Ab'e Roma 7:15 - Baibuli Ekibono kya Katonda 2014

¹⁵ Titegeera kye nkola kuba tikola kye nhenda kukola, kye ntayenda kukola kye nkola.

Ab'e Roma 7:15 ပူးပေါင်းရင်းမြစ်များ

Ab'e Galatia 5:17

Kuba omubiri bye gwenda Mwoyo by'atenda, ate Mwoyo by'ayenda omubiri bye gutenda. Kiisi kirala kitakania kiinaakyo, waaloba kusobola kukola nga bw'oyenda.

Nahumu 1:7

Musengwa Katonda mulungi, oyo n'ekifo eky'okwewogomamu mu biseera ebizibu; alabirira abo abamwesiga.

Yakobo 3:2

Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Ab'e Roma 12:9

Okugonza kwaimwe kubenga kwa mazima, mulekenga kukola kibi, mukalangukirenga ku kikalamu.

Yuda 1:23

muwonieku abandi nga mubaghendula mu muliro. Abandi mu basaasire aye nga mubatya, nga mwesambira irala n'ebivaalo byaibwe ebyayonebwa ebikolwa byaibwe eby'omubiri.

Ab'e Roma 14:22

Ky'oikiriza kikuume nga kimanhiibwa iwe wenka ni Katonda wo. Wa nkabi omuntu oyo ateesalira musango kumusinga mu ebyo by'atwala okuba ebituufu.

Zabbuli 19:12

Naani asobola okubona ensobi dhe mwene? Wo Musengwa Katonda, nsonigha ebisobyo bye ngwamu nga tiidhi.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

Abaheburayi 1:9

Ogonza obutuufu waakyagha obudheemu Katonda wo kyeyava akulonda era n'akugha okusangaalira mu kitiisa okusinga baino boonaboona.”

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Ab'e Roma 7:16

Bwe nkola kye ntayenda nkakasa nga Amateeka makalamu.

Zabbuli 119:113

Nkyagha abantu abayuugayuuga ni batagema mateeka na mwoyo mulala, aye nze ngonza inho amateeka go.

Zabbuli 101:3

Tija kuganhanga kwereeterezaaku kintu kyonakyona kibi. Nkyaghira irala ebikolwa by'abo abava ku Katonda. Tija kukolagananga nabo naire.

Zabbuli 1:6

Katonda alabirira era yaakugira abatuufu, aye ababi balizikirira.

Ensambo 13:5

Omuntu akola ebituufu akyagha obuguya, aye omukozi w'ebibi yeebisa mu nsambo eswaza era anhoomebwa.

Zabbuli 119:163

Tyenda buguya era mbwenhinhala, aye ngonza inho amateeka go.

Zabbuli 119:128

Kyenva neesibirira ku kujiira ku ebyo by'olagira; ni nkyagha empisa embi dhoonadhoona.

Zabbuli 65:3

olw'ebibi byaibwe, kuba ebibi byaife bwe bitubitiriraku obitusonigha.

1 Bakyabazinga 8:46

“Abantu bo bwe banaakolanga ebibi y'oli, nga bwekiri nti ghazira muntu atakola kibi, memale n'obasungughalira era n'oleka abazigu baibwe ni babaghangula era ni babatwala nga banhage mu nsi ey'abazigu k'ebe ey'okumpi oba ey'eghala,

Zabbuli 119:40

Bona, neegomba inho amateeka go; mpa obulamu olw'obutuufu bwo.

Zabbuli 119:32

Ndidha kwangughangaku okukola ng'ebiragiro byo bwe binkoba, ng'ogaziiya okutegeera kwange.

Luka 11:48

Kale mutyo mwakakalisa irala era mwaghagira ebikolwa bya badhaadha baimwe kuba abo baabaita ate imwe mwazimba amagombe gaibwe.

Zabbuli 119:104

Mu mateeka go nfunamu okutegeera, kyenva ni nkyagha empisa edh'obuguya dhoonadhoona.

Zabbuli 97:10

Musengwa Katonda agonza abo abakyagha ebibi; yaakuuma abantu be abamutya; era yaabatoola mu buyinza obw'ababi, yaabawonia.

Zabbuli 36:4

Akola entegeka ey'okukola eby'eitima ng'ali mu buliri, yaasituka nga ghazira kirungi kye yeetegeike kukola, era ghazira kibi kimugemya ntete kukola.

Yoanne 15:15

Tikaabeeta bagheereza, kuba omugheereza tamanha Musengwa we by'akola. Aye mbeeta bakagwa bange, kuba byonabyona bye nawulira okuva ewa Lata wange nabibamanhisa.