Ab'e Roma 8:9 - Baibuli Ekibono kya Katonda 2014

⁹ Aye oba nga bwene Mwoyo wa Katonda ali mu imwe timufugibwa mubiri aye mufugibwa Mwoyo. Kiisi azira Mwoyo wa Kurisito ti wa Kurisito.

Ab'e Roma 8:9 ပူးပေါင်းရင်းမြစ်များ

Ezekieli 11:19

Ndibagha omwoyo omuyaaka n'endowooza empyaka. Naabatoolamu omwoyo omukalangafu oguli ng'oti ibaale, naabataamu omwoyo omugonvu omuwulize.

Luka 11:13

Kale oba imwe, ababi, mwidhi okugha abaana baimwe ebirabo ebirungi, memale Lata waimwe ow'omu igulu! Talisingagho inho okugha Mwoyo Mutukuvu ababa bamusabye?”

Yoanne 14:17

Ni Mwoyo ow'amazima. Abantu ab'ensi tibasobola kumusangaalira, kuba tibamubona era tibamwidhi. Aye imwe mumwidhi kuba aba n'imwe, era aba mu imwe.

Yoanne 14:23

Yesu yaamwiramu ati: “Oyo angonza agema ekibono kyange, oyo Lata wange alimugonza era Lata, ninze tulija y'ali twasiisira eyo.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Yoanne 3:6

Omubiri guzaalibwa mubiri, ate omwoyo gwazaalibwa Mwoyo.

Ebikolwa by'Abatume 16:7

Bwe baatuuka okumpi ni Musia, baagezaaku okuja mu kiketezo eky'e Bithunia, aye Mwoyo wa Yesu yaaloba kubaganha.

Ab'e Roma 7:5

Bwe twali nga tufugibwa omubiri, Amateeka gaasiikuulanga okwegomba kwaife okubi, okwegomba okwo kwakola mu mibiri gyaife, kwaleeta okufa.

Ab'e Roma 8:1

Kale ni abo abali mu Kurisito Yesu tibakaali na musango.

Ab'e Roma 8:11

Oba nga Mwoyo wa Katonda eyazuukiza Yesu ali mu imwe, kale oyo eyazuukiza Kurisito Yesu, emibiri gyaimwe egifa gyona aligigha obulamu ku bwa Mwoyo we ali mu imwe.

Ab'e Roma 8:2

Eiteeka lya Mwoyo eritugha ife obulamu abali mu Kurisito Yesu, lyamponia eiteeka ery'ekibi era n'okufa.

1 Ab'e Korintho 15:23

Aye nga buli muntu alizuukira ng'olugobo lwe bwe luliba. Okusooka, Kurisito memale lw'aliira, ababe boonaboona bairaku.

1 Ab'e Korintho 3:16

Timwidhi nga muli isinzizo lya Katonda, era nga Mwoyo wa Katonda aba mu imwe?

1 Ab'e Korintho 6:17

Aye oyo eyeeyimba ku Musengwa afuuka mulala naye mu mwoyo.

1 Ab'e Korintho 6:19

Timwidhi ng'emibiri gyaimwe n'eisinzizo lya Mwoyo Mutukuvu ali mu imwe era eyabagheebwa Katonda? Timuli baimwe ku bwaimwe, aye muli ba Katonda.

2 Ab'e Korintho 10:7

Mubone ebintu nga bwe biri. Omuntu yeenayeena bwe yeekakasa nga wa Kurisito, aidhukire nga twena tuli ba Kurisito nga oyo bw'ali.

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

Ab'e Galatia 4:6

Era olw'okuba muli baana be, Katonda kyeyava n'atuma Mwoyo w'Omwana we angire mu myoyo gyaife. Mwoyo oyo ayeta ati: “Abba!” Ekitegeeza “Iseife.”

Ab'e Galatia 5:24

Era abo aba Kurisito Yesu, baakomerera ku musalaba omubiri gwaibwe, n'empisa dhaagwo n'amairu gaagwo.

Ab'Efeso 1:13

Era mu Kurisito oyo, n'imwe mwena abaawulira ekibono eky'amazima eky'Amawulire Amalungi ag'okulokolebwa kwaimwe era ni mwikiriza Kurisito, Katonda yabasibaku akamanhiso ng'abagha Mwoyo Mutukuvu ye yasuubiza.

Ab'Efeso 2:22

Era mu oyo mwena muzimbibwa mwafuuka endhu ya Katonda mu Mwoyo.

Ab'Efeso 3:17

Kurisito abe mu myoyo gyaimwe olw'okwikiriza kwaimwe. Musimbire irala emizi mu kugonza era mukalangukiremu.

Ab'e Filippi 1:19

Era ndidha kuja mu maiso n'okuba omusangaavu, kuba ndidhi nga olw'okusaba kwaimwe n'olw'okuyambibwa kwa Mwoyo wa Yesu Kurisito ndidha kulekulwa.

2 Timotheo 1:14

Okuumanga bukalamu ekyo eky'omughendo ekyakuteresebwa ng'okozesa amaani ga Mwoyo Mutukuvu ali n'ife.

1 Petero 1:11

Baagezaaku okunoonereza okumanha ekiseera okulokoka okwo kye kuliidhiramu, era n'ensambo ye kuliidhamu, nga bajiira ku Mwoyo wa Kurisito eyabalimu, baalanga okudaagadaaga okwali kuli n'okutuuka ku Kurisito, era n'ekitiisa ekyali kiri n'okukuvaamu.

1 Yoanne 3:24

Oyo yeenayeena agema ebiragiro bya Katonda aba mu Katonda ni Katonda yaamubaamu. Kye tumanhiraku ng'ali mu ife, ni Mwoyo ye yatugha.

1 Yoanne 4:13

Kuno kwe tumanhira nga tuli mu oyo era nga yeena ali mu ife, kuba yatughaaku ku Mwoyo we.

1 Yoanne 4:4

Baana bange muli ba Katonda, abo abalanzi abaguya mwabaghangula, kuba ali mu imwe asinga ali mu nsi.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.