Ab'e Roma 7:18 - Baibuli Ekibono kya Katonda 2014

¹⁸ Ndidhi nga olw'obuntu obuli mu nze ghazira kikalamu kyonakyona ekindimu, kuba ni bwenandyenze okukola ekituufu tighanga kukikola.

Ab'e Roma 7:18 ပူးပေါင်းရင်းမြစ်များ

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Yobu 25:4

Ghaligho omuntu yeenayeena asobola okuba omutuufu mu maiso ga Katonda? Omuntu eyazaalibwa obuzaalibwe, aghanga okuba omulongoofu?

Zabbuli 119:173

Banga mwetegefu okumbeera buliidho, kuba nasalagho okujiiranga ku mateeka go.

Zabbuli 119:176

Nadaaliima ng'oti n'entaama eyabula, nkusaba onnoonie ye ndi kuba tyerabiranga biragiro byo.

Zabbuli 119:32

Ndidha kwangughangaku okukola ng'ebiragiro byo bwe binkoba, ng'ogaziiya okutegeera kwange.

Zabbuli 119:40

Bona, neegomba inho amateeka go; mpa obulamu olw'obutuufu bwo.

Zabbuli 119:5

Ha, kale ngoli neekuuma ni ntasobya, ni nkuuma by'olagira!

Zabbuli 51:5

Bona, nagwa mu nda ya maama nga ndi mu kibi; nazaalibwa nga ndi mwonooni.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Luka 11:13

Kale oba imwe, ababi, mwidhi okugha abaana baimwe ebirabo ebirungi, memale Lata waimwe ow'omu igulu! Talisingagho inho okugha Mwoyo Mutukuvu ababa bamusabye?”

Yoanne 3:6

Omubiri guzaalibwa mubiri, ate omwoyo gwazaalibwa Mwoyo.

Ab'e Roma 13:14

Aye tugeme eby'okulwanisa bya Musengwa waife Yesu Kurisito. Mutaganhanga mubiri kukola kye gwenda.

Ab'e Roma 7:15

Titegeera kye nkola kuba tikola kye nhenda kukola, kye ntayenda kukola kye nkola.

Ab'e Roma 7:19

Tikola kikalamu kye nhenda kukola, aye ekibi kye ntayenda kukola kye nkola.

Ab'e Roma 7:25

Katonda yeebazibwe, oyo alimponia ng'abita mu Musengwa waife Yesu Kurisito. Nze mu mwoyo mule ndi mugheereza wa mateeka ga Katonda, aye mu buntu ngondera iteeka lya kibi.

Ab'e Roma 7:5

Bwe twali nga tufugibwa omubiri, Amateeka gaasiikuulanga okwegomba kwaife okubi, okwegomba okwo kwakola mu mibiri gyaife, kwaleeta okufa.

Ab'e Galatia 5:17

Kuba omubiri bye gwenda Mwoyo by'atenda, ate Mwoyo by'ayenda omubiri bye gutenda. Kiisi kirala kitakania kiinaakyo, waaloba kusobola kukola nga bw'oyenda.

Ab'e Galatia 5:24

Era abo aba Kurisito Yesu, baakomerera ku musalaba omubiri gwaibwe, n'empisa dhaagwo n'amairu gaagwo.

Ab'e Filippi 2:13

Kuba Katonda n'akolera mu imwe memale mwaganha era mwasobola okukola by'ayenda.

Ab'e Filippi 3:12

Tikoba nti naghangula, oba nti namala okutuukirira aye neekalangula okufuna ekyo Kurisito Yesu kye yavaaku okunfuula owuwe.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

1 Petero 4:2

Olwo ekiseera ky'amala ng'akaali mu mubiri, yaaba nga takaafugibwa kwegomba kwa mubiri okutoolaku okufugibwa Katonda by'ayenda.