Amainhama 10:10 - Baibuli Ekibono kya Katonda 2014

¹⁰ Mu kusooka obwakyabazinga bwe bwalimu ebibuga bino: Babeli, Ereki ni Akkadi nga byonsatuli biri mu kiketezo eky'e Shinari.

Amainhama 10:10 ပူးပေါင်းရင်းမြစ်များ

Amainhama 10:9

Yali muyiizi wa maani ku lw'obuyinza bwa Musengwa Katonda, era okwo n'okwava endhogera eti: “Ng'oti ni Nimurodi omuyiizi ow'amaani ku lw'obuyinza bwa Musengwa Katonda.”

Amainhama 11:2

Aye abantu bwe baaja nga batambulatambula eyo batyo mu buvandhuba, baayagaana aghataamuufu baasenga agho.

Amainhama 11:9

Ekibuga kyatuumibwa eriina Babeli, kuba eyo Musengwa Katonda ye yatabuliratabulira olulimi olw'ensi yoonayoona. Era eyo ye yatoolera abantu, n'abasansaaniza mu nsi yoonayoona.

Amainhama 14:1

Bakyabazinga bano: Amurafeli ow'e Shinari, Arioki ow'Ellasari, Kedorilaomeri ow'Elamu, ni Tidali ow'e Goiimu

Isaia 10:9

Naghangula ekibuga Kalino ng'oti ni bwe naghangula ekibuga Karikemishi, naaghangula ni Hamathi ng'oti ni bwe naghangula Arupadi, era naaghangula ni Samaria ng'oti ni bwe naghangula Damasiko.

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 39:1

Mu biseera ebyo, kyabazinga w'e Babilonia ng'ayetebwa Merodaki Baladani, mutabane wa Baladani, yaawulira nga Hezekia bwe yali alwaire era nga bwe yamala n'awona. Agho yaamughandiikira embaluwa, yaagigha abakwenda baagitwala, baatwaliraku n'ekirabo.

Yeremia 21:2

“Nkweghembye twogerereyo eri Musengwa Katonda, kuba kyabazinga Nebukadinezzari ow'e Babilonia atulumbye n'eigye lye okutulwanisa. Oba katyo Musengwa Katonda anaatukolera ekyewuunhisa, yaamwiririzaayo.”

Yeremia 50:1

Buno n'obukwenda Musengwa Katonda bwe yampa obugema ku kibuga Babiloni n'abantu baamu:

Yeremia 50:21

Musengwa Katonda akoba abazigu ati: “Muje mulumbe abantu ab'e Merathaimu n'ab'e Pekoda, mu baite mubazikirize. Mukole byonabyona bye mbalagiire. Nze Musengwa Katonda, ninze nkobye.

Ezekieli 27:23

Ab'e Harani, n'ab'e Kanne, n'ab'e Edeni, n'ab'e Sheba, n'ab'e Assihuri, n'ab'e Kilimadi, boonaboona baasuubulagana n'iwe.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.

Amosi 6:2

Muje mukyalireku ekibuga Kalune. Era mukyalireku ni Hamathi ekikologho, era mutuukeku ni mu ky'e Gathi eky'abafilisiti. Ebibuga ebyo n'ebisinga obwakyabazinga bwa Isiraeli n'obwa Yuda mu bulungi n'obugazi?

Mika 4:10

Abantu ab'omu Yerusalemu, mwegalangule era musinde ng'oti n'omukazi ali kulumwa okuzaala. Kuba mutuuse okutoolebwa mu kibuga kyaimwe muje nga musula eyo mutyo mu nsiko, mutwalibwe e Babiloni. Aye nga muli eyo, Musengwa Katonda aja kubanunula abatoole mu ngalo edh'abazigu baimwe.

Mika 5:6

Abo, nga bakozesa eby'okulwanisa byaibwe, baja kughangula ekiketezo ekyo Assiria, ensi ya Nimurodi, batuwonie Abassiria bwe baliba batabaire nsi yaife.

Zekaria 5:11

Yandhiramu ati: “Bali kukitwala Babilonia, ye baja okukizimbira eisabo. Bwe balimala okulizimba, balita ekiibo ekyo mu isabo eryo baakisinza.”