Ab'e Roma 8:3 - Baibuli Ekibono kya Katonda 2014

³ Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

Ab'e Roma 8:3 ပူးပေါင်းရင်းမြစ်များ

Okubala 21:9

Kale Musa yaakola omusota mu kyuma eky'ekikomo, yaagughanika ku mpango. Era buli muntu omusota ye gwamoodhanga, memale n'alinga ku ogwo ogw'ekikomo, ng'awona.

Okubala 28:22

Era mwidha kughangayo embuzi enume ndala ng'ekigheebwayo olw'ebibi, olw'okutoolebwaku ebibi byaimwe.

Mariko 15:27

Era baamukomerera n'abanhazi babiri omulala ku mukono omusaadha, ate owundi ku mugooda. [

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 9:24

Kabiri baayeta omusaadha eyabanga omutulu baamukoba bati: “Mu ga Katonda yogera ekituufu twidhi ng'omusaadha oyo mukozi wa bibi!”

Ebikolwa by'Abatume 13:39

Mu oyo, omuntu yeenayeena aikiriza atukuzibwa.

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Ab'e Roma 6:6

Twidhi ng'obulamu bwaife obw'eira bwakomererwa ghalala ni Kurisito ku musalaba, omubiri ogukola ebibi gusobole okuzikirizibwa, tulobe kwirayo kabiri kuba bairu ba kibi.

Ab'e Roma 7:18

Ndidhi nga olw'obuntu obuli mu nze ghazira kikalamu kyonakyona ekindimu, kuba ni bwenandyenze okukola ekituufu tighanga kukikola.

Ab'e Roma 8:32

Oyo ataasaasira na mwana we mwene, aye n'amughaayo ku lwaife twenatwena, aliroba atya okutugheera aghalala n'Omwana we oyo ebintu byonabyona?

Ab'e Roma 9:3

Kuba kasinga nze mwene Kurisito yandiinaamye olwa baganda bange, ab'eighanga eirala ninze.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Ab'e Galatia 3:13

Aye ife Kurisito yatununula okuva mu kikolimo ekireetebwa Amateeka mwene bwe yakolimirwa ku lwaife kuba kyaghandiikibwa kiti: “Omuntu yeenayeena aghanikibwa ku muti, akolimirwa.”

Ab'e Galatia 3:21

Tukobe tuti Amateeka gakontana n'ebisuubizo bya Katonda? Busa naire. Kuba nguli abantu baagheebwa Amateeka agasobola okuleeta obulamu, nguli mu kutuukiriza bye galagira n'omuva obutuukirivu.

Ab'e Filippi 2:7

Mu kifo ky'ekyo, mwene yeetoolaku ekitiisa kye kyonakyona kyeyendere, yaafuuka mugheereza. yaazaalibwa ng'omuntu, yaaba mu kifaananie eky'omuntu.

Abaheburayi 10:12

Aye Kurisito yaghaayo omusengo mulala gwonka olw'ebibi, memale yaatyama ku luuyi olw'omukono omusaadha ogwa Katonda y'ali ebyanda n'ebyanda.

Abaheburayi 10:14

Olw'okughaayo omusengo guno omulala, abo be yatukuza yabafuula abatuukiriire ebyanda n'ebyanda.

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

Abaheburayi 2:17

Mbeeni kye kyava kimugwanira okuba nga baganda be mu byonabyona, memale asobole okugheereza Katonda ng'Omukulu wa Bakabona, ow'ekisa era omwesigwa, asoniyise abantu ebibi byaibwe.

Abaheburayi 4:15

Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.