Amainhama 10:5 - Baibuli Ekibono kya Katonda 2014

⁵ Mu abo n'omwasimuka abantu abali kumpi n'enhandha era ni ku bizinga. Abantu abo, n'abaidhukulu ba Yafethi, nga bali mu bika byaibwe, mu biketezo byaibwe, era nga buli kikunsu kyogera olulimi olwakyo.

Amainhama 10:5 ပူးပေါင်းရင်းမြစ်များ

Amainhama 10:20

Abantu abo, n'abaidhukulu ba Hamu, nga bali mu bika byaibwe, mu biketezo byaibwe, era nga buli kikunsu kyogera olulimi olwakyo.

Amainhama 10:25

Eberi yaazaala abaana babiri: owundi nga ni Pelegi, kuba mu biseera bye yabeeragho abantu beeyawulayawulamu; ate muganda we nga ni Yokutani.

Amainhama 10:32

Ebyo n'ebika eby'abaana ba Noa, ng'okuzaalibwa kwaibwe bwe kwali, era ng'amaghanga gaibwe bwe gaali. Era mu maghanga ago n'omwasimuka abantu abaasansaanira mu nsi edhindi, ng'omwidhuzo gumaze okubaagho.

Amainhama 10:4

Abaana ba Yavani ni bano: Elisha, Tarushishi, Kittimu ni Dodanimu.

Amainhama 10:6

Abaana ba Hamu ni bano: Kushi, Misiraimu, Puti ni Kanaani.

Amainhama 9:19

Abo bonsatuli Noa n'eyabazaala era mu abo n'omwava abantu abaidhula ensi yoonayoona.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 24:15

Abo abaliba ku luuyi olw'e buvandhuba boona balimusaaka; n'abo abaliba mu biketezo eby'oku nhandha baamusaaka, oyo Musengwa Katonda, Katonda wa Isiraeli.

Isaia 40:15

Bona eno, Musengwa Katonda abona amaghanga goonagoona nga gaziramu muzindo, ng'oti n'eitondo obutondo ery'amaadhi. Era abona ebizinga nga biwewufu ng'oti nkungu bukungu.

Isaia 41:5

Abantu b'omu biketezo eby'oku nhandha baabona bye nakola baatya, n'ab'omu nsi edh'eghala boona baabibona baadhugumira; kale ni, n'okwesoloza ni baidha.

Isaia 42:10

Mwembere Musengwa Katonda olwembo oluyaaka. Ensi yoonayoona leka emusaake! Enhandha leka ewolome n'ebirimu byonabyona olw'eisanhu N'ebiketezo eby'oku nhandha leka byembe n'ababibaaku boonaboona.

Isaia 42:4

Taliwaamu maani waire okuwaamu eisuubi. Alireetagho okukolanga eby'amazima mu nsi ebigwaniire. N'ebiketezo eby'oku nhandha biri eyo biteegereire amateeka ge.”

Isaia 49:1

Imwe ebiketezo eby'oku nhandha muwulirise kye nkoba, imwe amaghanga agali eyo e ghala mumpulirise. Musengwa Katonda yandheta nga nkaali na kuzaalibwa, yaanonda nga nkaali na mu nda ya maama, mbe mugheereza we.

Isaia 51:5

Ndija mangu naabawonia, era ekiseera kyange eky'okulokola kiri kumpi. Mwene nze ninze ndifuga amaghanga. Era ensi edh'eghala dhinteegereire nga dhisuubirira mu nze okudhirokola.

Isaia 59:18

Alibonereza abazigu be ng'ajiira ku bye baakola, ng'atwaliiremu n'abo ababa mu biketezo eby'eghala.

Isaia 60:9

Ago n'amaato agava mu nsi edh'eghala, nga gakulembeirwamu amaato ag'e Tarushishi, agali kuleeta abantu ba Musengwa Katonda okuva eyo eghala. Abantu abo baleese feeza waibwe ni zaabu waibwe, okugha ekitiisa Musengwa Katonda Omutukuvu wa Isiraeli, kuba ataire ekinhagansi mu bantu be.

Yeremia 2:10

Ale musomoke enhandha muje ku kizinga ky'e Kupuro, oba mutume omuntu e Kedari anoonereze n'obwegendereza, memale mubone oba nga ekintu ng'oti ni kino kibangaghooku!

Yeremia 25:22

bakyabazinga boonaboona ab'e Tiro n'ab'e Sidoni, ni bakyabazinga ab'ebiketezo eby'oku nhandha

Ezekieli 26:15

Musengwa Katonda era akoba ekibuga Tiro, ati: “Abantu ab'omu biketezo eby'oku nhandha bwe baliwulira okubwatuka kwo ng'oli kugwa, n'okuwowoola kw'abo abafumitiibwa mu iwe mu kutirimbula, balitya inho baadhugumira.

Ezekieli 26:18

Mperaano ebizinga biri kudhugumira ku lunaku lw'ogwiriireku. Bwenebwene ebizinga byonabyona ebiri mu nhandha byeraliikirivu okubona okuzikirira kwo.”

Danieli 11:18

Ebyo nga biwoire, alija yaalumba ebiketezo eby'oku nhandha era yaaghangula bingi ku byo. Aye ghalibaagho omuntu aliidha n'aduumira eigye, n'aghangula kyabazinga wa Siria oyo okumulekeza okwekuluntaza kwe. Era alimwesasuulizaaku olw'okwekuluntaza kwe okwo.

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Amateeka Agokubiri 32:8

Oyo Ali Ghaigulu Yeene yagabira amaghanga obutaka bwago, bwe yayawulamu abantu. Yaabateeragho ensalosalo ng'ajiira ku mughendo gw'abaana ba Katonda.