Ab'e Roma 8:2 - Baibuli Ekibono kya Katonda 2014

² Eiteeka lya Mwoyo eritugha ife obulamu abali mu Kurisito Yesu, lyamponia eiteeka ery'ekibi era n'okufa.

Ab'e Roma 8:2 ပူးပေါင်းရင်းမြစ်များ

Zabbuli 51:12

Ndhiriza eisanhu ery'obulokozi bwo, ompe omwoyo ogwenda okukugonderanga.

Ezekieli 1:21

Kale ebitonde ebiramu ebyo bwe byabanga ni ye bija, oba ni byemerera, oba ni bisituka mu ibbanga, nga n'enkede edho dhoona dhikola dhityo kuba omwoyo gwabyo gwali mu nkede edho.

Yoanne 4:10

Yesu yaamukoba ati: “Nguli oidhi ekirabo Katonda ky'agha, n'omanha n'oyo ali kukusaba amaadhi okunhwa, wandimusabye yaakugha amaadhi agagha obulamu.”

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 6:63

Mwoyo n'agaba obulamu, omubiri ghazira kye guganhula. Ebibono bye mbakobye ni Mwoyo era n'obulamu.

Yoanne 8:32

Mulimanha amazima era amazima galibafuula ab'eidembe.”

Yoanne 8:36

Kale Omwana bw'alibafuula ab'eidembe muliba ba idembe beenebeene.

Ab'e Roma 16:3

Muunamukize Purisikilla ni Akwila bakozi banange mu Kurisito Yesu be tugheereza nabo,

Ab'e Roma 3:27

Kale ekikuleetera okwesuuta kiri gha? Kiziragho. Lwaki kiziragho? Olw'okuba nga tugema Amateeka? Busa naire, aye lwa kuba twikiriza

Ab'e Roma 5:21

Kale ng'ekibi bwe kyafugira mu kufa, n'ekisa kya Katonda kityo bwe kyafugira mu butuufu, okutuusa ku bulamu obutawaagho, ku lwa Yesu Kurisito Musengwa waife.

Ab'e Roma 6:14

Ekibi kitairangayo kubafuga, kuba Amateeka ti n'agabafuga, aye ekisa kya Katonda.

Ab'e Roma 6:18

Mwava mu kibi mwafuuka abairu b'obutuufu bwa Katonda.

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 7:21

Kale kino kyanfuukira iteeka mu nze, bwe nhenda okukola ekituufu ate nnondagho kukola kibi.

Ab'e Roma 7:23

Aye mu mubiri gwange mulimu eiteeka erindi erirwana n'eiteeka eryo amagezi gange lye gabona nga n'eituufu. Kino kinfuula okuba omusibe w'eiteeka ery'ekibi ekikolera mu mubiri gwange.

Ab'e Roma 7:4

Kale ni aboluganda, bwekiri kityo ye imwe. Mwafa mwayawukanira irala n'Amateeka kuba muli bitundu bya mubiri gwa Kurisito. Kale ni mperaano muli ba Kurisito oyo eyazuukira tusobole okukola obukalamu mu kugheereza Katonda.

Ab'e Roma 8:1

Kale ni abo abali mu Kurisito Yesu tibakaali na musango.

1 Ab'e Korintho 15:45

Kyaghandiikibwa kiti: “Adamu omuntu eyasooka yatondebwa yaaba n'obulamu” aye Adamu ow'enkomerero yafuuka omwoyo ogugaba obulamu.

2 Ab'e Korintho 3:17

Musengwa ni Mwoyo, era Mwoyo wa Musengwa gh'aba, ghaba eidembe.

2 Ab'e Korintho 3:6

Oyo n'eyatusobozesa okuba abagheereza ab'endagaano empyaka, etali ya mateeka maghandiike aye ey'amateeka aga Mwoyo. Amateeka amaghandiike galeeta kufa, aye Mwoyo aleeta bulamu.

Ab'e Galatia 2:19

Kuba nze, mu Mateeka ntwalibwa nga ndi mufu, nga ndhitibwa Amateeka olwo mbe omulamu eri Katonda. Naitirwa ghalala ni Kurisito ku musalaba gwe,

Ab'e Galatia 5:1

Okutuuka ku kwetaaya kuno, Kurisito n'eyatuteekuza okuva mu bwiru. Kale ni mwekalangule mulobe kweiza kabiri mu bwiru obwo.

Ab'e Galatia 6:2

Buli muntu ayambenga mwine, olwo mube nga mutuukiriiza eiteeka lya Kurisito.

Yakobo 1:25

Aye oyo eyeekalirisa amateeka amatuufu agaleetera abantu eidembe, era n'ageekalanguliraku nga tawulira buwulire ni yeerabira, aye ng'akola bye gakoba, omuntu oyo anaabanga wa nkabi mu buli ky'akola.

Okwolekebwa 11:11

Aye enaku eisatu n'ekitundu bwe dhaabitagho, Katonda yaabafuuwamu omuuka ogw'obulamu, baayemerera. Abaababona baatya inho.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.