Ab'e Roma 7:4 - Baibuli Ekibono kya Katonda 2014

⁴ Kale ni aboluganda, bwekiri kityo ye imwe. Mwafa mwayawukanira irala n'Amateeka kuba muli bitundu bya mubiri gwa Kurisito. Kale ni mperaano muli ba Kurisito oyo eyazuukira tusobole okukola obukalamu mu kugheereza Katonda.

Ab'e Roma 7:4 ပူးပေါင်းရင်းမြစ်များ

Isaia 54:5

Omutonzi wo mwene n'aliba balo, era eriina lye ni Musengwa Katonda Afuga Amagye. Omutukuvu wa Isiraeli n'aliba Omununuzi wo, era oyo ni Katonda w'ensi yoonayoona.

Isaia 62:5

Ng'omwisuka bw'abayiza omughala omwegha, n'abantu bo batyo bwe baliba ng'oti bakubayiiza. Era ng'omusaadha bw'asagamba olw'omugole y'abayiiza, ni Katonda atyo bw'alisagamba olwa iwe.

Matayo 26:26

Bwe baali balya, Yesu yaatoola omugaati, yaagugha enkabi nga yeebaza, yaagumegulamegulamu, yaagha Abeegeresebwa yaakoba ati: “Mutoole, mulye guno mubiri gwange.”

Mariko 4:20

Ate edho edhaasigibwa mu itaka eirungi, n'abo abawulira ekibono baakiikiriza n'omwoyo mulala era kyayama, okundi asatu, okundi nkaaga, n'okundi kikumi.”

Yoanne 15:8

Bwe mwama einho muba beegeresebwa bange era mwoleka ekitiisa kya Lata wange.

Yoanne 3:29

Omugole aba w'oyo amubayiiza. Mukagwa w'oyo abayiiza bw'ayemerera n'awulira eiroboozi ly'oyo abayiiza asangaala. Kale ni eisanhu lyange lituukiriire.

Yoanne 6:51

Ninze omugaati oguleeta obulamu, ogwava mu igulu. Omuntu yeenayeena bw'alya ku mugaati guno aja kuba mulamu ebyanda n'ebyanda. Omugaati gwe ndighaayo olw'obulamu obw'ensi eno, n'omubiri gwange gwe nja okughaayo ku lw'ensi eno ebe n'obulamu.”

Ab'e Roma 6:11

Mu nsambo n'endala mwena muteekwa okwetwala ng'abaafa olw'ekibi, aye atenga muli balamu mu bulamu bwa Katonda mu Kurisito Yesu.

Ab'e Roma 6:14

Ekibi kitairangayo kubafuga, kuba Amateeka ti n'agabafuga, aye ekisa kya Katonda.

Ab'e Roma 6:2

Busa naire. Oba nga olw'ekibi twafa, kabiri tughanga tutya okuba nga tukaali balamu mu kibi?

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 7:3

Kale ni omukazi oyo bw'abayira omusaadha owundi nga iba akaali mulamu ayetebwa mwenzi aye iba bw'afa aba takaasibibwa iteeka eryo, era bw'abayira omusaadha owundi taba mwenzi.

Ab'e Roma 7:6

Aye mperaano titukaafugibwa Mateeka, kuba twafa twayawukana n'Amateeka agaali gatufiire abasibe. Titukaagheereza mu nsambo ey'eira ekolera ku mateeka amaghandiike, aye tugheereza mu nsambo empyaka eya Mwoyo.

Ab'e Roma 8:2

Eiteeka lya Mwoyo eritugha ife obulamu abali mu Kurisito Yesu, lyamponia eiteeka ery'ekibi era n'okufa.

1 Ab'e Korintho 10:16

Ekikopo ekyo kye twebalizaaku Katonda ti n'okwisa ekirala mu musaayi gwa Kurisito? Era omugaati gwe tumegulamegulamu ti n'okwisa ekirala mu mubiri gwa Kurisito?

2 Ab'e Korintho 11:2

Mbawubira era nga Katonda bw'abawubira, kuba nabandhula ye Kurisito ng'omughala omwegha ye baja okugha iba omulala ati.

Ab'e Galatia 3:13

Aye ife Kurisito yatununula okuva mu kikolimo ekireetebwa Amateeka mwene bwe yakolimirwa ku lwaife kuba kyaghandiikibwa kiti: “Omuntu yeenayeena aghanikibwa ku muti, akolimirwa.”

Ab'e Galatia 5:18

Aye Mwoyo bw'aba nga n'akugalagira oba tofugibwa Mateeka ago.

Ab'Efeso 2:15

Yaadibya eiteeka ni byonabyona bye lyalagiranga, atondegho mu mwene, omuntu mulala mu kifo ky'ababiri, olwo aleete emiraala.

Ab'e Filippi 1:11

Obulamu bwaimwe bwidhule ebikolwa ebikalamu ebiidha nga bibita mu Yesu Kurisito olw'okugheesa Katonda ekitiisa n'olw'okumusaaka.

Ab'e Filippi 4:17

Ekigendererwa kyange ti kya kufuna bwa birabo aye kya kubona ng'ebikalamu bye mukoze byeyongeraku obungi.

Ab'e Kolosai 1:10

Agho musobole okwebisa nga Musengwa bw'ayenda era nga mukola ebimusangaaza mu buli nsambo nga kiisi kye mukola kikalamu era nga kyania ebibala, era mweyongere n'okumanha Katonda.

Ab'e Kolosai 1:22

Aye mperaano olw'okufa kwa Kurisito mu mubiri, yabafuula bakagwa be, musobole okuba mu maiso ge nga muli batukuvu, abaziraku kimyamya kyonakyona era waire kibi kyonakyona.

Ab'e Kolosai 1:6

Amawulire gano agaabakoberwa era agaakoberwa ensi yoonayoona, galeese ebibala ng'oti ni bwe gabaire gakola mu imwe okuva ku lunaku lwe mwawulira era ni mumanha ekisa kya Katonda mu mazima.

Ab'e Kolosai 2:14

Ng'amaze okusazaamu endagaano ey'ebitubandhibwa, ni byonabyona ebyali bitusiba mu ndagaano eyo eyali etuli obubi, yaagitoolagho yaagikomerera ku musalaba.

Ab'e Kolosai 2:20

Oba nga bwe mwafa ni Kurisito mwawona okufugibwa emizimu egifuga ensi, memale lwaki muba oti mukaali ba nsi? Lwaki muwulira ebiragiro ng'oti ni bino:

Abaheburayi 10:10

Twatukuzibwa, kuba Yesu Kurisito yakola ekyo Katonda kye yayenda bwe yaghaayo omubiri gwe omukuzi omulala guti nga gumala.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

Okwolekebwa 19:7

Tusangaale, tusagambe, tusaake ekitiisa kye, kuba embaga ey'obugole ey'Entaama Ento etuuse, omugole yeetegeike.

Okwolekebwa 21:9

Agho owundi ku bamalaika omusanvu abaali n'ebibya omusanvu, ebyali biidhwire ebibamba omusanvu eby'ensembo, yaidha, yaayogera ninze, yankoba ati: “Idha, ndidha kukwoleka omugole Entaama Ento y'ebayiiza.”