Amainhama 1:1 - Baibuli Ekibono kya Katonda 2014

¹ Mu kwinhama Katonda yatonda eigulu n'ensi.

Amainhama 1:1 ပူးပေါင်းရင်းမြစ်များ

2 Bakyabazinga 19:15

yaasaba Musengwa Katonda ng'akoba ati: “Wo Musengwa Katonda, Katonda wa Isiraeli, iwe atyama ku bitonde eby'amaghagha ebyetebwa bikerubi, niiwe Katonda wenka. Niiwe wenka afuga obwakyabazinga bwonabwona ku nsi. Era niiwe watonda eigulu n'ensi.

1 Ebyomubyanda 16:26

Emisambwa gyonagyona abantu gye basinza, bifaananie bufaananie. Aye Musengwa Katonda n'eyakola eigulu.

2 Ebyomubyanda 2:11

Agho Hiramu kyabazinga w'e Tiro yaaghandiikira Solomoni embaluwa emwiramu ng'ekoba eti: “Musengwa Katonda akufiire kyabazinga w'abantu be, lwa kuba agonza inho abantu be abo.

Nehemia 9:6

Ezera yaakoba ati: “Wo Musengwa Katonda, niiwe wenka eyatonda eigulu, n'ebiri ghaigulu mu ibbanga byonabyona. Niiwe eyatonda ensi n'ebigirimu byonabyona. Waatonda n'enhandha n'ebigirimu byonabyona, era byonabyona waabigha obulamu. Ebiri mu igulu byonabyona bikusinza.

Yobu 26:13

Yafuuwa ebire yaabyeya ku igulu; yaagema empiima yaafumita ogusota ogw'omu nhandha nga guli kulumuka okwewonia.

Yobu 38:4

“Wali oli luuyi gha bwe nataagho emisingi gy'ensi? Nkobera, oba nga otegeera inho.

Yobu 9:8

Yabamba eigulu yenka, yaawoza okwefuukuula okw'enhandha.

Zabbuli 102:25

Eira einho wataagho emisingi egy'ensi, n'eigulu lyona walikola na ngalo dho.

Zabbuli 104:24

Wo Musengwa Katonda, nga wakola ebintu nga bya nsambo kamaala! Ate waabikola mu magezi amangi oti ki! Ensi eidhwire ebitonde byo.

Zabbuli 104:30

Aye bw'obigha omuuka gwo bitondebwa, n'ensi yaafuna obulamu obuyaaka.

Zabbuli 115:15

Musengwa Katonda oyo eyakola eigulu n'ensi abaghenga enkabi.

Zabbuli 121:2

Musengwa Katonda n'ambeera, oyo eyakola eigulu n'ensi.

Zabbuli 124:8

Musengwa Katonda n'atubeera, oyo eyakola eigulu n'ensi.

Zabbuli 134:3

Musengwa Katonda oyo aba mu Sioni abaghenga enkabi, oyo eyakola eigulu n'ensi.

Zabbuli 136:5

Oyo n'eyakola eigulu mu magezi ge; okugonza kwe tikukoma, kubaagho byanda na byanda.

Zabbuli 146:6

Oyo n'eyakola eigulu n'ensi, n'enhandha, n'ebirimu byonabyona. Era oyo tiyeerabira ky'aba asuubiiza.

Zabbuli 33:6

Musengwa Katonda yalagira eigulu lyakolebwa; ebiririmu byonabyona byakolebwa olw'ekibono kye.

Zabbuli 33:9

kuba yayogera bwogere ensi yaabaagho, yaalagira bulagire buli kintu kyabaagho.

Zabbuli 8:3

Bweningirira eigulu lye wakola n'engalo dho, ni mbona omwezi ni muunienie bye wataagho,

Zabbuli 8:4

nkoba nti: Omuntu katyo ni ki, iwe okumudhuuba; era omwana w'omuntu ni ki iwe okumulumirwa?

Zabbuli 90:2

Ng'ensozi dhikaali kubaagho, era ng'okaali kutonda nsi n'ebirimu byonabyona, niiwe Katonda eyaligho, era alibaagho ebyanda n'ebyanda.

Zabbuli 96:5

kuba bakatonda boonaboona ab'amaghanga agandi, bintu buntu ebisinzibwa ebitali Katonda, aye Musengwa Katonda n'eyakola eigulu.

