Ab'e Roma 7:23 - Baibuli Ekibono kya Katonda 2014

²³ Aye mu mubiri gwange mulimu eiteeka erindi erirwana n'eiteeka eryo amagezi gange lye gabona nga n'eituufu. Kino kinfuula okuba omusibe w'eiteeka ery'ekibi ekikolera mu mubiri gwange.

Ab'e Roma 7:23 ပူးပေါင်းရင်းမြစ်များ

Zabbuli 142:7

Ntoola mu ikomera, nsobole okukusiimanga buliidho era nkusaakenga nga ndi mu bantu bo abeesoloiza okukusinza; kuba onaaba onkoleire bukalamu.

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Ab'e Roma 6:13

Timughangayo bitundu bya mibiri gyaimwe y'ekibi okubikozesa mu kwonoona. Aye mweghengayo ye Katonda oti n'abantu abaviire mu kufa ni baira mu bulamu, era mwegheereyo irala ye Katonda abakozesenga ebikolwa eby'obutuufu.

Ab'e Roma 6:19

Ndhogera ng'omuntu obuntu, olw'obunafu obw'okutegeera kwaimwe. Ng'era bwe mweghangayo ni muba abairu mu kukola eby'eiko ni mu kwonoona, ni mukola ebibi, kale ni mperaano mwegheereyo irala ng'abairu ab'obutuufu, musobole okutukuzibwa.

Ab'e Roma 7:14

Twidhi nga Amateeka galigho ku lwa bya mwoyo, aye nze nfugibwa mubiri era ndi mwiru wa kibi.

Ab'e Roma 7:21

Kale kino kyanfuukira iteeka mu nze, bwe nhenda okukola ekituufu ate nnondagho kukola kibi.

Ab'e Roma 7:25

Katonda yeebazibwe, oyo alimponia ng'abita mu Musengwa waife Yesu Kurisito. Nze mu mwoyo mule ndi mugheereza wa mateeka ga Katonda, aye mu buntu ngondera iteeka lya kibi.

Ab'e Roma 7:5

Bwe twali nga tufugibwa omubiri, Amateeka gaasiikuulanga okwegomba kwaife okubi, okwegomba okwo kwakola mu mibiri gyaife, kwaleeta okufa.

Ab'e Roma 8:2

Eiteeka lya Mwoyo eritugha ife obulamu abali mu Kurisito Yesu, lyamponia eiteeka ery'ekibi era n'okufa.

Ab'e Galatia 5:17

Kuba omubiri bye gwenda Mwoyo by'atenda, ate Mwoyo by'ayenda omubiri bye gutenda. Kiisi kirala kitakania kiinaakyo, waaloba kusobola kukola nga bw'oyenda.

Abaheburayi 12:4

kuba waire mulwana n'ekibi, mukaali kutuuka ku kwitibwa.

Yakobo 3:2

Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.

Yakobo 4:1

Biki ebibaleetera okulwanalwana n'okusoolasoola? N'okwegomba okw'emibiri gyaimwe okulwanira mu imwe?

1 Petero 2:11

Aboluganda, nga bwe muli ababise era abanoonia obubudamo mu nsi muno, mbeeghembye mulobere irala kujiira ku mubiri bye gwegomba ebirwanisa omwoyo.