Amainhama 11:4 - Baibuli Ekibono kya Katonda 2014

⁴ Agho baakoba bati: “Ka twezimbire ekibuga, twezimbire n'omunaala ogutuuka ku igulu tumanhikane, memale tulobe kusansaanizibwa mu nsi.”

Amainhama 11:4 ပူးပေါင်းရင်းမြစ်များ

Amainhama 6:4

Mu biseera ebyo ni mu biseera ebyairirira, abaana ab'omu igulu baazaalanga abaana mu baana abaghala ab'abantu abaana abo n'abaafuuka abantu ab'amaani, abawaigufu era abakanu, abaayetebwanga Nefilimu, abaamanhikana einho mu biseera ebyabita.

2 Samueli 8:13

Daudi yeeyongera okwekolera eriina, bwe yaira ng'aise Abaedomu omutwalo mulala na kanaana (18,000) mu Kiiko ekyetebwa eky'Omuunhu.

Zabbuli 107:26

Empewo yaabbeedera amaato mu ibbanga, ate gaamala gaika ghansi ku ntobo y'enhandha, agho emyoyo gyabagwa mu bigere.

Zabbuli 92:9

Wo Musengwa Katonda, ife twidhi ng'abazigu bo baja kuzikirira, abakozi b'ebibi boonaboona baja kusasika.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Yeremia 51:53

Abababilonia ni bwebaniina ku igulu, ni bazimba okwo ekifo eky'okwewogomamu, era ndisindikayo abo abazikiriza, baaja baakizikiriza. Nze Musengwa Katonda, ninze nkobye.”

Danieli 4:11

Omuti ogwo gwakula gwaba gwa maani, era gwaleegha gwatuuka ku igulu, ng'abantu basobola okugubona ye bali yoonayoona ku nsi.

Danieli 4:22

“Isebantu kyabazinga, niiwe omuti ogwo. Wakula era waaba wa maani, ekitiibwa kyo kyeyongera kyatuuka ku igulu, n'obufuzi bwo bwatuuka ensi y'ekanga.

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Luka 1:51

Akoze eby'amaani n'omukono gwe, abeekuza mu birowoozo byaibwe yabasansaania.

Yoanne 5:44

Memale katyo mughanga mutya okwikiriza, imwe abagonza okusaakagana ni mutanoonia kusaakibwa oyo Katonda yenka?

Amateeka Agokubiri 1:28

Kifo ki kye tuli kujaamu ekyo? Banaife be twatumye yo, batumazeemu amaani nga bakoba bati abantu abaliyo bakologho era baleeyiriri okutusinga. Ebibuga byayo bikologho era byezungulwirwa ebimante ebigumu ebituuka ku igulu. Era bati baabonayo n'abantu Abanaki!’”

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.

Amateeka Agokubiri 9:1

“Imwe Abaisiraeli muwulire: Olwaleero muja kusomoka omwiga Yorudani, mwingire mutwale ensi ey'amaghanga agasinga eryaimwe obukologho n'amaani. Ebibuga byago bikologho, era byezungulwirwa ebimante ebigumu ebituuka ku igulu.