16 Katonda yaakola ebyaka ebikologho bibiri ekyaka einho nga kya kufuganga musana, ate ekyaka akatono nga kya kufuganga bwire. Era yaakola n'emuunienie.
era byakirenga ku igulu okumuliikirira ensi.” Era kyaba kityo.
Tisinzangaku ndhuba na kwaka kwayo, oba okusinza omwezi n'okumesunkana kwagwo.
Nga buli kukya ku lunaku olwo, emuunienie edh'oku nkyo dhaayembera ghalala, n'ab'omu igulu baakuba emizira.
Iwe endhuba n'iwe omwezi mumusaake, mumusaake imwe emuunienie edhaaka mwenamwena.
Ebintu byonabyona ka bisaake eriina lya Musengwa Katonda, kuba yalagira bulagire byatondebwa.
Esituka ku luuyi olundi olw'eigulu, yaasenvula olugendo lwayo okulutuusa ku luuyi lundi. Ghazira kintu kisobola kwegisa ku kwokya kwayo.
Omusana n'obwire byombi bibyo; niiwe owataagho endhuba n'omwezi mu bifo byabyo.
Bweningirira eigulu lye wakola n'engalo dho, ni mbona omwezi ni muunienie bye wataagho,
Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.
Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.
Mulinge ghaigulu mubone! Naani eyatonda ebyo ebiri ku igulu? Ni Katonda omulala oyo abiduumira ng'oti igye, n'ayeta buli kirala eriina lyakyo. Era nga bw'ali omukologho ow'amaani agataloodheka, ghaziragho waire ekirala kiti ku ebyo ekitabaagho ng'ayese.
Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.
Musengwa Katonda yataagho endhuba emuliikirirenga omusana. Era yaataagho omwezi n'emuunienie byakenga obwire. Era mwene oyo n'asiikuula enhandha n'agireetera okuwolomboka nga yeekuluumulula. Eriina lye ni Musengwa Katonda Afuga Amagye.
Endhuba n'omwezi byayemerera, olw'obutangaavu obwavanga mu bulaso bwo nga buziinhuuka, n'olw'okumesunkana okw'eifumo lyo erimyansa.
“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.
Mperaano, okuva ku saawa eyomukaaga enzikiiza yaagema ensi yoonayoona okutuuka ku saawa eyomwenda.
Ekitiisa eky'endhuba kindi, n'eky'omwezi kindi, era n'eky'emuunienie kindi, ate emuunienie dhaawukana mu kitiisa.
“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.
Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.