Okuvaayo 20:11

kuba mu nnaku omukaaga nze Musengwa Katonda nakola eigulu, n'ensi, n'enhandha n'ebirimu byonabyona, naawuumula ku lunaku olwomusanvu. Kye nava ni ndugha enkabi era ni ndutukuza.

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Ensambo 16:4

Buli kintu Musengwa Katonda yakikola n'ekigendererwa kyakyo, n'omubi yamukolera olunaku olw'okubonerezebwaku.

Ensambo 3:19

Musengwa Katonda yatonda ensi n'amagezi amangi, era yaakozesa okutegeera yaataagho eigulu n'ebiririku.

Omulangirizi 12:1

Idhukiranga Omutonzi ng'okaali mwisuka, enaku embi nga dhikaali kutuuka n'emyaka nga gikaali kutuuka mw'olikobera oti: “Tikaanhumirwa bulamu.”

Isaia 37:16

“Wo Musengwa Katonda Afuga Amagye, Katonda wa Isiraeli, iwe atyama ku bitonde eby'amaghagha ebyetebwa bikerubi, niiwe Katonda wenka. Niiwe wenka afuga obwakyabazinga bwonabwona ku nsi. Era niiwe watonda eigulu n'ensi.

Isaia 40:21

Obwo bwenebwene timukiidhi era timukiwulirangaku? Ghazira muntu akibakoberangaku okuva mu mainhama? Era timukitegeerangaku okuva ku kutondebwa kw'ensi?

Isaia 40:26

Mulinge ghaigulu mubone! Naani eyatonda ebyo ebiri ku igulu? Ni Katonda omulala oyo abiduumira ng'oti igye, n'ayeta buli kirala eriina lyakyo. Era nga bw'ali omukologho ow'amaani agataloodheka, ghaziragho waire ekirala kiti ku ebyo ekitabaagho ng'ayese.

Isaia 40:28

Obwo bwenebwene timukiidhi era timukiwulirangaku? Kale ni bwenebwene Musengwa Katonda oyo ni Katonda atawaagho, eyatonda ensi yoonayoona okuva y'eva okutuuka y'ekanga. Takoogha waire okuwaamu amaani. Era titusobola kutegeera bukalamu magezi ge.

Isaia 42:5

Musengwa Katonda n'eyatonda eigulu yaalibambagho, era yaayandhagho ensi yaagitaamu n'ebigirimu byonabyona. Abantu ababa mu nsi eyo ni bagitambuliramu, yabataamu omuuka gwe bagheera n'omwoyo ogw'obulamu. Era Musengwa Katonda oyo akoba omugheereza we ati:

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Isaia 45:18

Musengwa Katonda yatonda eigulu, era oyo ni Katonda. Yaawumba ensi yaagikola, yaagitaagho yaaba ngumu begulugulu. Tiyagitondera kubaagho nga ntabangufutabangufu, yagitaagho nga ya kubangamu bantu. Era akoba ati: “Ninze Musengwa Katonda zenka, ezirayo Katonda wundi naire.

Isaia 51:13

Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Isaia 51:16

Nkutaire ebibono byange mu kanwa mwo, era ndidha kukukuumanga n'omukono gwange. Ninze eyabamba eigulu, ni ntaagho n'emisingi gy'ensi, era ni nkoba ab'omu Yerusalemu nti, ‘Niimwe abantu bange.’ ”

Isaia 65:17

“Bona, buti ndi kutonda eigulu eiyaaka n'ensi empyaka. Era ebintu ebyabita tibiriidhukirwa waire okulowoozebwaku.

Yeremia 10:12

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabamba eigulu n'okutegeera kwe.

Yeremia 32:17

“Aa, Musengwa Katonda wange, niiwe owatonda eigulu n'ensi ng'okozesa obuyinza bwo obungi n'amaani go agataloodheka. Ghazira kintu kikalangufu inho iwe ky'otasobola.

Yeremia 51:15

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabambagho eigulu.

Zekaria 12:1

Buno n'obukwenda bwa Musengwa Katonda obugema ku Isiraeli. Musengwa Katonda oyo n'eyabambagho eigulu, yaatonda n'ensi, era yaagha abantu obulamu. Era akoba ati:

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

Mariko 13:19

“Kuba mu nnaku edho mulibaamu ebibonoobono ebitabangaghooku okuva Katonda lwe yatonda ebitonde n'okutuusa mperaano, era ebitalibaagho.

