Amainhama 1:26 - Baibuli Ekibono kya Katonda 2014

²⁶ Agho Katonda yaakoba ati: “Tukole abantu mu mboneka yaife nga bafaanana ng'oti niife, bafugenga ebyenhandha, n'enhonhi, n'ensolo enfuge n'edh'omu nsiko, era na kiisi kyeghaluliza ku itaka.”

Amainhama 1:26 ပူးပေါင်းရင်းမြစ်များ

Amainhama 11:7

Ka twike ghansi tutabuletabule olulimi lwaibwe, buli mulala alobe kutegeera wundi ky'akoba.”

Amainhama 2:19

Agho yaawumba mu itaka ensolo dhoonadhoona era n'enhonhi dhoonadhoona yaabireeta eri omuntu abone bw'anaabyetanga. Era omuntu kye yayetanga buli kiramu ekyatondebwa, n'eryafuuka eriina lyakyo.

Amainhama 3:22

Agho Musengwa Katonda yaakoba ati: “Bona, omuntu afuuse ng'oti niife, okumanhanga obulungi n'obubi. Tutamuganha kunoga kibala ku muti ogw'obulamu, na kukirya, n'aghangaala byanda na byanda.”

Amainhama 5:1

Kino n'ekitabo eky'abaidhukulu ba Adamu nga bwebairaganwaku: Katonda bweyatonda omuntu, yamukola mu mboneka ye yeene.

Amainhama 9:6

Omuntu yakolebwa mu mboneka ya Katonda: Kale ole bw'anaitanga omuntu, yeena aidhanga kwitibwa.

Yobu 35:10

Aye ghazira akobaku ati, ‘Katonda ali luuyi gha eyantonda, asobozesa abantu okwemba ni bwe baba nga bali mu kiseera ekizibu;

Yobu 39:11

Onaagyesiga olw'amaani gaayo amangi, waagirekera omulimo gw'enaakukolera?

Yobu 5:23

kuba mu nimiro yo timuubengamu mabaale, n'ensolo edh'omu nsiko tidhiikulumbenga.

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Omulangirizi 7:29

Era bona n'ekindi kye nazuula: Katonda yakola abantu nga balungi, aye beene baaja nga beeyonoona.

Olwembo 1:11

Twidha kukukolerayo n'ebyamadholobera ebya zaabu, tubidholigedholige ni feeza.

Isaia 45:18

Musengwa Katonda yatonda eigulu, era oyo ni Katonda. Yaawumba ensi yaagikola, yaagitaagho yaaba ngumu begulugulu. Tiyagitondera kubaagho nga ntabangufutabangufu, yagitaagho nga ya kubangamu bantu. Era akoba ati: “Ninze Musengwa Katonda zenka, ezirayo Katonda wundi naire.

Isaia 6:8

Agho naawulira amamiro ga Musengwa Katonda ng'akoba ati: “Naani ye nnaatuma? Naani anaaba omukwenda waife?” Naakoba nti: “Nze ndi ghano, tuma nze.”

Isaia 64:8

Wo Musengwa Katonda, aye iwe niiwe Iseife. Ife tuli ng'eitosi eriwumba, ate iwe waaba ng'omuwumbi. Twenatwena niiwe watukola n'engalo dho.

Yeremia 27:6

Era mperaano ninze mpaire omugheereza wange, kyabazinga Nebukadinezzari ow'e Babilonia, okufuga amaghanga gano goonagoona. Era naamugha n'ensolo edh'omu nsiko dhoona dhimugheereze.

Yoanne 14:23

Yesu yaamwiramu ati: “Oyo angonza agema ekibono kyange, oyo Lata wange alimugonza era Lata, ninze tulija y'ali twasiisira eyo.

Yoanne 5:17

Aye Yesu yaabakoba ati: “Lata wange akaakola, era zeena nkola.”

Ebikolwa by'Abatume 17:20

kuba ghaligho by'oli kwogeraku bye tutawulirangaku, kale twenda tubitegeere.”

Ebikolwa by'Abatume 17:26

Mu muntu omulala Katonda ye yatonda, n'omwava amaghanga goonagoona ag'abantu agabunia ensi. Yasooka okubateeragho ebiseera ebigere, n'ensalo edh'ebifo mwe banaabanga.

1 Ab'e Korintho 11:7

Omusaadha tikimwetaagisa kweghemba ku mutwe, kuba omusaadha n'ekifaananie era n'ekitiisa kya Katonda, aye omukazi n'ekitiisa ky'omusaadha.

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

Ab'Efeso 4:24

Mufuuke bantu bayaaka, abaatondebwa mu kifaananie kya Katonda mu bwesimbu ni mu butukuvu obw'amazima.

Ab'e Kolosai 1:15

Kurisito ye tuboneramu Katonda ataboneka, omwana omuberi akulira ebitonde byonabyona.

Ab'e Kolosai 3:10

Mwaira mu bulamu obuyaaka. Buno buja nga bwizibwa buyaaka omutonzi, mughange okumumanhira irala.

Yakobo 3:7

Kiisi kika kya nsolo, na nhonhi, n'ebyekulula, n'eby'omu nhandha, bighanga okufugibwa omuntu era byamala okufugibwa ira,

Yakobo 3:9

Lwe tukozesa okusaaka Musengwa era Lata, ate era lwe tukozesa okufuugha abantu beene abaakolebwa mu kifaananie kya Katonda.

1 Yoanne 5:7

Abadhulizi bali basatu: