Ab'e Roma 7:7 - Baibuli Ekibono kya Katonda 2014

⁷ Kale tukobe tutya? Tukobe tuti Amateeka kibi? Busa naire, kuba Amateeka n'agaamanhisa ekibi. Tyandimanhie ng'okwegomba kubi, ngoli Amateeka tigaakoba gati: “Tiweegombanga.”

Ab'e Roma 7:7 ပူးပေါင်းရင်းမြစ်များ

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

2 Samueli 11:2

Lwali lulala eiguloigulo, Daudi yaasituka yaava ku buliri bwe ng'amaze okulambaala okuwuumulaku, yaatambulatambula ghaigulu ku ngulu okw'endhu ye. Ng'ali eyo ghaigulu yaalengera omukazi ali kunaaba, ng'aboneka bulungi inho.

Zabbuli 119:96

Nkizwire nga buli kintu kibaaku enkomerero; aye ebiragiro byo biziraku ghe bikoma.

Okuvaayo 20:17

“Muteegwanizanga ndhu dha bantu bandi. Muteegwanizanga baka beene, waire okwegwaniza abairu baibwe abasaadha oba abakazi, waire ente dhaibwe, oba endogoyi dhaibwe, oba ebintu byaibwe ebindi byonabyona.”

Mika 2:2

Bwe beegwaniza omusiri, nga bagunhaga, oba ndhu, nga batwala butwale. Era nga bwebabisa ebintu eby'omuntu, n'omuntu mwene yeena bwe bamubisa.

Matayo 5:28

Aye nze mbakoba nti, buli alingirira omukazi olw'okumwegomba, aba amwenzeeku mule mu mwoyo.

Luka 12:15

Agho yaabakoba ati: “Mwegendereze era mweghale okululunkanira ebintu kwonakwona kuba obulamu obw'omuntu tibuli mu kuba na bintu ni bwe biba kamaala bitya.”

Luka 20:16

Aja kwidha azikirize abakozi abo n'eisamba aliteemu abandi.” Abantu bwe baawulira ekyo baakoba bati: “Katonda ataganha ekyo kubaagho.”

Ebikolwa by'Abatume 20:33

Tyegombanga feeza oba zaabu oba kivaalo kya muntu yeenayeena.

Ab'e Roma 13:9

Ebiragiro ebikoba biti: “Otayendanga, otaitanga, otaibanga, otabanga na kwegomba bya beene”, n'ebiragiro ebindi byonabyona biri mu iteeka eirala erikoba liti: “Gonzanga muntu mwino nga bwe weegonza mwene.”

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Ab'e Roma 3:5

Aye tunaakoba ki bwe kiba nga ife olw'okuba ababi kyolekera irala nga Katonda bw'asala mu mazima? Ka ndhogere ng'abantu bwe boogera. Tunaakoba tuti Katonda mukyamu bw'atubonereza?

Ab'e Roma 4:1

Kale tunaakoba ki ku dhaadha waife Aburahamu? Kiki kye tumwegeraku?

Ab'e Roma 4:15

Amateeka galeeta obusungu bwa Katonda, aye aghazira Mateeka, tighaba kwonoona.

Ab'e Roma 5:20

Amateeka gaidha ekibi kyeyongere. Aye ekibi ye kyakoma okweyongera, n'ekisa kya Katonda ye kyakoma okweyongera.

Ab'e Roma 6:15

Kale tukole tutya? Tukole ekibi kuba tufugibwa ekisa kya Katonda? Busa naire.

Ab'e Roma 7:11

Ekibi bwe kyabita mu kiragiro, kyanguyaguya kyandhita nga kikozesa ekiragiro ekyo.

Ab'e Roma 7:13

Olwo kino kitegeeza kiti ekikalamu n'ekyandeetera okufa? Busa naire. Aye ekibi n'ekyandeetera okufa nga kibita mu kikalamu, ekibi kisobole okweyoleka nga bwekiri ekibi era olw'ekiragiro, ekibi kyeyongere okulagira irala obubi bwakyo.

Ab'e Roma 7:5

Bwe twali nga tufugibwa omubiri, Amateeka gaasiikuulanga okwegomba kwaife okubi, okwegomba okwo kwakola mu mibiri gyaife, kwaleeta okufa.

Ab'e Roma 7:8

Aye ekibi nga kibita mu kiragiro ekyo, kyandeetera okwegomba okubi okwa buli nsambo, kuba amateeka bwe gatabaagho ekibi kiba kifiire.

1 Ab'e Korintho 15:56

Okulumya okw'okufa kuva mu kibi, n'amaani g'ekibi gava mu Mateeka.

Ab'Efeso 5:3

Ng'abatuukirivu bwe bandibaire, bino tibigwaine na kwogerebwa mu imwe: okwenda, obudankaanu, n'okwegomba okubi.

Amateeka Agokubiri 5:21

“ ‘Muteegwanizanga baka beene. Muteegwanizanga ndhu dha bantu bandi, waire enimiro dhaibwe, waire abairu baibwe abasaadha oba abakazi, waire ente dhaibwe, oba endogoyi, oba ekintu ekindi kyonakyona eky'omuntu owundi.”

Ab'e Kolosai 3:5

Kale mwite okwegomba okubi okuli mu imwe: obwenzi obudankaanu, okwegomba okw'ensoni, okuwugaawugana, obutaiguta, kuba kino kiri ng'oti kusinza ebitali Katonda.

1 Ab'e Thessalonika 4:5

Mutafugibwanga mairu ga mubiri ng'oti n'abantu ab'ensi abatatya Katonda bwe bakola.

Abaheburayi 7:19

kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.

Yoshua 7:21

mu bintu bye twanhaga nabonamu ekivaalo ekiboneka obulungi einho, nga kyakolebwa e Babilonia. Naabonamu ni kilo ng'oti ibiri edha feeza, n'ekitundu ekya kilo ekya zaabu, naabyegomba era naabitwala. Ebintu ebyo mwidha kubyagaana nga nabiziika mu weema yange, nga feeza n'eri ghansi.”