Ebikolwa by'Abatume 14:15

“Basaadha imwe, lwaki mukola ebyo? Twena tuli bantu buntu nga imwe. Tubaleeteire Amawulire Amalungi, musobole okuleka ebyo ebitaganhula, mwire ye Katonda omulamu eyakola eigulu, n'ensi, n'enhandha ni byonabyona ebibirimu.

Ebikolwa by'Abatume 17:24

Katonda eyakola ensi n'ebigirimu byonabyona, oyo ni Musengwa w'eigulu n'ensi era oyo taba mu masabo gazimbibwa bantu.

Ebikolwa by'Abatume 4:24

Abaikiriza boonaboona olwabiwulira, baasaba Katonda nga bakoba bati: “Musengwa, niiwe eyakola eigulu, n'ensi, n'enhandha, ni byonabyona ebirimu.

Ab'e Roma 11:36

Kuba byonabyona n'eyabitonda, n'abibeesaagho, era bibaagho ku lulwe. Agheebwe ekitiisa ebyanda n'ebyanda. Amiina.

1 Ab'e Korintho 8:6

ife tuli ni Katonda mulala, Lata, eyatonda ebintu byonabyona, era tuligho ku lw'oyo. Era ghaligho Musengwa mulala, Yesu Kurisito, ebintu byonabyona mwe byabita okutondebwa, era mwe tubita okuba abalamu.

Ab'Efeso 3:9

Era n'okumanhisa abantu boonaboona ebifa ku ntegeka, Katonda eyatonda byonabyona ye yali agisiiza okumala ebyanda.

Abaheburayi 1:10

Era akoba ati: “Iwe Musengwa, mu kwinhama watonda ensi era n'ebiri mu igulu, n'iwe owabikola n'engalo dho.

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

Abaheburayi 11:3

Okwikiriza n'okutusobozesa okutegeera ng'ensi yatondebwa na kibono kya Katonda kyaba nti ebiboneka byakolebwa okuva mu ebyo ebitaboneka.

Abaheburayi 3:4

Kuba kiisi nhumba ebaaku eyagizimba, aye eyazimba ebintu byonabyona ni Katonda.

2 Petero 3:5

Beewuuguusa bwewuuguuse aye nga baidhi ng'eira Katonda yayogera bwogere kibono eigulu n'ensi byabaagho. Ensi yakolebwa ng'eva mu maadhi era yakolebwa na maadhi.

1 Yoanne 1:1

Tubaghandiikira okubakobera ku oyo eyaligho okuviira irala ku kwinhama. Kibono ow'obulamu twamuwulira, twamubona n'amaiso gaife, twamulingirira, twamugemaku n'obwala bwaife.

Okwolekebwa 10:6

yaalayira mu liina lya Katonda omulamu ebyanda n'ebyanda, eyatonda eigulu ni byonabyona ebirimu, n'ensi ni byonabyona ebirimu, n'enhandha ni byonabyona ebirimu. Malaika oyo yaakoba ati: “Tighakaali kulwa.

Okwolekebwa 14:7

Yaayogera n'amamiro ag'amaani ati: “Mutyenga Katonda mumusaake, kuba ekiseera kye eky'okusaliramu omusango kituuse. Mumusinze oyo eyatonda eigulu n'ensi, n'enhandha, n'ensulo.”

Okwolekebwa 21:6

Era yankoba ati: “Biwoire! Ninze Alufa ni Omega, entoolo n'enkomerero. Kiisi ali ndiwo ndimugha yaanhwera ku bwereere ku nsulo ey'amaadhi ag'obulamu.

Okwolekebwa 22:13

Ninze Alufa ni Omega, entoolo n'enkomerero, ainhama era asembayo.”

Okwolekebwa 3:14

“Ghandiikira malaika w'Ekikunsu eky'Abaikiriza mu Kurisito eky'e Laodikea, oti: Oyo oyetebwa Amiina, omudhulirwa omwesigwa, ow'amazima, era ensimuko y'ebyo Katonda bye yatonda, akoba ati:

Okwolekebwa 4:11

“Musengwa era Katonda waife, ogwaniire okugheebwa ekitiisa, okusaakibwa, era n'obukumu. Kuba niiwe watonda ebintu byonabyona, byatondebwa era byabaagho olw'okwenda kwo.”