Amainhama 1:11 - Baibuli Ekibono kya Katonda 2014

¹¹ Agho Katonda yaakoba ati: “Ensi eidheku ebimera ebya buli nsambo: ebyo ebitaaku ensigo, n'emiti egitaaku ebibala omuli ensigo dhaagyo.” Era kyaba kityo.

Amainhama 1:11 ပူးပေါင်းရင်းမြစ်များ

Amainhama 1:12

Ensi yaidhaku ebimera ebya buli nsambo ebyo ebitaaku ensigo, n'emiti egitaaku ebibala omuli ensigo dhaagyo. Katonda yaakibona nga kikalamu.

Amainhama 1:29

Katonda yaakoba ati: “Bona eno, mbaghaire kiisi kisimbe ekitaaku ensigo ekiri ku nsi, na kiisi muti ogutaaku ebibala omuli ensigo. Eyo n'enaabanga emere yaimwe.

Amainhama 2:16

Yaamukoba ati: “Oli wa idembe okulya ekibala kyonakyona ekya kiisi muti oguli mu nimiro.

Amainhama 2:5

ku nsi tikwaliku kimera kyonakyona waire ekirala, era nga ghazira na isubi eryali limezeeku. Kuba Musengwa Katonda yali akaali kugwisa maadhi ku nsi, era nga ghazira muntu alima ku nsi.

Amainhama 2:9

Musengwa Katonda yaameza mu nsi kiisi muti ogusanhusa okubona era omulungi okulyaku ebibala. Ghagati mu nimiro nga ghaligho omuti ogw'obulamu era ogw'okumanha obulungi n'obubi.

Yobu 28:5

Emere erimwa ku nsi. Aye ghansi gh'ensi eyo, ebintu byetabula ng'oti n'aghali omuliro.

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 147:8

Aghemba ku igulu ebire, yaasindika amaadhi agagwa ku nsi era yaameza eisubi ku nsozi.

Isaia 61:11

Bwenebwene ng'eitaka bwe limeza ebimera, era ng'enimiro bw'ekuza bye bagisimbyemu, ni Musengwa Katonda atyo bw'alireetera obutuufu okumeruka mu bantu be, amaghanga goonagoona gaamutaamu ekitiisa.

Yeremia 17:8

Ali ng'oti n'omuti ogwasimbibwa ku mwiga, ogukunkunia emizi gyagwo ni gituuka ku maadhi. Tigutya musana ni bwe gwaka okwaga gha, kuba amakaba gaagwo gasigala nga ti maniavu. Ghazira kigweraliikiriza oba amaadhi gagwa oba tigagwa, kuba buli kiseera gutaaku ebibala.”

Matayo 3:10

Kwo n'okuba empasa eteereibwa ku kikolo eky'emiti kale buli muti ogutaania bibala bikalamu gwa kutemebwa gusuulibwe mu muliro.

Matayo 6:30

Kale oba Katonda avaaza atyo eisubi ery'omu nsiko eririgho leero ate enkyo ni lisuulibwa mu muliro, talisingagho kubavaaza, imwe abali n'okwikiriza okutono?

Mariko 4:28

Eitaka lyene n'erikuza ekimera ekyo okutuusa ku kwama ebibala. Ekimera ekyo kisooka kuleeta makaba, kyabeeka ebifaaganda ebito. Ate ebifaaganda ebyo byakula byabaamu empeke edhikuze obukalamu.

1 Ab'e Korintho 15:38

Katonda agigha omubiri nga bw'ayenda, era buli kika kya nsigo akigha omubiri gwakyo.

Abaheburayi 6:7

Amaadhi gatoonha ku itaka emikuzi kamaala, eitaka lyaganhwa, era lyakuza ebisimbe ebiganhula beene byo Katonda yaaligha enkabi.

Yakobo 3:12

Aboluganda, omutiini gusobola okutaaku emyoliva oba omuzabbibu okutaaku emitiini? N'ensulo ey'amaadhi ag'oluunhu etyo bw'etasobola kuvaamu maadhi makalamu.