghaabaagho omusaadha ow'e Bethelehemu eky'omu Buyudaaya, yaalumuka mu nsi eyo Isiraeli yaaja yaasenga mu nsi Moabu. Yaja ni mukazi we ni batabane baibwe babiri.